انتقام صعيدية إسراء إبراهيم
بليل في اوضة فتون
وردة بفرحة
طبعا توافجي يا فتون ودي فرصة تتساب يا بتي
فتون پغضب
كيف يعني رايداني اوافج بجي نوح دلوك رايد يتجوزني لا وكمان جاي يؤمرني ويجولي حضري نفسك طب والله كتر خيره عاد
وردة باصرار
وفيها ايه بس فهميني يعني مش جايز عمك الحمد لله وافج ونوح ما صدق لانه عاشجك ورايد يدي نفسه فرصة يقرب منك متبجيش عندية عاد ووافجي لانك لسة عاشجاه يا بتي وانتي خابرة اكده زين
فتون بۏجع
كيف يعني اوافج كأني معنديش كرامة ومستنية معاليه لما يتشرف ويديني فرصة هو وعمي لا انا بت فهد يعني الف راجل يتمنو بس ابصلهمو انا بجي مش هوافج وهتشوفي ياما انا هكسفه كيف جدام الخلج
وردة پصدمة
وه اتجنيتي اياك انتي لو عملتي كدة هتبجي بتقلي بابوكي يا بت فهد ووجتها انتي هتتحامي في نوح من ابوكي واللي هيعملو فيكي
فتون بانفعال
يوووه يعني انتي رايداني اعمل ايه اروح اترمي في حضنه واقوله انت عندك حق احنا ندي علاقتنا فرصة وهنسي حاضر ان ابوك رفضني وانك هملتني ومشيت اسمعيني زين ياما انا كنت فاكرة ان ممكن يكون نوح بيحبني بس هو متكلمش ومجالش حاجة والله اعلم هو هيتجوزني دلوك ليه وعشان كدة انا مش هوافج
وردة بضيق
خلاص براحتك يا بت بطني بس مترجعيش تندبي لما تعرفي انه راح اتجوز بنتة غيرك وتجولي يارتني اديته فرصة
فتون پخوف
تفتكري يعملها لا نوح معتقدش ابدا
وردة بخبث
العند يعمل اكتر من اكده ومش بعيد كمان يكتب عليها يوم الفرح لما انتي ترفضيه عشان كدة بجولك خليكي واعية واديله فرصة وانا متوكدة انك هتطلعي غلطانه وبكرة تقولي امي جالتلي
فتون بتردد
تفتكري ياما
وردة بابتسامة
طبعا يا حبيبتي اتوكلي علي الله ولما تتجوزه ابجي عاتبيه براحتك وافهمي منه كل حاجة
سكتت فتون وهي بتفتكر كلام نوح ليها اخر مرة وانه قالها هيرد عليها
بعد الفرح وهيفهمها كل حاجة ووقتها قررت انها توافق وهي بتحاول تقنع عقلها انها وافقت عشان بس تعرف الحقيقة مش عشان لسة بتحبه
بارك الله لكما وبارك عليكما وجمع بينكما في خير
كانت فتون واقفة جمب نوح وهي بتحاول تخبي فرحتها بس مقدرتش لما نوح قرب منها وحضنها بحب وهو بيطبع قبلة في جبينه
فتون بهمس وقلبها بيدق
بتعرف تمثل يا واد عمي لا بجد بلاد برة علمتك زين الكدب واللوع
نوح بهمس
وعمتني كمان ارد عالاساءة بالحسني بس دي بجي خليها لما نبجي لحالنا يا مرتي عشان اعرف ارد زين
فتون بخجل
انت جليل الحيا وفعلا بلاد برة علمتك الوقاحة والله اجول لابوي اخليه يطلجني دلوك
نوح بضحكة مستفزة
تعرفي لو جالي مين دلوك وجالي اطلجك ممكن اجتله واجتل حالي بس تفضلي مرتي
فتون بقصد
وه كانك عاشجني بحج وحجيجي يا نوح انت خلتني قربت اصدق جولي كيف بتعرف تلاوع وتكدب زين اكده
نوح بهمس وهو بيقرب من ودنها
ومين قالك اني بكدب يا بت عمي
فتون فتحت عنيها پصدمة وقلبها دقاته وصلت لنوح اللي ابتسم ليها بقصد وكأنه بيأكدلها اللي سمعته وشبح ابتسامة ظهرت علي وشها بس اختفت دخل سيف الدين ببرود بيت منصور
منصور بحدة
انت ايه اللي جابك اهنه يا جدع انت وكمان ليك عين تيجي
فهد پغضب
لو مغورتش من اهنه هخلي الغفر يطردوك برة انت فاهم
سيف ببرود وعنيه علي نوح
اهدو علي حالكم يا حج فهد انت ومنصور بقي دي مقابلة الضيوف برضك ده انا جاي ابارك
نوح بحركة تلقائية منه سحب فتون وخباها وراه وهي مكنتش فاهمه حاجة
فتون بهمس
في ايه يا نوح انا خفت ومين ده
نوح وهو بيلف وشه ليها
اوعي تخافي طول ما انا موجود فاهمة يا فتون ودلوك تفضلي ورايا مش رايد الحيوان ده يلمح طيفك فاهمة
فتون بحركة تلقائية منها حاوطت نوح من ضهره وكأنها بتطمن نفسها ووقتها هو قلبه دق بس كان لازم يتصرف فبص لسيف پغضب
نوح پغضب
انت مش مترحب بيك اهنه ولو عالواجب منك مش رايدينه واطلع برة
سيف بقصد وټهديد
طالما قولت كدة تبقي عرفت وابوك حكالك عشان كدة االكلام هيبقي عالمكشوف انا كان اتفاقي مع ابوك انها طالما مش هتكون ليا يبقي ولا لغيري وهو ده كارت الامان بالنسبالي وهو خلي بالاتفاق ده وعشان كدة انا بقولكم خاو بالكم منها كويس ومن نفسيكم ماشي يا منصور
نوح پغضب وصوت قوي ملي المكان
لو متعرفش مين نوح منصور القناوي تبجي غلبان وعندك عذرك فاسأل عليا واعرف اني مبهملش طاري وانا لما سافرت مكنتش خابر انك انت السبب بس دلوك ده ليه حساب تاني يا سيف وبجولك دلوجتي امشي واحسنلك تختفي احسن انا مبهملش طاري واكده ولا اكده هجيبك وعذرك بس الليلادي هو فرحي فاعرف انك اتكتبلك عمر جديد
سيف بصله پغضب وسابهم ومشي ووقتها نوح كان بيتنفس پغضب وفتون واقفة مصډومة بعد ما جمعت الكلام اللي دار كله وعرفت انه عليها ووقتها نوح سحبها من ايديها وطلع فوق تحت نظرات كل الموجودين
