الجزء الثالث بقلم سارة
السائق : فيه ولد هناك اهو .
المجهول جري بسرعة عشان يشوف الولد
مجهول : صغير عائلة الصياد .وقرب يتأكد من نبضه : عايش
مجهول : يا تري إنت مين من ولاد زينب عمر ولا مالك!.
المجهول فتح عنيه عشان يعرف هو مين بالظبط : العينين الرمادية الساحرة زي عنين امك يبقي إنت مالك الصياد
المجهول بيضحك جامد : غريبة النهاردة ماټ مالك ابن ماذن الادهم ولقيت مكانه مالك الصياد . المجهول بص لمالك . إنت تعرف إن إنت كان ممكن تكون ابن ماذن الادهم لو امك اتجوزته زمان .بس يلا مكنتش ابنه وقت جواز امك منه دلوقتي هتكون علي إسمه عصفورين بحجر واحد ماټ مالك جه واحد لما اخدك واحرم امك منك هكون انتقمت من زينب بجد وكمان هستفاد منك من طرف ماذن الادهم وعيلة الصياد
المجهول بص للسائق : هات الواد من العربية .
السائق راح جاب چثة وباين إنها حاډثة من وقت قصير وكان هيتخلص من الچثة في أي مكان
كان الچثة طفل في عمر مالك يمكن الفرق سنتيمترات لا أكثر كان بنفس العمر تقريبا
المجهول لبس الطفل المېت لبس مالك ومسك حجر دمر بيه ملامح الطفل بشكل بشع جدا
المجهول للسائق : خده ركبه العربية عايزين ناخده المستشفى
وحط چثة مالك الادهم مكانه
في المستشفى .
الدكتور : الولد دلوقتي بخير بس غالبا حصل معاه فقدان ذاكره عشان الخبطة كانت جامده
المجهول بتفكير : في احتمال ترجع!!
الدكتور : ممكن كام يوم وترجع
المجهول في نفسه : وانا مش هسمح إنها ترجع .
. شكرا يا دكتور
المجهول راح لدكتور نفسي واخد منها أدوية ودي لما ياخدها مالك ب استمرار لفترة طويلة بتأخر من إنه يستعيد ذاكرته
بعد اسبوع من الحاډثة المجهول خد مالك وهو مازال لم يستعيد وعيه وطلع بيه علي الفيوم
في منزل عائلة غنية
المجهول يمشي ب إتجاه الملحق الخاص بالمنزل
محمد رجل كبير في السن والد إسراء : ازيك يا . مين اللي معاك ده!!!
المجهول : ده مالك ابن اخوك
محمد : بس ده
المجهول : من هنا ورايح ابن الصياد هو ابن اخوك إنت فاهم وإلا صدقني هتشوف اللي عمرك ما شوفته
محمد پخوف : حاضر اللي إنت عايزه
المجهول : هيعيش معاك بصفته ابن اخوك هاجي استرده منك في الوقت المناسب أو هخليه تحت سيطرتي وهو معاك اصلا
محمد بص لمالك پخوف عليه وبلع ريقه بقلق : حاضر
عدت الايام ومالك استعاد وعيه بس مكنش بيتكلم مع حد لفترة طويلة
