حواديت_مَريمه_وياسين #بقلم_مَرِيمه
فضلت واقفه ثواني ، هو اهبل ، طب ازعق فيه ولا اعمل إيه ؟
° تمام يفندم ، عن أذنك
خرجت ومدتش لنفسي فرصه أتعصب ولا اعيط بدات شغلي وجهزت التيم وخلصنا الاجتماع وانا بقيت عمليه في تعاملي معاه اكتر من الاول وفات الشهرين علي خير
‘أتفضلي أستقالتك أتمضت ، أتمني ليكي الخير في أي مكان هتروحيه يبشمهندسه بالرغم إني حتي الان مش شايف سبب واضح أنك تستقيلي
° شكرا يفندم ، انا كده هبقي مرتاحه،عن أذن حضرتك
خرجت من الشركه اللي قضيت فيها ٧ سنين ، اتعلمت كتير فيها وبذلت مجهود جبار عشان أبقي اصغر مديره لتيم قسم الديكور في شركه هندسه معماريه كبيره زيها ، عارفه مش كل واحده هتعجب بحد معاها في شغلها هتستقيل عشان تحافظ علي قلبها في ناس ظروفهم غير وفي بنات قويه مبيبنش عليها بس انا لاا طاقتي بتخلص ومحتاجه ابعد والصراحه بقي انا عايزه اجازه وأناااام كتير ، روحت البيت مغيش علي لساني غير جمله واحده” مَن ترك شيئاً اتِّقاء الله عوَّضه الله خيراً منه”
‘السلام عليكم ، بشمهندسه مريم معايا ؟!
لا احلل الاقتباس بدون اسم
° وعليكم السلام، ايوه حضرتك انا هي ، خير ؟
‘مُبارك يبشمهندسه حضرتك أتقبلتي في الشغل تقدري تيجي من بكره
من فرحتي قمت زغرطت وصحيت البيت كلو ،، بعد راحه ٤ شهور بحثت علي شغل وخبرتي وسنين شغلي ساعدتي اني الاقي شغل في شركه هي اه لسه جديده بس عادي نبدا من جديد ، هو مش جديد قوي لانهم خلوني برضوا مديره لتيم كامل
“حبيباتي متعلقوش نفسكم باوهام وابعدي عن اي مكان ممكن يشوهه إيمانك ودينك وقلبك ، او يخليكي بتفكري دايما هو انا متحبش طب اظهره اعجابي ولا هو عارف وساكت ، لاااا انتِ مش مطلوب منك ابدا تبادري بمشاعرك او قلبك، أنتِ غاليه قوي خليكي متأكده من كده، وربنا هيعوض قلبك فالافضل !
…………………………………………………….
‘ ما شاء الله يمريم ايه الديزين الرائع ده ،مختلف تماما ومبهج وكل حاجه حلوه بجد برافو ، وبالمناسبه عندنا اجتماع مهم بكره هعرفكم علي شريكي في الشركه ياريت تبلغي كل مدير قسم
° شكرا يفندم علي رأي حضرتك، وبخصوص الاجتماع تمام هبلغهم كلهم عن أذنك
تاني يوم في الاجتماع كنت قاعده عيوني علي الورق اللي قدامي ومشوفتش مين الشريك إلا لما أتكلم مديري معتز واللي بالمناسبه يبقي أبن خالتي واخويا في الرضاعه
