طفلة صعيدي الجزء الثالث
فريده بدموع… علشان خاطريا متعملش اكده يا احمد، الطفل ذنبيه ايه علشان يمو,,,,ت، وبتول ذنبيها ايه، ارجع لعجلك يا احمد
_بلاس انسانية دلوك هتعملي اللي جولتلك عليه ولا ايه؟!
_انت انسان مريض، رايد اجتلك روح بريئة؟!
احمد وهو بيضحك علي كلامها باستهزاء…. ايوه يا فريده انا انسان مريض يلا بجي متوجعليش دماغي، اجفلي واعملي اللي اني جولتلك عليه
قفلت معاه فريده وفركت ايديها بتوتر مكنتش عارفه تفكر حاجه تطلعها من اللي هي فيه، بصت لموبايلها واتصلت بصاحبتها ملك وحكتلها علي كل اللي حصل،ملك شهقت من اللي سمعته وقالتلها بصدمة… ايه اللي بتجولي عليه ده انتِ عملتي مصيبه، مصيبه يا فريده صعب تطلعي منيها
فريده اتملت عيونها بالدموع وقالتلها بوجع… هو اني مكلماكي علشان تجطمي فيا، يا ملك انجذيني جوليلي اعمل ايه
_ تاني اسفه اني جولت اكده، بس الوشع صعب جوي بس متجلجيش يا فريده هفكر في حاچه تنجذك من الوضع ديه اجفلي دلوك.
قفلت فريده معاها وفجأة سمعت صوت رنة موبايل، استغربت لما لقت ان الصوت مش من موبايلها واتوجهت نحية مصدر الصوت ولقيته موبايل عصام اللي كان علي الكيمودينو، بصت علي الرقم ولقيته رقم مش متسجل، الفضول اتمكن منها وفتحت المكالمه وحطيته علي ودانها وسمعت صوت بنت
_ عصام اني اسفه اني جولتلك حبيبي جدام فريده وعرفتها ان انت حبيبي، المهم انت جدرت تضحك عليها وتخليها تصدجك ولا لسه مصدجتكش
فريده بصت للموبايل بصدمه وقفلت المكالمه في وشها ورمت الموبايل في الارض، ورجعت مرة تانيه علي السرير
فريده بدموع… يا خاين يا عصام، اني غلـ,ـطانه اني صدجتك، يا خا؟؟؟؟؟ين
……….
بصت سلمي للموبايل وضحكت وحطت رجل علي رجل، واتصلت بمامتها
_ متجلجيش يا اما اني جربت، جربت اعمل اللي اني رايده، عصام هيـ,ـند….م ندم عمره لما فكر بس يجهر اختي ويسيبها ويخليها تمو…ت بحسرتها، لو ممو…تهوش بحسرته يا اما تعالي خديني من اهنيه.
_ هتيجي متي يا سلمي، انتي هتفضلي جاعده في البيت ديه ووديتي فين الواد اللي كان وياكي
_الواد طلبت من واحده معرفه تچبهولي علشان امثل علي عصام انه اخويا ويساعدني وادخل حياته وادمرها، شوفتي يا اما بعد اللي عمله في اختي بعد ما بقت جسد من غير روح وقاعده علي كرسي متحرك ومبتتكلمش،فاجده النطج والحياه راح يحب وهيتچوز، اني مش هسمحله يعيش حياته، جولي لميارا ان اني هاخدلها حجها يا اما.
