حواديت_مَريمه_وياسين #بقلم_مَرِيمه
يعني ايه ! دماغي فصلت وحسيت نفسي عبيطه الكلام مبيدخلش علي دماغي اصلا ،وصلنا ومعتز قعد علي تربيزه لوحده جنبنا وقالي متخافيش
‘ معتز مش هيطير يست البنات ركزي معايا
° وركز معاك ليه اصلا!
‘ اعتبرينا في رؤيه شرعيه يستي ،وقبل ما تحدفي طوب اسمعيني معلش
من خمس سنين كنت بجيب اختي من المدرسه واحنا مروحين العربيه اتقلبت بينا وكان الطريق مفيهوش حد تقريبا فضلت احاول اطلع اختي من العربيه والحمد لله عملت كده وبعدتها عنها خالص بس كان في فلاشه عليها تقريبا شغلي كله وحاجات مهمه كده قولت هرجع ادور عليها في العربيه واخدها وارجع لاختي علي طول وجبتها فعلا ، بس وانا ببعد عن العربيه انفجرت! وانا محستش بعدها غير وانا في المستشفي وطهري وبطني كلو ملفوف بشاش اللي لااسف تعرض لحرق بشكل كبير فضلت مده اتعالج من الحروق دي بس طبعا آثرها متمحاش حمدت ربنا وقتها ان الحرق مكانش في وشي او مكان ظاهر ،وقتها كنت خاطب بنت بس هي فركشت الخطوبه وقالت مش هستحمل اشوف منظر الحرق ده كل يوم
كنت قاعده بسمعه وانا مش فاهمه بيحكيلي ليه برضوا ،بس قلبي وجعني انو اتعرض للحادثه دي وانا مش جنبه اهون عليه ،مجنون ده حتي لو الحرق في وشه اكيد كان هيكون علامه تضيف لجماله جمال ،يخربيت جمالك ياخي، وبعدين كان خاطب ،اممممم وتقوله مش هستحمل ،متخلفه وهبله ، حد يطول يقعد مع ياسين
° قدر الله وما شاء فعل يبشمهندس ،واكيد ربنا هيعوضك عنها بانسانه ناضجه ،بس انا مش فاهمه حاجه ؟!
‘ ربنا عوضني فعلا ! من لما جيت امسك مدير في الشركه القديمه وشوفت فراشه داخله مكتبي وبتعرفني بنفسها انها مهندسه ديكور ،كانت فراشه بمعني الكلمه اسلوبها، لبسها ،تدينها ،طريقتها في الشغل ،عصبيتها احيانا لما حد يتطاول عليها بكلمه، بتعرف تاخد حقها باحترافيه، مبتتهزش قدام حد،بس لما بتنضغط جامد كانت بتطلع علي سطح الشركه تعيط شويه وتاكل شوكلاته وتنزل تاني ولا اكن حاجه حصلت ، بس كنت خايف عليها من نفسي وقولت هي تستاهل حد افضل مني ، اتعاملت معاها برسميه جدا ، بس كنت ببقي فخور بيها في كل مشروع تنجح فيه ،دماغي كانت بتفضل توديني وتجيبني ياتري لو اتقدمت هتوافق ولا هترفض هتقبل تعيش مع حد مشوهه ! وقررت أني ابعد بس هي كانت اسرع وقدمت استقالتها ،يومها معرفش انام وفضلت ادعي بيها في القيام
