حواديت_مَريمه_وياسين #بقلم_مَرِيمه

حكيتلوا علي اللي حصل وانا بحاول معيطش ،اصل ازاي حد يفكر فيا بشكل وحش كده ،ومين ،ياااسين الشخص اللي ربنا زرع حبه في قلبي ومهما حاولت امحي حبه مبعرفش برضوا،قطع تفكيري ضحكه المستفز معتنز

° انت بتضحك علي ايه؟ ،متعصبنيش انت وصاحبك

ياسين اتكلم

‘وطي صوتك ! وانت بطل ضحك

سكت واتكلم

‘ طب خلاص سكت اهو بس تعالوا معايا كده انتو الاتنين

شدنا من ايدينا وطلعنا في نص الشركه وتكلم بصوت عالي

‘ معلشوا يجماعه ركزوا معايا دقيقه كده ،عشان ميحصلش سوء تفاهم تاني ،طبعا انتو عارفين اسمي كامل( معتز إبراهيم محمد سليمان )

والبشمهندسه مريم عارفينها باسم مريم حسن فقط بس مريم تبقي بنت عمي وبنت خالتي وكمان اختي في الرضاعه ( مريم حسن محمد سليمان) أنا اه اكبر منها بسنتين بس كنت طفس في الرضاعه شويه

ااايه ،ده كان رد معظم الموجودين بما فيهم الاستاذ اللي مش طايقاه

‘ احنا الشغل عندنا مفيهوش قرايب عشان كده مريم اصلا مكنتش تعرف ان الشركه بتاعتي اول ما قدمت فيها ،ومحدش كان هيقول حاجه لولا حصل سوء فهم بسيط وحبيت اعرفكم انها اختي عشان لو شوفتوني مره كده ولا كده حضنها مثلا

وقام حاضني وباس راسي قدامهم وكلهم ضحكوا ورجعوا لشغلهم تاني ،ماعدا ياسين اللي مكنتش فاهمه نظراته دي اعتزار ولا بتطلع شرار ولا ايه ،استغليت الوضع الصراحه لما اعتذر مني وطلبت اجازه يومين وهو وافق ،ومش عايزه اقولكم اليومين دول قضيتهم كلهم في عمل هواياتي المحببه ! احم النوم طبعا انا نمت نووم ،خلصت اجازتي ورجعت لشغلي ومكتبي حبيبي

كنت قاعده في المكتب ولقيت الباب بيخبط ودخل اللي خاطف قلبي

° اتفضل يبشمهندس

كان عمال يلعب في دقنه ومتوتر

‘ انا جاي اعزمك علي قهوه برا الشركه!!

° ننننعم ياخويا ،ت إيه؟

‘بس ايه هتردحيلي ؟!

° اومال يمحترم عايزني اعمل ايه بعد الجمله اللي حدفتها دي

كان مبرق عيونه

‘ فين مريم الكيوت ! سيبيني اكمل كلامي اولا أنا مستأذن من باباكي ومعتز هيجي معانا

بابا ! هو هيطرني من الشركه بس بشياكه ولا ايه

° مش فاهمه ،وانت جبت رقم ابويا منين ؟!

اتنهد وبصلي بقرف كده الرخمم

‘ جبت رقمه من معتز يمريم ، ويلا معتنز مستنينا تحت اصلا

نزلت معاه ولقينا معتز مستنينا

° ولاه يمعتز فيه ايه انتو هترحلوني من الشركه؟!

‘ وهنعزمك في كافيه يمريم عشان هنرحلك لا متقلقيش أحنا هنرحلك من البيت