انتقام صعيدية إسراء إبراهيم
تاني يوم كانت فتون نايمة على جنبهاو شعرها مفرود على المخدة بس فجأة بتفوق علي صوت نوح وهو بيتكلم بضحكة خفيفة في التليفون فتقوم باستغراب وتروح ليه عند الشباك وتلاقيه بيكلم بنت فيديو كول
نوح بصوت واطي بس واضح
لا لا بلاش تعملي العرض كده خليه مبسط كيف ما اتفقنا تمام بالظبط كده يا سلمى إنتي شاطرة وأنا عارفك زين
سلمى من الموبايل بصوت ناعم
ماشي يا نوح هظبط كل حاجة قبل ما تيجي ومستنياك تنور مصر
فتون واقفة في مكانها عينيها على وش البنت اللي باين في الفيديو وكان وشها جميل جدا وشعرها نازل على كتفها وضحكتها جذابة فكتمت فتون بس كانت هتتجنن
نوح بهدوء
أنا جاي جريب فخلينا نخلص الملفات دي بسرعة قبل ما أوصل وسلميلي على الفريق كله
قفل نوح الفون ولف لاقي فتون واقفة قدامه إيديها مربعة وعنيها بتلمع بغيرة واضحة
نوح بضحك
بجي العروسة صحيت بدري اهي
فتون بغيرة
كنت نايمة وصحيت على صوتك الحلو بتكلم مين
نوح ببساطة
دي سلمى من الشغل في مصر
فتون بصوت
أعلى شوية
وسلمى دي بتشتغل ايه عشان تكلمك في صباحيتك كدة عادي
نوح بيهزر
بتشتغل معايا مش عندي يعني مسؤولة عن الفريق في القاهرة
فتون بانفعال
وإنت بتكلمها فيديو ليه يعني كنت محتاج تشوف وشها
نوح بيضحك علي غيرتها
يا جلبي ده شغلها يعني كنت بوضحلها حاجة في ملف مهم يعني مفيش حاجة تستاهل
فتون بحدة
لا تستاهل أنا مش بحبك تتعامل مع بنتة وخصوصا اللي زي دي اللي وشهم كله ضحك وهزار!
نوح بخبث
فتون إنتي بتغيري عليا
فتون بعند
لا مش بغير بس مش عاوزاك تكلمها تاني ولا أي واحدة غيري مفهوم
نوح وهو بيحاول يهديها
يا حبيبتي ده شغل وأنا راجل محترم وبعدين إنتي ماليا عيني وجلبي إنتي مرتي في إيه بجي لكل ده
فتون بتمشي ناحيه الحمام وهي مخڼوقة
ما تلمش الموضوع اكده أنا مش مرتاحة لشغلك مع البنتة ولو بتحبني بجد متكلمهاش تاني!
فتون قالت كلامها وسابت نوح ودخلت الحمام ونوح واقف مصډوم وبعدين بيبتسم ابتسامة خفيفة وبيستناها تخرج وأول ما تفتح الباب بيقرب منها بسرعة ويحاصرها بين إيديه على الحيطة
نوح بخبث
مش هتهربي مني تاني ايه رأيك بجي
فتون بزعل
اوعي اكده وهملني انا زعلانة منك جوي يا نوح
نوح بنبرة كلها حب
وانا مجدرش علي زعلك يا حتة من جلبي أنا بحبك يا فتون وبعشجك ومن يوم ما شوفتك مشوفتش غيرك عشان انتي مش بس مالية عيني انتي مالية جلبي فاهمة يعني إيه
فتون بخجل
بجد يعني مش هتبص لغيري ابدا
نوح وهو بيطبطب عليها
عمري ولا هبص حتى لو الدنيا كلها اتجمعت حواليا بنتة مش هشوف غيرك إنتي
اابتسمت فتون بفرحة بس رجعت كشرت
فتون بقلق
طب إنت كنت بتجولها إنك نازل مصر
نوح بتوتر
آه في شغل لازم أروحه يومين وهرجعلك علطول
فتون بلهقة وخوف
لا بلاش تروح أنا خاېفة عليك سيف ده مش شخص عادي وأنا جلبي مش مرتاح ليه بلاش تهملني لوحدي يا نوح
نوح بيضمها أكتر ويحاول يطمنها وهو بيكدب بهدوء
نوح بهدوء
أنا رايح فعلا عشان شغل وملكيش دعوة بسيف ولا غيره ومټخافيش وبعدين دي شغلانة مهمة ولازم أخلصها وهرجعلك بسرعة
فتون بابتسامة
وعد
نوح بحب
وعد يا عمري تعرفي انك هتوحشيني من جبل ما أسافر
فتون پخوف في قلبها
لو عليا مش ههملك تسافر يا نوح وتبعد عني ابدا
