خادمة في عصر اللذة الجزء الاول
حيدر:حبيبى ياباشا..بس انا زعلان منك
الصاوى:ليه بس ياحيدر..دة انت طلعت غالى اوى..واللى انتى تطلبه انا موافق عليه..البت طلعت مش سهلة..دى عسل نحل..دى فراولة ياراجل ههههههههه دى مكنتش مخليانى واقف ع بعضى
حيدر بمكر:ايه الحكاية..هو ايه اللى حصل ف غيابى؟!
الصاوى:بصراحة هى دخلت دماغى…وانت كمان بردو
حيدر:انا كمان ايه لامؤخذة..لا ياباشا انا راجل اوى يعنى
الصاوى:ههههههههههههه انت فهمت ايه…اقصد انا خلاص وثقت فيك..والبت دى هتشتغل معايا ف الصالة لمدة اسبوع وبعد كدة هشغلكوا انتوا الاتنين معايا..دى عليها طريقة كلام …اموت انا ف البسكوت
حيدر:اذا كان كدة ماشى ياباشا انا موافق وهعمل اللى انت عاوزه..وصدقنى هخليك تقول حيدر دة دراعى اليمين
الصاوى:مع انى شايل منك اوى..علشان خت منى رمانة.بس تصدق كويس انك عملت كدة وعرفتنى ع العسل اللى برة..انا واثق انها هتربى ذبون تقيل هنا
حيدر بخبث:ع خيرة الله ياباشا…ع خيرة الله ياباشا
ف شقة وليد
حسام بعصبية:م تبطل عصبية ياعم انت..وخلينا نتكلم بالعقل
وليد بعصبية:هو انا بقا فيا عقل..البت دى خلت البرج اللى ف نافوخى طار…انا يتقالى لا ياحسام..حتة بت خدامة تقولى لا..ع ايه يعنى دة مفيش فيها اى حاجة مميزة..دة انا كنت هنقذها من اللى هى فيه..جواز عرفى..ماله هو حرام يعنى..بعمل حاجة تغضب ربنا..وامها تمسكلى الشبشب وتض.ربنى بيه وسط الناس..انا مش عارف انزل من البيت من ساعتها..والله ل ربيهم كلهم
حسام بتحذير:بقولك ايه متجيبش سيرة الحرام والحلال ف الموضوع عمر م الدين مكان بيشجع ع اللى انت بتعمله دة…ورد مش زى البنات اللى تعرفهم.. المفروض كنت تاخد بالك من الكلام اللى بتقوله..البنات اللى هنا غلابة مش عندهم حاجة غير شرفهم وبس..واللى يتعدا عليه يبقى جزاته القت,ل..وبعدين كنت متوقع منها ايه ها؟! تاخدك بالحضن وتقولك موافقة هربنى منهم وهبقى خدامة تحت رجليك..نفسى اعرف انت عايش فين يبنى
وليد:كنت متوقع انها توافق..اصلك مشوفتش حالتها كانت عاملة ازاى..بس الظاهر انى كنت غلطان..بس ودينى منا سايبها
حسام:اعقل ياوليد دى خلاص اتقرا فتحتها.. وكمان شكل الدخلة مش هتطول..شكلهم ناس تقال وجاهزين
وليد بعند:برده مش هسيبها غير لما احس انها خلاص بقت ملكى. وهتتذل..وهخلى راسها وراس اهلها ف الطين…علشان مش انا اللى يتقل منى وسط الناس..والجوازة دى لو تمت يبقى كدة هى ختمتها معايا
حسام بخوف:ناوى ع ايه؟! الله يخربيت دماغك يااخى؟!
وليد بخبث:ناوى ع كل خير
بعد مرور اسبوع
مفيش اى احداث جديدة تذكر
ورد بتجهز لدخلتها..وخليل بيجهز لشغله الجديد مع سالم..ووليد نا’ره قايدة جواه مش ناةر الغيرة لا نا’ر الانتقام..وشويكار بتحاول ترجع ابنها لحضنها تانى مش عارفة.واحلام وسحر مع ورد وبينزلوا يجيبوا شوية حاجات لزوم دخلة ورد..وخليل مش رضى انه يخلى سليم يكلم ورد او يحتك بيها غير بعد كتب الكتاب
نسمة بقت ع طول قاعدة مع ابوها واتعلقت بيه زيادة ومبقتش تسيبه خالص ولما بتحب تخرج لازم تستاذن من حيدر الاول..حست انه بقا كل حاجة بالنسبالها..امانها وسندها وحاميها..احمد تعبه زاد ومبقاش قادر ياكل ونسمة بتفضل تتحايل عليه بالساعات وبياكل بس اكله قليل..حيدر ونوال قدروا يكسبوا ثقة الصاوى..وخلاص قالهم انهم هيشتغلوا معاه وهيتعرفوا ع اعضاء المنظمة
مها وفواز اتعصبوا جدا علشان حيدر بقالوا فترة مش بيجى الفلة بس عبدالرحمن كلمهم وقال انه ف خلال اسبوع تانى وهيرجع الفلة تانى..علشان بس هو عنده مامورية مهمة وخطيرة ف نفس الوقت
خلص الاسبوع وجى ميعاد كتب كتاب ورد.. طبعا الكل كان معاها حتى نسمة مسابتهاش لحظة..سالم جى وع وشه ابتسامة انه قدر يحصل عليها وخليل فرحان انه خلاص هيقب ع وش الدنيا واهله اللى ف الصعيد الرجالة منهم بس كانوا موجودين وبدوا يكتبوا كتب الكتاب وجت ورد ومضت ع عقد الجواز بس ب ايد بتترعش وعينها عايزة تدمع بس ورد منعاها بالعافيه ونسمة مسكاها من كتفها بتشجعها وبتسندها وفعلا مضت وبقت مرات سالم اللى مصدق سمع كلمة
بارك الله لكما وعليكما وجمع ببنكما ف خير
قام بلهفة وقرب من ورد جامد خلت الكل مصدوم من جراته..نسمة وسحر حطوا ايدهم ع بقهم من الصدمة والقرف ف نفس الوقت واهلوا اللى ف الصعيد مسكوا البندقيه وض,ربوها ف الهوا بعصبية علشان سالم يحس ع دمه بس برده متحركش سننى..ورد بتحاول تبعد بعيون مدمعة وقلب جماد ومشاعر جامدة
خليل مسك سالم من جلابية وبعده عن ورد وقال بعصبية:كفايا عليك كدة..ايه مش قادر تستنى لحد م يتقفل عليكوا باب..راجل بجح صحيج
سالم:ف ايه بس ياعمى..هى مش مراتى ولا ايه؟!
خليل بعصبية:عمك دبب..ايه مش خلاص اتكتب الكتاب..يلة امشى جهز نفسك للفرح..هو مش بكرة ولا ايه؟!
سالم بص ع ورد وقال:لا بكرة والله م قادر استنى لحظة بعد انهردة…اصل انا ياعمى تعبان قوى والله
ورد جريت للحمام وسحر ونسمة جريوا علشان يشوفوا مالها
دخلت ورجعت كل اللى ف بطنها ومسكت شفايفها وفضلت تمسح فيهم بعنف وعينها شلال وبصوت عالى:
