لسه بتحبيه بعد ما سابك و اتجوز لمى اختك! بعد ما عشمك خمس سنين من عمرك و بعد ما وعدك أنه هيفضل جمبك و مع أول محطة كان أول واحد اتخلى عنك! بصيتلها و سكت كلامها كله صح مفيش كلمة قالتها غلط بس يا ترى بقا قلبى كان ده رأيه. كملت بهدوء لازم تفصلى يا نور بين حاجتين قلبك و عقلك و تعرفى ان الى بيحركه قلبه دائما خسران انا عارفة حقيقى حجم المعاناة و الى حصلك بسببه و عارفة انك كل ما تشوفيه مع لمى تحسي انك بتعيط بس لازم تشتغلى على نفسك و تفوقى و تتقبلى الواقع. عارفة يا لبنى لو كان خطب و اتجوز اى واحدة تانية غير اختى كنت هقول ماشي بس ليه يعمل كدا فيا. عشان ناقص و من أشباه الرجال السلطعون المفلطح ده. كان صوت بنوتة ورانا ردت بإندفاع التفتنا ليها فقامت من على الطرابيزة بتاعتها و قعدت جمبنا عرفينى مين الكائن ده و أنا اجيبلك حقك تالت و متلت و الله لأديه درس عبرة لكل شخص و كل سلطعون زيه. ضحكت انا و لبنى على طريقة كلامها و قمصتها فى الاخر و ضيقتها من الموقف لحد ما لقيت مرة واحدة حد جيه مسكها من السويت شرت بتاعها و هو بيحركها أعمل فيكى ايه قوليلى بجيبك من كل طرابيزة ليه رامية ودنك مع كله ليه ما السلطعون المفلطح الى كان هيتجوزها معصبنى . أنت مالك انتى ولية أمرها أختها عمتها الحيزبونة ملكيش دعوة بالناس يا غزل . لااااااااااا أنا أختيها و عاوزة حقيها. فى اللحظة دى ضحكنا أكتر أنا و لبنى فبصيلنا الشاب بإحراج طبعا أنا بعتذر على الى هببته و اتمنى تعذرونى. ابتسمت ايه و قولتله عادى ولا يهمك يا بشمهندس عادى محصلش حاجة. ردت غزل بتمرد فى الوقت ده بس بردوا لازم نأدب السلطعون المفلطح عشان ازاى يسيبك . بص بخيبة أمل و ابتسم و هو بيعتذر و بيشدوا وراه وسط تمردها. بصيت لبنى بضحك و هى بتقول هم يضحك هم يبكى . ابتسمت فعلا و ضحكت على السلطعون المفلطح الى سميته ليه . بصيتلى لبنى و قالت بإبتسامة أيوا كداا يا عم خلى الشمس تطلع بقاا. ابتسمت على أخر كلامها و لكن ابتسامتى انمحت لما شوفت اسمه بيتصل بيا محسن بصيت التليفون بصدمة و وريته ل لبنى بيتصل ليه مش عارفة مش هرد. ممكن لمى تعبانة عشان هى فى اول الحمل و كدا. ممكن ارد ايووه و افتحى الإسبيكر عشان لو قال حاجة اقطع لسانه. فتحت الخط فرد عليا وحشتينى يا نور. بصيت بصدمة ل لبنى و قولت بهدوء و لمى اما تعرف ان جوزها بيتصل على اختها يقولها وحشتينى ردة فعلها اى أنا بحبك أنتى و لمى. اخرس يا قليل الأدب عيب عليك مراتك حامل و صانتك و حبتك عايز تكسر قلبها ليه قولى. بس انا بحبك. ضحكت شوية و قولت بجد امم فكرنى أمتى كداا لما اختفيت فجأة و لقيتك متقدم ل لمى ولا لما اتجوزتها فهمينى بس عشان اكون عارفة! ضيعت خمس سنين من حياتى بحبك فيهم ليه تعمل كل ده فيا. كنت معذور . و انا معذورة دلوقتى متكلمنيش تانى لأقسم بالله هزعلك و لو عايز تشوف نور بقا الوحشة فده موجود بردوة و هطربقها عليك. قفلت فى وشه فاتصل على لبنى الى بصيتلى فشاورتلها