الجزء الثاني بقلم منار همام
ادم: مبحبش الغرور انا
نور لفت ايديها حوالين ادم
: عادي اتغر براحتي مش جوزي حبيبي
ادم: لا كدا كتير وبعدين تيجي تعيطي وابعد ي ادم وتليفونك يا ادم.
نور بغرور: علي فكره انا محشتكش مش تليفونك بيرن كل مره بجد
ادم: طاب تمام
ادم طلع التليفون من جيبه ورماه اتكسر
آدم بخـ ـ بث: كدا حلو صح
نور: أي دا يا آدم انا بهزر معاك
ادم باسها من رقبته بطريقه خلتها تضحك
نور مش قادره تاخد نفسها من الضحك
نور: آدم.. آدم خلاص همو’ت مش قادره
ادم مرضيش يبعد عنها وفجاة الفون رن
ادم بص لنور بصدمه شويه وبعدين بدأوا يضحكوا سوا
ادم: انتي مهكراه يرن في الأوقات دي
نور: لا والله دا حظ بس
ادم: طاب يلا قومي علشان هنرجع بيت بابا
نور: طاب خلينا قاعدين هنا بالله.
ادم: مش هينفع يا روحي الفتره دي في مشاكل وأنا كل شويه هنزل وخطر عليكي تقعدي لوحدك
نور: طيب هروح اغير هدومي
*******
شاهين: جاسر روح لاخوك هو محتاجك
جاسر: بس بابا مش هينفع اسيبك
شاهين: يلا يا جاسر كلمتي متتقلش مرتين
جاسر: حاضر يا بابا
جاسر مشي وشاهين قعد جنب محمد ومسك ايده
شاهين ابتسم لمحمد: بقيت احسن دلوقتي
محمد: الحمدلله بس مش هرتاح غير لما اشوف بنتي قدامي
شاهين: ان شاءلله هتيحي متخفش ويلا بقا خليك راجل مش أي حاجه تهزك
محمد بدموع: دي بنتي يا شاهين
شاهين د’مع هو كمان
: وانا اخوك يا محمد
محمد: شاهين انت بتعيط أهدي مفيش حاجه انا كويس
شاهين عيط: اهدا ازي دا انتا كنت هضيع من بين اديا لولا ستر ربنا. محمد والله انت غلاوتك عندي من غلاوت يوسف وادم وجاسر انت ابني مش اخويا
محمد بضحك: اي يعم امال فين شاهين الجامد اللي مش بيعيط
شاهين مسح دموعه وابتسم
: انا ببقا جامد علشان خايف عليكم علشان اسندكم
محمد: عارف ممكن الكل يشوفك قا’سي بس محدش يعرفك قدي فاكر زمان لما كنت بتعور كنت بشوف الخوف في عنيك اكتر مني
شاهين: يلا يا عم قعدنا نرغي ونسينا معاد الدوي
★★★
يوسف ماسك البت جامد من شعرها
يوسف: مش هتقولي برضو فين ماك
: قولتلك معرفش صدقني معرفش
جاسر كان قاعد
: قولتلك سيبني عليها وأنا هخليها تقول
يوسف: يلا يا حلوه قولي بذوق بدل ما جاسر يدخل في الموضوع وانتي عارفه اللي هيحصل
: ابعد عني بقا ي’لعن الساعه اللي عرفتك فيها وعرفت ماك
يوسف: ما انتي لو قلتي فين ماك هترتاحي
: معرفش معرفش
