الجزء الثاني بقلم منار همام
يتبع..بقلم منـ ـار همام
رواية المزاج الحلقة الرابعة عشر
يوسف: لسه زعلانه
اسراء عدلت وشها ليه: لا
يوسف ابتسم: طاب يلا كدا سمعيني ضحكه تجيب بوليس الأداب
اسراء بيأس: انت كنت فين وهما بيوزعوا الاحترام
يوسف بيغمزلها: مع وحده
الباب خبط
يوسف: مين
جاسر بضيق: انزل يعم ولا انت هتنفذ كلام أبوك بجد
يوسف: غور ياد من هنا وأنا دقيقه وجاي
اسراء دفـ ـنت وشها في يوسف
: دي العليه كلها عايزه إعادة تربيه
***********
يوسف نزل لقي الكل قاعد في المطبخ الشباب قعدين علي تربيزه صغيره موجوده في المطبخ والبنات واقفه تعمل اكل.. ماعدا ميسره قاعده علي الرخامه بتاكل كيك و بتشرب عصير
يوسف: أي يا رجاله هو انتو اللي هتعملوا العشاء النهاره
آدم بص لجاسر: أخوك بقا خفيف اوي الفتره دي
يوسف قعد جنبهم علي التربيزه
: علشان نرضي ناس كدا…. بص علي إسراء….
نور وقفت جنب ادم
: آدم شمرلي الكم………… نور كانت هدومها مليانه عجين بسبب إنها بتساعد إسراء
آدم رفعلها الكم وباسها من خدها
: متوسـ ـخيش نفسك يا روحي علشان مفيش هدوم ليكي هنا
نور: حاضر
يوسف همس لجاسر
: شايف مش جعفر إللي إحنا متجوزينهم
ميسره بقرف: لما بشوفها بشوف كسوفها وأقول يا بت كفايه محن
ادم: جاسر لم مراتك انا مش عارف مستحملك ازاي
ميسره نزلت من علي الرخامه
: طاب بص بقا أنت وباربي بتاعتك دي
وكبت العصير علي هدوم نور
: شوف بقا هتجبلها لبس منين
ادم: جاااااسر وربي هزعلهالك
جاسر بحده: ميسره إتلمي..قومي واعمليلي شاي
ميسره: نعم ياخويا تكونش الخدامه الفلبينيه اللي جبهالك ابوك
جاسر: لا دا انتي عايزه تتربي بجد بقا
يوسف مسكه من ايده
: أهدي يا جاسر اه هي لسانها اطول منها وعايز قطعه وبترفع صوتها عليك من دلوقتي بس معلش
جاسر بصله: ايوه يعني بتهديني ولا بتعصبني
يوسف: بهدي النفوس
آدم: اقعد يعم خلينا نشوف هنعمل اي
جاسر قعد: هنعمل اي
آدم: اخر حاجه وصلنا ليها قدرنا نلاقي الشخص اللي بيصدر العربيات من فرنسا لهنا
وفي نفس الوقت اكتشفنا إنه بيشحن فيها هروين في العربيه اللي بيصدرها و دلوقتي هو مع البوليس
يوسف: أهم حاجه ميق.تلش نفسه زي إللي قبله
جاسر: لا إحنا إتأكدنا إن ميكونش أي حاجه تساعده
آدم: طاب هنعمل اي دلوقتي
ميسره بتفكر و قاعده علي الرخامه متربعة وبتاكل مكرونه
: بص هو تقريباً كدا مركز مع جاسر ويوسف أوي وتحسه بيقول ان دا تمهيد لكل اللي بيحصل يعني لسا التقيل مجاش
