الفصل الثاني والعشرين لولا الغرام بقلمي روز أمين
حدق في وجهها مباشرة، وسألها بسخرية لاذعة:
-ويا ترى يا أستاذة سلمية، معاكم تصريح بالمظاهرة دي؟!
تدخل القائد مسرعًا ليخفف من حدة المواجهة، ورد بهدوء:
-إحنا قدمنا قبل كدا كذا مرة وطلبنا اترفض يا افندم، وبعدين يا فندم إحنا مش ناويين نعمل مشاكل، مظاهرتنا هتكون سليمة زي ما قولنا لحضرتك.
هز هشام رأسه، وتبدلت نبرته الساخرة إلى واقعية حازمة تشرح أبعاد الموقف الأمني:
-ده اللي أنت ناويه، لكن فيه ناس كتير بتحب تركب الموجة وتستغل التجمعات دي وتخلق فوضة صعب التحكم فيها، وللأسف بتنتهي دايماً بكوارث، بلدك فيه كتير مترصد لها، ومستنيين أي فرصة، علشان كده أي مظاهرة لازم تكون بتصريح ومؤمنة من قوات أمن لحمايتكم أولاً، ومنع أي أعمال شغب.
ثم تابع وهو يعيد نظراته الصارمة نحو الحشد:
-فعلشان تحافظوا على نفسكم وعلى أمن وأمان البلد، يلا ارجعوا لورا واقفوا لي طابور.
انفجر الحشد فجأة بالرفض القاطع، وتحولت الساحة إلى بركان غاضب، بدأت الحناجر تهتف بشعارات معادية للشرطة وتعنتها، وكانت بسمة في مقدمة الهاتقين بحماس أعمى، هنا، تحولت ملامح هشام إلى قناع من حديد، والتفت إلى رجاله قائلاً بصوت جهوري صارم:
-يلا يا ابني انتَ وهو لموا لي كل العيال المعترضة .
ثم التفت بوجهه ونظر إلى بسمة مباشرة وعيناه تشتعلان بتحدٍ غريب، وأضاف:
-وأولهم أنسة سلمية،عاوزها تنور البوكس أول واحدة.
في ثوانٍ معدودة، انقلب المكان إلى هرج ومرج عارم. تقدم رجال الشرطة، وفتحوا البوابات الحديدية بقوة، واندفعوا داخل الفناء يلقون القبض على مثيري الشغب والطلبة المعترضين وسط صراخ واشتباكات ملأت الأجواء صخبًا.
________♕_______
كان يستسلم لنوام عميق ومريح في غرفته بعد تجديدها بالكامل ككل أثاث منزلهم، مستمتعًا بـ إجازته الخمسة عشر يومًا، فجأة، تحطم هذا السكون بعنف إثر اقتحام والدته للباب، اندفعت نحوه بجسد يرتجف، والهلع يكسو ملامحها بالكامل، وهتفت بصوت مرعوب متحشرج:
-الحقني يا رشيد، الحقني يا ابني.
انتفض من فراشه بفزع تملك أوصاله، وسألها وعيناه متسعتان من الصدمة:
-فيه إيه يا ماما؟.
أخذت تلطم على فخذيها بقلة حيلة وتبكي بحرقة قائلة:
