فاتورة الدلع الزائد الجزء الأول
فاتورة الدلع الزائف جزء اول روايات.هالة.القمر
كانت نور فى المطبخ بتغني وهي بتعمل الأكل اللى بيحبه جوزها … قلبها كان بيرقص قبل رجليها وهي مستنية عمر. بالنسبة لها، “يوم اجازته” مش يوم عادى ، ده يوم ليه طقوس حب بتجدد فيه روح البيت بعد تعب الأسبوع مع الولاد
وصوت خبطة الباب بتعلن وصول عمر)
نور بفرحة: “حمد الله على السلامة يا عمر! اتأخرت ليه يا راجل ده أنا عاملة لك النهاردة الأكلة اللي بترد الروح، والولاد مش راضيين يحطوا لقمة في بقهم من غيرك بس على مين مراتك اتصرفت.”
دخل عمر، بس ملامحه كانت “غريبة”، ناشفة، زي ما يكون شايل جبل على كتافه. نور بضحكتها الصافية حاولت تلطف الجو وهى بطبطب على صدره بحنيه: “قلب مراته من جوه عملت لك، الاكل اللي بتحبه
عمر رد بكلمة واحدة قطعت حبل الود: “مش عاوز.. ماليش نفس.”
نور سكتت، وجع الرد بس كملت عشان الولاد. وبعد ما نيمتهم، دخلت الأوضة لقته قاعد على السرير، عينه في السقف. روايات.هالة.القمر
نور همست باسمه: “عمر.. مالك فيك إيه؟ قلقتني عليك.” فيك إيه يا حبيبي؟ شكلك شايل هموم الدنيا فوق كتافك، ارمي حمولك على الله وفك كدة ده الولاد اكلتهم ونامو عشان نقعد رايقبين.”أنا مبصدق يوم اجازتك يجى عشان نجدد من طقوس حياتنا ونغير من رتابة الايام
عمر رد بصوت ناشف : “مفيش روقان يا نور.. أنا لازم أقولك الحقيقة اللي بقالها شهور محبوسة.” نور قلبها اتقبـ . ــض : “ستر يا رب..
حقيقة إيه يا عمر؟ شكلك بيخوف.”
( بجمود) قال: “نور.. أنا اتجوزت.”
في اللحظة دي، الزمن وقف. نور ضحكت، ضحكة مهزوزة، كأنها بتطرد فكرة مرعبة: “بتهزر صح؟ ده مقلب من مقالبك؟ قولي إنك بتهزر عشان قلبي هيوقف.”
عمر طلع الورقة من جيبه وحطها قدامها: “دي قسيمة جوازي من نادية بنت خالتي.”
نور مسكت الورقة، الحروف كانت بتجري قدام عينيها، والورق بيترعش في إيدها. حست إن الحيطان بتضيق، وإن السنين اللي عاشتها بتبني في البيت ده بتتهد فوق نفوخها. صرخت صرخة مكتومة، صرخة الروح اللي بتتكـ,ـسر:
“ليه؟ أنا قصرت في إيه؟ شلتك في عيني، وربيت ولادك، وكنت لك الزوجة والحبيبة والأم.. تروح لـ ‘نادية’؟ اللي أكبر منك؟ اللي كانت بتدخل بيتي وأنا بأمن لها؟”
لم تكن الصد.مة في فعل الزواج بحد ذاته فقط، بل في اختيار “نادية”؛ تلك المرأة التي لطالما رسمت دور الصديقة الودودة، بينما كانت تنسج خيوطها حول حياة عمر ببراعة “اللعوب” التي تعرف من أين تُؤكل الكتف. روايات.هالة.القمر
