خادمة في عصر اللذة الجزء الاول

وردة بصدمة:انت عايز تجوزنى واحد اكبر منى ب 20 سنة
خليل:وفيها ايه الراجل ميعيبهوش الا جيبه وهو ما شاء الله عليه جيبه مليان وهيغرقك فلوس
ورد:ولا مال قارون كله يخلينى اعيش مع واحد مش حساه
خليل:جينا بقا لكلام الافلام اللى مياكلش عيش دة..هو انت عايزة تصغرينى قدامه انا خلاص اتفقت معاه وهو بكرة جاى علشان يخلينا نقرا الفاتحة
ورد:وانا بقولك مش موافقة؟!
خليل:تبقى خايبة لو عملتى كدة دة انا كنت اموت ويطلب ايد سحر بدالك بس هو بقا قالى انه عايزك انت وناوى يدفع من جنيه ل مليون جنيه وبعدين انا مش هقبل انك ترفضى عارفة ليه؟! علشان هو اتفق معايا لو جوزته ليكى هيخلينى اشاركه ف محل الفاكهة وماشاء الله عليه تاجر جملة كبير اوى وبيتعامل مع تجار اكبر منه
ورد: يابابا افهمنى بالله عليك انا معنديش استعداد اتجوز سالم دة..انا مش هعرف اديله مشاعرى ولا هعرف اكون زوجة صالحة ليه..مش هينوبنى حاجة غير غضب ربنا وعلاقتى معاه هتبقى شد وجذب هكون قرفانة يابابا
خليل:ايه الكلام الحمضان دة ياورد..بصى انا لحد دلوقتى بكلمك بالعقل لكن لو وصل الامر انى اجوزك غصب هعمل كدة
ورد:تجوزنى غصب
خليل:وفيها ايه يابت انتى..هو انا هجوزك واحد يعيشك ف الشارع ويخليكى تشحتى دة ناوى يكتبلك الشقة ب اسمك وكمان يجيبلك عربية وخدم وعشم..ف حد يلاقى نعمة زى دى ويرفصها برجله.بدل م تخدمى تتخدمى ولا انتى اتعودتى ع التعب يابنت احلام
ورد بحزن:خلاص يابابا اللى تشوفه مش عاوزة اتجادل معاك
خليل:انتى كدة بنتى بصحيح…يسلم عقلك ياورد
ف المطبخ
احلام:وابوكى فين دلوقتى؟!
ورد:ف الورشة
احلام:وانتى ازاى تقولى موافقة طالما انتى مش رايدة الموضوع
ورد بحزن:وانا المفروض كنت اعمل ايه يابابا..اجادل معاه واقوله مش موافقة علشان يمسح بيا بلاط البيت ومش بعيد كمان يطردنى منه
احلام:دة ابوكى ياورد مش ممكن يعمل كدة ولو هو قالك الكلام اللى قاله دة علشان مصلحتك ياريتنى كنت موجودة بس كنت ف السوق
ورد:خلاص ياماما الموضوع خلص وانا راضية بنصيبى
احلام:لو مش حبة الموضوع قولى وانا هتكلم مع ابوكى تانى
ورد:اتكلمى معاه مع انى عارفة ان كلامك لا هيقدم ولا هياخر
احلام:سيبيلى بس الموضوع دة واللى ف الخير يقدمه ربنا
بليل
نسمة:عاوز حاجة اعملهالك قبل مروح الشغل يابا
احمد:ايوة يابنتى تعالى اقعدى جمبى
نسمة راحت وقعدت جمبه وقالت:اومرنى ياحاج اتكلم انا سمعاك
احمد:هو انتى بتكلمى حد من عمامك؟!
نسمة بتوتر:عمامى..لا يابا مش بكلمهم..هكلمهم ليه انا؟!
احمد: اتعلمتى تكدبى عليا يانسمة؟!
نسمة:انا مش بكلم حد من عمامى خالص.. غير مرات واحدة منهم بس معرفش اسمها
احمد بتعب:ممكن تكون مها..وياترى قالتلك ايه لما كلمتيه و قولتلها ان ابويا تعبان ورجله مبقتش شايلاه قولتها ان المرض اتملك منه ومش عاوز يسيبه غير جثة هامدة قولتلها ان كل يوم بيشوف الميتين بينادوا عليه وهو بيحارب الموت. مش عاوز يمشى من الدنيا ويسيب بنته لوحدها..عايز يطمن عليها قبل م يموت
نسمة بعياط:سلامتك من كل دة يابا..انا بس نفسى اعرف بيكرهوك كدة ليه؟! انت عملتلهم ايه يابا؟! ليه قلبهم اسود كدة؟!