ترد و تسمع عايز فردت لبنى انا عايز اعرف انتوا قاعدين فين بره لازم أكلم نور. أنت أهبل تكلم مين بس مش فاهمة دى أخت مراتك دلوقتى يا غبى. بس بحبها و الله و جوازى من انى كان غلطة. بصيتلى لبنى بصدمة أنه أهبل فعلا و مش بيفهم فسمعته بيكمل أنتوا فى الكافية الى بتقعدوا فيه علطول صح أنا جاى. لبنى مردتش فقفل و بصيتلى و قالت يلا نقوم. لا خلينا نشوف أخره . رجعت ضهرى على الكرسي و افتكرت كلامه الى كان بيقولهولى دايما أنتى أجمل واحدة أنا لو لفيت الكون مش هلاقى زيك أنا بحبك اوى لدرجة انى ممكن اموت عشانك مفيش حد يقدر يملى مكانك غصب عنى دمعت و لكن مسحتها بسرعة لما لبنى نبهتنى أنه جيه. قومت وقفت قصاده و لكن قبل ما أتكلم لقيت .فبصيت أنا و لبنى بصدمة و قرب عليا أنا و لبنى فاتجاهلته و لكن قبل ما بتكلم لقيت الى قرب منه و ضربه أهه يا سلطعون البحر يا خاين يا مفلطح. حاول يفلت منها بس معرفش أنتى مين يا بت أنتى طلعتى منين أنا عملك الأسود يا محسن الكلب الحقينى يا نور الحقينى يا لبنى من البت دى. بصيتلى بعدها غزل و هو بتقولى بقرف كنتى بتحبى ده الأقرع أنتى مش شايفة نفسك ولا أى قموره ازاى هتغابه عليكى يا بت سبينى و هيحاسبوكى عليا بنى أدم. اتكلم أخوها من وراها ببرود و هو بيربع إيده ابقى بس قربلها و ابقى اظبطك. لفت لاخوها و هى ماسكة رقبة محسن بحماس حبيب قلبى يا عمريكوا يا غالى فى فرحى هديك اتنين بيبس مش واحدة بس يا جدع. تسلمى يا رجولة بس انجزى و النبى عشان نشوف الشقة الى هننقل فيها مفيش وقت لمحة نيوز . هديله غلوة تحت إيدى و اخلع. كنت ببصله بشماتة و ضحك و مع اخر حركة و هى بتضربه فى بطنه و توقعه على الارض مقدرتش أقاوم الضحك فلقيتها قربت منى و قالت بسمة أكيد فى ناس حواليكى يستاهلوا يشوفوكى سعيدة زى نفسك قررى حياه جديدة عشان تجيلك. بصيتلها بإمتنان فكملت و بعدين فى الاخر طلع مفلطح و انتى و اختك حبتوه ابقى خلينى اقابلها اديها قلمين يفوقوها. ابتسمت ليها فمشيت و هى بتشاورلى و أخوها الى عرفت أن اسمه عمر كان بيعتذر على الموقف بهدوء و لو سببلى اى احراج. بصيت أنا و لبنى لمحسن بشماته و مشيت و سيبته فى الارض بيتألم حاول يقوم ورايا نور اهههه استنى اههههه . و لكنى كملت لحد ما قال ما كل الى انا فيه دلوقتى بسببك و بسبب البت الى انتى سلطتيها عليا. فى اللحظة دى مقدرتش مرجعش و اضربه بالشنطة فى وشه و اقول المرة الجاية لمى هتعرف و عليا و على أعدائي و انت عارف انى مسالمة حتى فى وقت الزعل لكن لمى اقوم الدنيا متقعدهاش لم نفسك بقا و اعرف بتتعامل معاي ازاى بعد كدا. لحظة أدارك متأخرة ان أنا ضيعت ٥ سنين من حياتى على سلطعون مفلطح على رأى البنوتة لا و مش بس كدا كمان كنت بحبه و متعلقة بيه بحاول اسال نفسي كنت متعلقة بيه ليه و ليه حبيته و هو ميستاهلش دة كله و ليه قللت من نفسي ما طول عمرى عارفة قيمتها و عارفة انى اقددر دايما اثبت نفسي بس دلوقتى مش مقلقة غير من لمى و خايفة عليها