وسيطرت المشاعر

سليم ابتسم بسخريه وقال…. انتي اللي مش عايزه ترجعي له..لو حابه نرجع اتكلمي وخلصيني مشاعر قالت بغضب وعند…كده …طب مش هقول لك حاجه يا سليم…. ولو انت فاكر انك هتضغط عليا كده انا دراعي مابيتلويش…. وادينا قاعدين لما اشوف ابنك هيهون عليك قد ايه
وقعدت وسندت ضهرها على الشجره من الناحيه التانيه سليم ابتسم بسخريه وقال بوجع ظاهر في صوته ….تفتكري ابني ممكن يهون عليا قد ايه….او اي ابن عموما ممكن يهون على ابوه قد ايه ….ممكن يهون عليه انه يعيط ….او يتوجع… او يتكــ,,ـــــسر
ولمعت الدموع في عيونه وقال بحسره …. او يمــ,,ـــــوت

مشاعر اتسعت عنيها بدهشه من كلامه وقربت شويه منه واتفاجئت اكتر لما شافت الدموع في عيونه
كانت حابه تسأله ماله بس خافت يسكت وميتكلمش وهيه كانت عايزاه يخرج اللي جواه قالت …لا مستحيل اي اب يهون عليه ان ابنه يمــ,,ـــــوت….متحصلش ابدا سليم ابتسم بوجع ووقعت دمعه على خده وقال …. بس انا هنت عليه…تخيلي …. انا مش زعلان منه قد ما زعلان على نفسي…. للدرجه دي ما استاهلش اتحب….ده حتى الحيوان بيتحب من ابوه وامه

مشاعر استغربت كلامه بس كانت متاكده انه بيتكلم عن ابوه قالت….انت فاكر ان ابوك مش بيحبك سليم بسخريه وقال بوجع…. لا انا الحمد لله رب العالمين متاكد
…اتاكدت بنفسي وسمعت بوداني هنا حس بايد مشاعر على ايده
التفت لها باستغراب وهي بصت لعيونه وقالت بدعم… انا معاك…وحابه اسمعك

سليم غمض عينيه وقال بوجع ما يتوصفش….. اتولدت انا وادهم توام ملتصق …وكانت عملية الفصل صعبه جدا في سن صغير و فضلنا بجسم واحد لحد عمر العشر سنين…في الوقت ده كنا بنتجهز علشان هنعمل العمليه ومرتبين لكل حاجه…وفي يوم روحنا المستشفى نعمل الفحوصات وبعد ما طلعت النتيجه نادر بيه طلعنا بره الاوضه علشان يتكلم مع الدكتور في تفاصيل العمليه
كنت طفل شقي حبه وكان عندي فضول اسمعهم بيقولوا ايه ….ادهم ما كانش حابب وبيقول لي حرام نتصنت عليهم…. بس انا كنت همــ,,ـــــوت واعرف هيعملوا فينا ايه…و طبعا ما اقدرش عليا ورحنا…..و يا ريتني كنت اتشليت وقتها وما رحتش

مشاعر كانت بتسمعه باهتمام ومستغربه حالته جدا…كان لاول مره ما يقدرش يسيطر على دموعه وتنزل قدامها وكمل بوجع وقال…..الدكتور قال ان فيه بعض المشاكل هتحصل اثناء الفصل…. هتأدي لمــ,,ـــــوت واحد فينا بنسبه كبيره قوي….يعني واحد هيطلع كويس بدون مشاكل و التاني الله اعلم عاش او مات هو وحظه ..وطلب منو….طلب منو يختار الطفل اللي عايزه يطلع كويس علشان يعمل حسابه في العمليه
تفتكري رد قال له ايه