حواديت_مَريمه_وياسين #بقلم_مَرِيمه

° ايوه كلامك صح

‘ احكي يلا

°كان في بوادر اعجاب من ناحيتي بصاحبك ولما حسيت نفسي هروح لحته تانيه ، قولت استقيل وابعد عشان مقعش في ذنب ،في ايه بتبص كده ليه؟!

‘ كنت شاكك من ساعه الاجتماع ، بس انا عارف اختي كويس قويه وتقدر تنسي ، ومتقلقيش انا معاكي وياسين شخص محترم جدا يعني مش هيدايقك ابدا

° عارفه يخويا اشتغلت معاه ٣ سنين ، لوح تلج ماشي علي الارض

ضحكنا احنا الاتنين جامد وفضلنا نتكلم كتير وبعدين كل واحد راح ينام عشان الشغل

صحيت تاني يوم عملت روتيني المعتاد وروحت الشغل واليوم مر بهدووء وعدي زيه شهر ! شهر واحنا بنشتغل مع بعض علي المشروع الجديد ، شهر تعامله فيه حاجه متغيره مش هو ياسين اللي أشتغلت معاه قبل كده ،بيدخل في قرراتي زياده عن اللزوم ،نقل مكتبي في الدور بتاعه وجنب مكتبه هو ومعتز وقال ايه أنتِ مديره قسم كامل ومينفعش يبقي مكتبك مكتب عادي ،يعم مانا طول عمري بقعد علي اي مكتب واشتغل هو انا بيفرق معايا المكان ،الرخاامه بقي انو بيحضر اي ميتينج اعمله مع التيم بتاعي وده تصرف جديد الصراحه عمره معمله في الشركه التانيه

° السلام عليكم ، صباح الخير يبشمهندش

‘وعليكم السلام !

ايه ده بيتكلم كده ليه من غير نفس،عديها خلينا نخلص

°اتفضل يفندم ده الديزاين النهائي للمشروع

‘كويس!

كويس ! لا كتر خيرك ، عادي يمريم مديرك برضوا

°تمام عن أذنك

كنت لسه خارجه بس وقفني نبره صوته الحاده شويه

‘ بشمهندسه مريم، ياريت متقفيش تضحكي مع حد تاني جوه الشركه او اي مكان عموما

ويييت ضحك ، وحد ،قصده ايه بقي ،فضلت كام ثانيه كده مش فاهمه

° وضح كلامك اكتر !

‘ متنسيش ان معتنز مديرك وزميلك في الشغل مش حد من محارمك تقفي تتكلمي وتضحكي معاه برا حدود الشغل

هرشت في جانب حواجبي حركه بعملها لما بكون علي وشك العصبيه،معتز، ومحارم اه، ورديت بنبره عاليه شويه

° انت تقصد ايه بكلامك ده ،مش انا اللي يتقلها الكلام الفارغ ده،ولا تكلمها بنبره الصوت دي اصلا

كان لسه هيرد بس لقينا معتنز دخل من الباب اللي كان مفتوح

‘في ايه صوتكم عالي ،في ايه يمريم ؟

‘ اسمها بشمهندسه مريم يمعتز

° انت مالك اصلا يناديني زي ما هو عايز

‘لا والله ،ازا..

بسسسسس سكتنا علي صوت معتنز

‘ ممكن تفهموني في ايه ،بدل ماانتم شويه وهتلموا علينا الشركه كلها