احمد:فواز مراته هى اللى بتمشيه.. وصبرى كل,ب فلوس ولو حصل انه يقت,ل اخوه علشان ياخد الورث هيعمل كدة..انا مبسوط علشان بعيد عنهم ومش عاوز منهم حاجة..وانتى كمان مش عايزك تكلمى اللى اسمها مها دى تانى..هما بيكرهونى علشان حاربت عاداتهم المتخلفة واتجوزت امك كان ابوها مكوجى ع قد حاله وهى بتساعده ف دخل البيت.. بعد امها الله يرحمها م ماتت
نسمة: ربنا يهديهم ويقومك ليا بسلامة
احمد بتعب:اطفى النور خلينى انام
نسمة بحزن:حاضر يابا
نسمة نزلة من البيت لقت ف وشها ورد
ورد:كنت طلعالك ..انتى رايحة فين؟!
نسمة بحزن:الشغل
ورد:بذمتك اللى انتى رايحاه دة اسمه شغل دة اسمه و.*****
نسمة: يعنى انا وس**** ياورد
ورد:يتقطع لسانى قبل مقول كدة.. بس انتى صعبانة عليا..يابنتى سيبى الشغلانة دى وانا اوعدك هجيبلك شغلانة انضف منها
نسمة:الوقت اتاخر ومبقاش ينفع الشغلانة دى اتكتب عليا ومش هعرف اسيبها معلش ياورد كل شوية روحى شوفى ابويا علشان لو صحى واحتاج حاجة
ورد:ابوكى ف عنيا ..متخافيش عليه
نسمة:هو دة العشم ياورد..يلة سلام
ورد بحزن:سلام
ف شقة ورد
احلام:بنتك مش رايدة سالم ياخليل
خليل:تض,رب راسها ف الحيط.. الجوازة هتم غصب عنها
احلام:ليه عاوز بنتنا تضيع شبابها هدر مع واحد زى سالم
خليل:انتى هتجننى امى ياولية انتى… هو انا هجوزها واحد سبعينى بدل ميخش دنيا يخش اخرة.. دة عنده 45
ولسه فيه الحيل متقلقيش ع بنتك
احلام:هى بنتى لوحدى يعنى ياخليل
خليل بعصبية:ايوة بنتك لوحدك..ورد مش من لحمى ولا دمى يااحلام..وانا ربيتها علشانك انتى..اظن من حقى عليكى وعليها ان اختارلها اللى تعيش معاه
احلام بصدمة:انت ازاى تقول ع ورد مش بنتك وانت واخدها حتة لحمة حمرا من الملجا انت ناسى لما روحنا علشان نتبناها كنت فرحان بيها فرحان بشعرها
الاصفر ووشها الاببض وعينها العسلى دى كانت تربية اجانب ..بس بعد 7 سنين ربنا رزقنا بسحر كنت عاوز توديها الملجا تانى بس انا رفصت علشان وقتها كانت ورد كبرت وانا اتعلقت بيها وتعبت ف ترببتها..وبسببك خليت سحر تشيل من ورد ..كنت ع طول بتعامل سحر بطريقة احسن من ورد..لولا بس هى قلبها طيب كانت شالت منك
خليل:ايه لازمته الكلام دة دلوقتى يااحلام..وانتى عارفة انى عمرى م فكرت كدة..انا عايز ليها الصالح وبس
احلام:ولنفسك انت كمان..مش ع حساب ورد ياخليل
خليل بعصبية:وانا قولت ورد هتتجوز سالم والا هقول ل ورد انها تربية ملاجى واهدها ع الكل
احلام:اوعى تعمل كدة
خليل:يبقى مش تتكلمى معايا ف الموضوع دة تانى
الحوار اللى حصل كان ف اوضتهم بس سحر سمعت كل حاجة وحطت ايدها ع بقها من الصدمة وقالت ف سرها:يانهار اسود يعنى ورد متبقاش اختى وكانت تربية ملاجى وبابا وماما اتبنوها علشان مكنوش بيخلفوا..ايوة انا كنت حسة بكدة..جمالها دة فيه لغز غريب دى اكيد امها اجنبيه بس ايه اللى يخلى اهلها الحقيقين يودوها الملجا
فجاه حست بحد بيشدها من ودانها وبيدخلها ف الاوضة
ف الاوضة
سحر:اه ودانى الله يخربيتك ف ايه؟!
ورد:بتصنتى ع بابا وماما ياسحر دى اخرتها
سحر بذلة لسان:وانتى مالك..دول كانوا بيقوله حاجة مهمة وانا كنت بسمعها..دى حاجة هتخرب البيت دة والله
ورد بخوف:بسم الله الرحمن الرحيم..ليه ف ايه كانوا بيقولوا ايه؟!
سحر بتوتر:ها ..بيقولو…. بيقولو… بيقولوا
ورد:ايه يابنتى الشريط سف ولا ايه؟!
سحر:اه عرفت كانوا بيتكلموا ف حوار جوازك من الجدع اللى اسمه سالم
ورد: وقالوا ايه؟!
