خادمة العشق الجزء الأول رنا أحمد
منه بارتباك وخوف /حضرتك مين وقصدك ايه .
يوسف بجراه ووقاحه /اصل انتي بصراحه حلوه اوي وانا بقدر الستات الحلوه .
منه بخوف وتعلثم /حضرتك احترم نفسك .
لتذهب سريعا الي داخل الفيلا ليتحدث هو بخبث .
/وماله ي حلوه اهربي براحتك بس مهما تهربي انتي خلاص دخلتي دماغ يوسف مهران ….
في أحدا الكافيهات الفاخمه …..
كانوا يجلسون بدر وعفت وهم ينظرون لبعضهم نظرات حالمه .
بدر بابتسامه وعشق /هتفضلي ساكته كده مسمعتش ردك علي طلبي ي عني .
عفت بخجل وارتباك /عايزني اقولك ايه .
بدر بابتسامه حنونه/ي عني تقويلي موافقه وفرحانه ومستعده اعيش عمري كله معاك .
عفت بابتسامه وعشق /طبعا مبسوطه وفرحانه اوي يارب ابقا قد ثقتك فيا وحبك ده ي بدر الي قلقانه أنه جيه بسرعه .
بدر بابتسامه وسعاده /إن شاء الله ي حبيبتي هنعيش احلا ايام وصدقيني الحب مالوش وقت ولا ميعاد الحب بيجي في ثانيه واحده .
عفت بابتسامه وسعاده/أن شاء الله ربنا هيكرمنا .
بدر بابتسامه /إن شاء الله ي قلبي بكره إن شاء الله هروح اطلبك من والدتك .
عفت بفزع وصراخ /لا ي بدر اهلي دول انساهم اعتبر بسمه وامير هما اهلي واطلبني منهم لكن امي وجوزها دول لا لا .
بدر بشك /ليه لا ي عفت ايه الي مخوفك كده قوليلي وليه هربتي منهم اصلا .
عفت بارتباك /ها لا مفيش حاجه وانا مهربتش منهم كل الحكايه اني مكنتش موافقه علي جواز امي من الراجل ده بعد ابويا علشان كده سبتهم ومبقتش بعتبرهم اهلي اصلا أنساهم ي بدر لو بتحبني وعايزني بجد انساهم .
بدر بتنهيده وشك/حاضر ي عفت بس افتكري كويس اوي اني قولتلك احكيلي كل حاجه وانا هفضل جنبك .
عفت بابتسامه تحمل ارتباكا /مفيش حاجه ي قلبي صدقني خلينا نتكلم في حياتنا مع بعض .
بدر بابتسامه /ماشي ي روحي نتكلم .
في مستشفي علاء ….
في مكتبه كان يجلس امير بقلق شديد وشرود ليقاطعه علاء .
علاء بابتسامه /اهلا ي امير اخبارك ايه.
امير بابتسامه/ازيك ي علاء عامل ايه .
علاء بابتسامه /الحمد لله بخير .
امير بارتباك شديد /علاء كنت عايزك في موضوع انا عارف أن من ساعه الحادثه بتاعتي وانت قولتلي أن بقا من المستحيل اخلف مظبوط .
علاء بحزن شديد/مظبوط ي امير الحادثه مكنتش هاينه وللاسف الموضوع بقا شبه مستحيل وعملنا كل سنتين زي مانت كنت بتحب وللاسف برضه النتيجه زي ماهي رغم انك ماشي علي كل العلاج مظبوط .
