حواديت_مَريمه_وياسين #بقلم_مَرِيمه
‘ فهماكي يروحي وفخوره بيكي والله أنا بس مش عايزاكي تخسري شغلك لمجرد أن ياسين يبقي مديرك، انتي شغاله في الشركه دي من اولي جامعه حتي بعد التخرج تمسكتي بيها ورفضتي اي عرض تاني وخلاص اترقيتي وبقيتي مسؤوله عن تيم كامل بصراحه مستخسراها.
ضحكت علي ريأكشن وشها في اخر كلمه
°انا هسيبها عشان انا عارفه اني ضعيفه وخايفه اغضب ربنا في اي فعل ،بنظره بكلمه مهو انا تعبت برضوا، الاستاذ بقي مديري بقاله ٣ سنين بشوفه كل يوم وعقلي فصل الصراحه وقلبي بيحاول يفتح وانا خايفه ،حاسه لو كملت هروح اقوله في مره يخربيت حلاوه امك
ضحكنا احنا الاتنين
‘هبله وتعمليها بس بيني وبينك ده كلو اعجاب بس مفيش حب في قلب فيصل؟
° حب إيه ياختي مانا بقول همشي عشان متنيلش احب ، وبعدين انا مش هحب غير في النور، قلبي يستاهل شخص يحاول عشانه ويبقي شاريه يحافظ عليا من نفسه قبل الناس، يخاف يغضب ربنا فيا، يجي البيت من بابه ، أحنا نستاهل كده يهدي ، مينفعش نعلق قلبنا بشخص مش شايفنا اصلا لان مشاعرنا غاليه وقلبنا اغلي وثقه اهلنا فينا تستاهل نقفل علي قلبنا بميه قفل لعند لما يجي ابن الحلال اللي شاري بجد ويتقي ربنا في قلبنا ساعتها بس نفتح قلبنا ونحب في الحلال ، فهماني يبتاعه الحب !
قربت مني باستني من خدي
‘ بالله انا عرفت اختار صاحبه صح الصح
° حبيبه قلبي انتِ، هروح أنا بقي عشان الصبح اشوف ياسين باشا مضي الاستقاله ولا ايه ،، سلااام
تاني يوم
° السلام عليكم ، بشمهندش ياسين فاضي ي محمد ؟
‘وعليكم السلام ،أه فاضي ومستنيكي اتفضلي !
أخدت نفس عميق وروحت ناحيه الباب خبطت وسمعت صوته بيأذن بالدخول ، قولت السلام وسبت الباب مفتوح زي العادة
‘وعليكم السلام يبشمهندسه ، متأخره أنهارده ربع ساعه !
اووووف عليك بقي
° أنا أسفه يفندم ، بس انا مقدمه لحضرتك استقالتي بقالي يومين وجايه أنهارده اخد الCV والاوراق بتاعتي
رفع راسه وبصلي
‘أوراق وCV أيه ؟، اليومين اللي غبتيهم هيتخصموا من مرتبك + تأخير أنهارده كمان !
وييييت بقي
° نعم !! بقول لحضرتك انا مستقيله
‘ وانا المدير وبقول مفيش استقاله ، أنتِ باقي في العقد بتاعك شهرين يخلصوا وقدمي استقالتك برااحتك
° يعني!
‘ يعني علي شغلك يبشمهندسه ، ونص ساعه تبقي مجهزه التيم بتاعك عايزكم في اجتماع ضروري، اتفضلي
