على هامش حلمه الجزء الثاني حكايات سوما
مفيش زن، مفيش عتاب، مفيش دموع. في ليلة من الليالي، حسام نزل يقعد مع سلمى، قعد على الكنبة وبص لها وهي بترتب هدوم الشغل: «سلمى.. إنتِ زعلانة مني في حاجة؟» سلمى بصلت له باستغراب متصنع: «زعلانة؟ ليه يا حسام؟ فيه حاجة حصلت تخليني أزعل؟» «يعني.. شايفك متغيرة.
. بقيتِ هادية أوي، ومبقتيش تطلبي مني نقعد مع بعض ولا نخرج زي الأول.. حتى لما بقولك هطلع لداليا مبقتيش تعترضي ولا تسألي.» سلمى حطت الهدوم على السر,,ـــــير، وقربت قعدت كرسي قصاده، وقالت بنبرة هادية وموزونة: «حسام.. أنا كبرت كبري عقلي زي ما كنت بتقولي دايماً.
إنت اتجوزت داليا عشان تبقى أب، وهي دلوقتي شايلة ابنك في بطنها.. الطبيعي إنك تكون جنبها وتراعيها. أنا مش معترضة ولا زعلانة، أنا بس سبتك تعيش الفرحة اللي حرمتك منها سنين، وركزت أنا كمان في حياتي وشغلي عشان محدش فينا يكون ضاغط على التاني.» كلامها كان زي الس/كينة الناعمة.
. كلام يبان إنه عقل ورضا، بس جواه انسحاب تام ورفع لإيدها من حياته. حسام حس ببرودة غريبة في قلبه، بس طمن نفسه وقال: “كويس.. كده أفضل عشان المشاكل تهدا.” واستمرت الأيام.. داليا لاحظت الهدوء ده كمان. داليا كانت متعودة إن قوة وجودها بتيجي من الخلافات اللي بتصنعها بين حسام وسلمى؛
لما سلمى تعترض، داليا تظهر في مظهر المسكــ,,ـــــينة المظلومة وحسام يقف جنبها. بس لما سلمى انسحبت من الحلبة تماماً، داليا بقت تضــ,,ـــــرب في الهواء! في يوم، داليا نزلت لشقة سلمى بحجة إنها عايزة تاخد حاجة. سلمى استقبلتها بكل أدب، وضايفتها بكباية عصير.
داليا بصت حواليها في الشقة، وقالت بنبرة فيها سم ملفوف بالحلاوة: «والله يا سلمى أنا فرحانالك أوي إنك نزلتِ تشتغلي.. بس برضه يا حبيبتي حاسة إن حسام مقصر معاكي شويه، بقى يقضي معظم الوقت معايا فوق.. أنا بقوله انزل لسلمى، بس هو بيقولي إنتِ الحامل ومحتاجاني أكتر.
» سلمى ابتسمت ابتسامة هادية جداً، وشربت بؤ من العصير وقالت بثبات يهد الجبال: «ولا يهمك يا داليا.. حسام يعمل اللي يريحه، والبيت شقتك وشقته. أهم حاجة صحتك وصحة النونو، وأنا وقتي مليان والحمد لله ومش حاسة بنقص في حاجة.» داليا بصت لها بذهول!
ما لقيتش ثغرة واحدة تطلع منها بكلمة أو خناقة. سلمى بقت حصن منيع مبيخترقش بالاستفزازات الرخيصة. تمر الشهور.. وسلمى مستمرة في خطتها بثبات انفعالي عجيب: * بتشتغل وتطور نفسها في المكتب، وصاحب العمل رفع مرتبها بعد ما مسكت ملفات أكبر.
