الجزء الثاني بقلم منار همام

: هبعت رساله لي يوسف عقبال ما ييجي يكون خلصت

دخلت المطبخ وبدات تعمل الأكل دخل اسلام

اسلام: احم هتعملي اي

اسراء: شربت خضر

اسلام بحرج: وهو انا جربت كتير اعملها من اليوتيوب بس كانت ديمآ بتطلع بايظه

اسراء ابتسمت

: بص هعلمك شوية حاجات كدا هتخليها تحفه

في اللحظه دي دخل يوسف اللي خبط علي الباب كذا مره بس محدش رد لقي الباب مفتوح دخل

اسراء: يوسف

اسلام: مين دا وازي دخل

اسراء: دا يوسف جوز..

يوسف بهدوء: يلا يا اسراء

اسراء: دقيقه بس يا يوسف هخلص اللي في ايدي

يوسف بضيق: انا قولت يلا يا اسراء

اسراء مسحت اديها باستغراب: عشر دقايق وطفي علي الاكل يا استاذ اسلام

***********

يوسف: كنتي بتعملي اي مع راجل غريب لوحديكم في الشقه يا هانم

اسراء: انا قولتلك ان وحده صح… اسراء سكتت فجأة

استني يا يوسف انت بتشك فيا

يوسف: لا مش بشك فيكي بس عايز توضيح

اسراء: توضيح يبقا بتشك فيا يا يوسف

يوسف بصوت عالي: اخلصي كنتي بتعملي اي

اسراء بدموع: طاب تمام دا يبقا اخو صحبتي اللي قولتلك عليها وهي تعبت جامد بعد الجلسه

******

ميسره: انا مش عايزه اكمل الجوازه دي وهطلق

قلم نزل علي وش ميسره ومسكها من شعرها جامد

عماد: جوازت اي يا بت اللي مش عايزه تكمليها انتي عارفه الجوازه دي هتنقلنا ازاي

ميسره: ملعون ابو الفلوس اللي تخليك تهين بنتك وجوزها كل يوم بيخونها وبالنسبه ليك عادي

عماد: عادي لما يبقا جوزك هيعمل اللي يعمله و يرجع ينام جنبك في الآخر

ميسره: وكرامتي

عماد: الكلام دا مش بيوكل عيش الأيام دي

ميسره بعدت بغل ايد ابوها

: وانا خلاص تعبت وقرفت الام الحمدلله عايشه بس عمري ما شفت حنيتها ابوي اللي مش بيجري غير ورا الفلوس ما احنا حالتنا الماديه حلوه ليه الطمع

وعلي فكره عمتي اللي انت ماشي وراها دي هتوديك في داهيه.. وسابته ومشيت

.
جاسر قاعد يقلب في الفون بملل

وشاهين بيتفرج علي التلفزيون جنبه

ميسره دخلت عليهم وهي بتعيط

: انا عايزه اطلق يا عمي

شاهين باستغراب: اهدي بس في أي

ميسره: من غير سبب بس انا عايزه اطلق

جاسر: بطلي جنان يا ميسره

ميسره بصوت عالي: انت بالذات مسمعش صوتك وروح شوف اللي كنت معاها يا بيه انا بكرهك

شاهين: افهم في اي

ميسره: اسال البيه كان مع وحده وبيخوني من دلوقتي امال هيعمل اي بعدين

شاهين: ميسره انا عارف ان مش انتي اللي كنتي معاه في اليوم دا بس دي كانت مره ومش هتتقرر تاني