عبق الماضي بقلم روز أمين الجزء الثاني
يتبع
بسم الله الرحمن الرحيم
لا إله إلا أنت سبحانك إني كنت من الظالمين
رواية عبق الماضي
بقلمي روز آمين
الفصل الثاني عشر
في صباح اليوم التالي داخل منزل العائلة
إستغلت منال ثبات عز في نومه و تحركت من جواره بخفة و هي تتمشي علي أطراف أصابعها كي لا يستيقظ و يراها و يسألها إلي أين تذهب في تلك الساعة المبكرة
و أتجهت إلي الدرج و نزلت سريع متجهه إلي الأسفل و منه إلي المطبخ و جدت عزيزة تقف أمام المشعل تصنع وجبة الفطار لأهل المنزل بمفردها
وقفت قبالتها و تحدثت إليها بنبرة هادئة و رسمت علي محياها إبتسامة مزيفة ٠٠٠ صباح الخير يا طنط
شملتها عزيزة بنظرة إستغراب مضيقة العينان و ردت عليها الصباح بنبرة بها بعض التوجس ٠٠٠ صباح النور خير يا بنتي أية اللي مصحيكي في الوقت البدري أوي ده ده أنت عمرك ما عملتيها قبل كده
أجابتها بإختصار لضيق وقتها و هي تتلفت حولها كا اللصوص ٠٠٠ من فضلك يا طنط أنا عاوزة أتكلم مع حضرتك في موضوع مهم جدا قبل ما ثريا تنزل
و أكملت و هي تدقق النظر داخل عيناها بترقب ٠٠٠ بس قبل ما أتكلم و لا انطق بحرف واحد عاوزة حضرتك توعديني إن الكلام إللي هقوله ده هيفضل سر ما بينا إحنا الإتنين و مش هيخرج لأي حد مهما كان هو مين
و اكملت وهي تشير بيدها ٠٠٠ أنا مش عاوزة مشاکل مع عز ياطنط
ضيقت عزيزة بين حاجبيها بإستغرتب لحديث تلك المريبه منذ الصباح
كادت أن تتحدث قاطعھا دلوف عطيات تلك السيدة التي تعمل لديهم في حظيرة الأبقار التابعة للعائلة و التي من مهامها التي أوكلت إليها بالتحديد هي حلب الأبقار و جلب الألبان الطازجة إلي العائلة يوميا ٠٠٠صباح الخير يا هوانم
وأسترسلت حديثها في إشارة منها إلي الإناء الذي بيدها ٠٠٠ أحط اللبن ده فين يا حاجة عزيزة
تحركت إليها عزيزة و أخذت منها سطل الحليب و سكبته في إناء واسع كي تضعه علي الڼار و تحضره لأهل المنزل كي يتناولوة عند الفطور
و غادرت المرأة عائدة إلي الحظيرة من جديد لمتابعة باقي عملها
و تحدثت عزيزة إلي منال
—
متسائلة بتوجس ٠٠٠ خير يا منال قلقتيني يا بنتي كلام أية ده اللي عاوزاه يبقا سر بينا
أخذت نفس عمېق و أخرجته بهدوء كي تهدئ من حالها و تحدثت بخپث ٠٠٠ أنا طبعا عارفة إنت قد أيه رافضة جواز حسن من البنت بتاعت أسوان
و أكملت بنبرة تحريضية ٠٠٠ و بصراحة پقا يا طنط أنا موافقاكي جدا في رأيك ده و بتمني من حضرتك إنك تثبتي علي موقفك ده و ما تضعفيش
