خادمة العشق الجزء الأول رنا أحمد
بسمه بدموع وانكسار /ارجوكم كفايه من فضلك ي سياده العميد انهي الموضوع ده حالا .
امير بغيظ وعصبيه /انتي مراتي ي عني كرامتك من كرامتي ومش من حقك انك تفرطي فيها لوحدك فاهمه .
بسمه بدموع والم وهي تقبل يده /ابوس ايدك ي امير انهي الموضوع ده وسامح الكل ربنا هو الي بيسامح احنا كعباد لازم نسامح .
امير بغيظ مكتوم /تمام ي سياده العميد بس الي حصل ده لو اتكرر تاني صدقيني ردي مش هيعجبكم ابدا .
في الخارج ….
كانت تقف بدموع ووجع وانكسار .
عفت بغيظ /ممكن اعرف ايه الي عملتيه ده ازي تتنازلي عن حقك بسهوله دي .
بسمه بدموع والم /ابوس ايدك ي عفت كفايه تأنيب ده علي اساس انك مش عارفه انا ليه عملت كده تفتكري لو ملك كانت اتحبست عمي مكنش هيسكت وانا مصدقت خرجت من وسطهم ومش عايزه ادخل معاهم في أي صراع كفايه امير والي هيعمله فيا .
عفت بعصبية /بصراحه عنده حق الراجل كان بيبهدل في الكل علشان خاطرك وانتي في ثانيه اتنزلتي وسمحتيهم بمنتهاء الغباء.
بسمه بدموع وحرقه /اعمل ايه بس ي ربي محدش قادر يفهمني انا الخوف بيتحكم فيا ومتمكن مني بسبب الي شوفته الي شوفته برضه مش قليل يخليني أفقد الثقه في كل الناس بس انا كل الي يهمني دلوقتي هو امير اكيدشايف اني خذلته بس انا اعمل ايه من الي شوفته .
عفت بوجع وكسره /ومين سمعك كلنا في الهواء سواء ي بسمه .
بسمه باستغراب /مالك ي عفت فيكي ايه برضه جوز امك .
عفت بدموع وصراخ /الواطي كان عايز يتعدا عليا وامي كالعاده صدقته ومش بس كده دي طردتني من البيت ي بسمه انا سبت البيت وعمري مهرجعه تاني ابدا خليها بقا تشبع بجوزها .
بسمه وهي تحتضنها بطيبه /ولا يهمك ي حبيبتي هتيجي معايا في أمن مكان تحت حمايه ربنا وامير .
عفت بنفس عزيزه واحراج/لا ي بسمه انا هروح عند اهل ابويا .
بسمه بطيبه /انت عمرك مهتروحي هناك انتي هتيجي معايا مش هسيبك مهما حصل .
عفت وهي تحتضنها براحه وطيبه /ربنا يخليكي ليا يا بسمه وميحرمنيش منك ابدا …
في شقه امل …
كانت تقف وهي تعد الطعام لوالدها بشرود وخوف ولا اول مره تشعر بذلك الخوف فنظرات عيناه الناريه مازالت تلاحقها وتجعل قلبها يخفق بشده قلقا منه .
جمال باستغراب /مالك ي أمل سرحانه في ايه .
امل بقلق /ابدا ي بابا حضرتك عارف أن دماغي متخلاش من الشغل .
