خادمة العشق الجزء الأول رنا أحمد
بدر بذكاء /واضح انك زي بسمه في كل حاجه حتي أحوالها .
عفت بوجع وكسره ودموع / اكيد باين علينا انا وهي متقسمين في الوجع والتعب والشقا .
بدر بابتسامه حنونه /محدش عارف ربنا كتبلنا ايه مش يمكن كل الي احنا بنشوفه نهايته مصلحتنا وراحتنا .
عفت ببراءه وطيبه/يارب ي سعه البيه يارب .
كان ينظر إليها بدر بانتباه شديد لبرائتها وطيبتها لكن لم يعلم لماذا ذلك الفتاه قد جذبت جزء من انتباهه .
في شقه كمال …..
كانت تجلس ملك بغيظ وضيق مما حدث .
كمال بحده /بس كده ي بت هو ده الي قولتلك خلي عينك عليها علشان هي دي هتكون الطعم الي هناخد بيه كل الي احنا عايزينه من امير الدميري .
ملك بغيظ شديد /والله وجه اليوم الي بتعمل علشانك كل ده ي بسمه بعد ماكنتي حته خدامه لا راحت ولا جات بقيتي مراه بيه وعندك الي يخدموكي .
سميحه بسخرية /مش ده المشلول الي مكنتيش عايزه تتجوزيه .
ملك بغيظ شديد /كنت غلطانه ي أما الفلوس هي أحسن حاجه في الدنيا وعلي راي ابويا الي هي فيه ده بسببنا سرقت مني امير بالمحن والحركات بتاعتها امير كان حقي انا وهي الي خدتتوه علشان كده مش هخليها تتهناء بيه لحظه واحده هتشوفي ي بسمه …..
في شركه ادم …..
كان يجلس علي مكتبه وهو يشعر بنار تحرق صدره فالغضب يملؤها من ذلك الفتاه فكيف تجرأت علي فعل ذلك ليمسك هاتفه ليتصل علي قاسم حارسه الشخصي ودراعه اليمين .
قاسم باحترام /تحت امرك ي ادم بيه .
ادم وهو يضع صوره امل أمامه بغيظ /البنت دي عايزها في فيلتي الي في الساحل بليل فاهم .
قاسم بجديه/تحت امر سعادتك ي ادم بيه اعتبره حصل مليون طريقه هتخلينا نجيبها ل سعادتك النهارده .
ادم بغيظ وانتقام /مكنش اتمنا أنها توصل ل كده بس هي الي اختارت كان لازم تفكر مائه مره قبل ماتتحدا ادم نصار ..
في شقه أهل منه ….
كانت تجلس بدموع ووجع وهي تحمل ابنها .
عبير والدتها /ي بنتي الست ملهاش الي بيت جوزها .
منه بغيظ وحرقه /حرام عليكي ي أما بقولك بيجيلي كل يوم وش الصبح سكران طينه ومبيسبش في البيت ولا مليم .
راشد والدها /ي بنتي الراجل بيفك عن نفسه من الضغط الي هو فيه مفيهاش حاجه .
منه بحده /ي أبا ده مبيصرفش علينا مليم واحد كل فلوسه رايحه علي المدعوق بتاعه .
راشد بلامبالاه /ي ستي أن جوعتي انتي وابنك تعالوا كلو عندي .