سحر:امك معرفتش نقنعوا وخلاص قرروا انهم يجوزكى منه..معلش بقا ياورد لازم ترضى بنصيبك
ورد:انا راضية بنصيبى من يوم م تولدت ياسحر..الحمد لله ع نعمة الرضا
سحر:هو انتى كنتى فين؟!
ورد:كنت ف شقة نسمة بطمن ع الحاج احمد ..وكويس انى طلعت كان عاوز يخش الحمام
سحر بصدمة:انتى اللى دخلتيه الحمام..وهو وافق يخش معاكى
ورد: ايوة سندته لحد الحمام ومش تنسى ان هو اللى ربانى مع نسمة وانا بعتبره زى بابا وهو كمان بيعتبرنى زى بنته
سحر:اها.ربنا يجعله من ميزان حسناتك
ورد:اللهم امين
ف شقة وليد
وليد كان بيحلق دقنه فجاه تليفونه رن
وليد:الو
شويكار:ازيك ياوليد
وليد:اهلا ياشويكار هانم
شويكار:انا مش شويكار هانم ياوليد انا امك اللى ربيتك وبطلب منك ترجع الفلة مينفعش اللى بتعمله دة
وليد: مش انتى اللى طردنينى ياماما..جاية دلوقتى عايزانى ارجع
شويكار:انت اللى غلط ياوليد..دخلت الفلة ونيمت معاك واحدة وع سريرك كمان ومعلمتش حساب لحد..دخلت عليك وشوفتك بالمنظر دة عايزنى كنت اعمل ايه ها
وليد:دى كانت مراتى
شويكار:بس عرفى ياوليد..واللى اكتشفته انها مش اول بنت ..انت كتبت ع اكتر من 20 بنت حرام عليك ذنب البنات دى ف رقبتك..واخرك مع البنات دى يومين ولو حلوة تقعد معاك اسبوع والمشكلة انهم كلهم شمال زيك ياوليد
وليد:الله دة البواب مفطمك ع كل حاجة..دول كلهم شمال وعايزين الحر’ق.. انا مض,ربتش واحدة ع ايدها علشان توافق وتسلملى نفسها.. كله كان بمزاجهم وب اتفاق مسبق معاهم
شويكار:وسالى؟!
وليد:سالى..انتى عرفتى سالى منين؟!
سالى:متسالش..انت تعرف انها ماتت؟!
وليد بصدمة:ماتت؟!
سالى:ايوة وذنب موتها ف رقبتك زى م ذنب موت اخوك ف رقبتك
وليد بزعيق قفل الموبايل ورماه ع الارض وكسره وقال:كفايا بقا كفايا حرام عليكوا …انتوا اللى خليتنونى كدة… انا مكننش كدة… ربنا ينتقم منكوا كلكم
بعديها بحوالى ساعتين
وليد:الو
حسام:ايوة ياوليد
وليد:هى سالى ماتت ازاى؟! اكيد انت عارف
حسام:ايوة ماتت. البوليس لقا جثتها ف المياه ولما ودوها للطبيب الشرعى لقوها متعرضة للاغت’صاب واكيد اللى اغتص بوها رموها ف البحر..ربنا ينتقم منك ياوليد
وليد بعصبية: وانا مالى هو انا اللى اغت,صبتها علشان ربنا ينتقم منى..وغير كدة انا اقدر اقت’ل تعرف عنى كدة ياحسام..واكيد لو فى حاجة كان البوليس شرف عندى
حسام:اومال هيكون مين؟!
وليد:معرفش..بس اكيد هعرف وقريب اوى كمان
ف فلة النصر
ف اوضة حيدر
حيدر وهو بيسرح شعره
لا ياماما مش هخطب بنت عمى..دى واحدة متنكة وشايفة نفسها ع الفاضى.. دى متشيلش بيت ابدا
مها:بس حلوة ومتربية وفيها ايه لو مش بتعرف تطبخ سهل تتعلم ولو معرفتش الخدامين كتير
حيدر:لا بحب اكل من ايد مراتى مش من ايد الشغالين
مها:يعنى ايه الكلام دة ياحيدر دة صبرى مصمم انك تتجوزها؟!
حيدر:ليه يعنى؟!
مها:علشان هو فاتح فرع جديد لشركته ف دبى وابوك عاوز يشاركه واتفق معاه لو اتجوزت رضوى هيخلى فواز يشاركه
حيدر:اسلوب تفكير راس مالى رخيص اوى ع فكرة
مها:يبنى دة بيزنس والمفروض الواحد يفكر ازاى يكبر مشاريعه علشان يقدر يفتح بيت مستقل
حيدر بهزار:عندى فكرة احلى من دة كله
مها:اللى هى ايه؟!
حيدر:تخلى بابا هو اللى يجوزها ايه رايك؟!
مها:اطلع برة بدل متحول عليك ياحيدر عايز ابوك يتجوز عليا
حيدر:هههههههه ياست اهدى هى تجوزله اصلا.سلام بقا علشان ورايا شغل