خادمة العشق الجزء الأول رنا أحمد
عبير بجديه/تمام بكره إن شاء الله انا وانتي هنروحله .
صباحا …..
في فيلا امير الدميري ….
في غرفه امير ….
كانت تنظر إليه بابتسامه ساحره وهو غافلا بين يديها ليبداء بفتح عيناه تتدريجيا ليبتسم إليها بسعاده .
امير بابتسامه /تصدقي أني اول مره انام كده من سنين حضنك دافئ اوي ي بسمه .
بسمه وهي تنظر إليه بحب /الحضن الدافئ ده ملك وقت متلاقي نفسك بردان ادفا فيه علطول .
امير بغمزه وخبث /حضنك بس الي ملكي ي زوجتي العزيزه .
بسمه بخجل وارتباك /كلي علي بعضي ملكك انت الدفاء الي حوطني ي امير انا عمري مهنسا الي انت عملته معايا .
امير بانتباه /بسمه انتي بتعملي كده علشان رد الجميل ولا .
لم يستطيع تكلمه حديثه بسبب يدها الذي وضعت علي شفتيه لتمنعه سريعا من استكمال حديثه الخاطئ .
بسمه بابتسامه وعشق /لا ي امير مش رد جميل انت الي زيك ملاك لازم يتحب .
امير بلهفه /افهم من كده ي بسمه انك بداتي تحسي ناحيتي بمشاعر .
بسمه بخجل شديد/ايوه ي أمير بس كتير ابقا هموت من الخوف كابوس عايشه فيه بيقولي دايما أننا هنفترق عن بعض .
امير وهو ينظر إلي عيناها بحنان /مستحيل ده يحصل ي بسمه احنا هنفضل مع بعض بس المهم انتي ي بسمه اوعي تخذليني أو تحسيسني بعجزي وقله حيلتي .
بسمه وهي تقبل يده بعشق /ده مستحيل يحصل ي امير قلبي انت في نظري أعظم راجل في الدنيا كلها .
امير بغمزه وخبث /ده بما اني زوجك العزيز وحلالك وانبارح كنت في حضنك مش آن الأوان بقا نكمل جوازنا ده ولا ايه.
بسمه بخجل وارتباك/ها اه طبعا بس مش دلوقتي بليل يلا بينا علي الشغل دلوقتي هنتاخر .
امير بغمزه /طب متجيبي اي تصبيره دلوقتي لحد بليل .
بسمه بعصبية وارتباك /ها قولت بليل ي امير يلا بينا علي الشركه .
امير بغمزه /ماشي ي عسل نستنا لليل احنا ورانا حاجه .
في الاسفل …
في الجنينه …
كانت تجلس عفت وهي تحمل حياه لياتي إليهم بدر بابتسامه حنونه.
بدر بابتسامه /صباح الخير .
عفت بابتسامه/صباح النور .
بدر بابتسامه/ها طبعا غلبتك .
عفت بحب /بالعكس دي طفله جميله جدا ربنا يخليها ل حضرتك .
بدر بابتسامه /امين يارب ممكن تلبسها بس علشان اخدها قبل ماروح العياده بتاعتي .
عفت باستغراب /هتاخدها وتروح فين .
بدر بابتسامه حنونه/هاخدها عند دكتور الاسنان الهانم بتسنن لازم أخدها اطمن عليها .