اوى ازاى تبقى مع واحد زى دة و لو قولتلها هتصدقنى دماغى كانت هتنفجر من الصداع و من الى حصل بسببه طلعت على السلم بتعب و انا مش قادرة حقيقى و هموت و أنام و أول ما دخلت الأوضة سمعت دوشة بشكل مش قادرة اصدقه قومت من مكانى بتقل و انا بتحرك فى الشقة و بلبس الإسدال عشان أشوف اى الدوشة دى. فتحت الباب و لقيت عم محمد البواب فقولت و انا بمسك دماغى من الصداع اى الدوشة دى يا عم محمد. معلش يا بشمهندسة اصل السكان الجدد بينقلوا. طيب يا عم محمد لما تخلص معلش ابقى تعالى فى حاجات عايزاك تشتريها. ماشي يا بشمهندسة. كنت داخلة أقفل لولا انى سمعت صوت عالى أنت يا بنى براحة و أنت بتطلع الحاجات أنت مش عارف اصلاا الحاجات دى بتاعة مين يعنى. بتاعى انا يا خفة دا ليك الشرف انك شيلتها. صبرنى يارب برطم كدا و انت زى الضفدع. بصيت على الى طالع بعده خدش واحد و هخصم منك فاهم بصيلها و كان هيعيط يا بشمهندس عمر الحقنى و النبى اختك هتمو تنى مش قادر. قرب عمر بيأس من أخته أعمل فيكى اى يا مصي بة كفاية لحد كدا بجد. ما هما الى مش بيفهموا. يعنى كل دول مش بيفهموا و انتى العاقلة هو دة مبيوحيش ليكى بحاجة. انى الوحيدة الى بفهم ببساطة. فى الوقت دة كانت نور بتتابع و هى بتتسم و اتكلمت انتوا بقاا السكان الجداد. بصلها عمر بصدمة نور بصيت بإستغراب و هى بتقول هو انت عرفت اسمى منين انا مقولتوش بصيلها بتوتر و هو بيفرك إيده و ............... أنت تعرف اسمى ازاى أنا مقلتهوش بصيلها بتوتر و هو بيفرك إيده و لكن قطع السؤال ده غزل الى قربت منها و هى بتحضنها و بتقول هو انتى بجد مش فاكرانا بصيتلها و انا مش عارفة هى مين دى فابتسمت و قالت أنا غزل بنت طنط أمينة صاحبت مامتك بس أنتوا نقلتوا بعد ما مامتك اتوفت. بصيتلها و افتكرتها فابتسمت و أنا بحضنها جامد ياااه أيام عديت و سنين و أخيرا اتقابلنا بجد مش عارفة اى الصدف دى بجد الواحد حتى مش مصدق نفسه فعلا. قد اى الواحد كان محتاج يرجع علاقات قديمة مريحة كان فيها جزء كويس من الحياة و ذكريات كانت الطف اتنهدت بعدها و انا ببص لعمر لسه أطول منى زى ما أنت ضحك و هو بيمد إيده يسلم عليا طول عمري متغيرتش. ضحكت و أنا ببص وراه و بقول أومال فين طنط خيرية و عمو أحمد. بصوا الاتنين لبعض بحزن و قالوا من سنة اتو فوا فى حادثة عربية. بصيتلهم بحزن و أنا بحضن غزل و هى بتعيط و أنا بعيط معاها قد أى الدنيا دى غريبة و انها دايما بتاخد اقرب ناس حبيناهم فى لمح البصر كدا. بصيتلها و انا بمسح دموعها ربنا يرحمهم يارب. عديت فترة مريحة من الزمن حياتى اتغيرت من ساعة ما سكنوا جمبي و بقيت احسن بقينا احنا التلاتة علاقتنا حلوة مع بعض نفطر نتغدى نتعشى حتى مع بعض و الدنيا متخلصش من حوارات غزل الجميلة الى شوية منها يجيب الاجل و شوية منها يحببك فى الدنيا. يا غزل عيب كدا مينفعش. انا عايزة السمكة بتاعتى . سمكة اى يا غزل الى بتاعتك دى سمكتى و انتى اكلتى بتاعتك. ولاا انا عايزة السمكة ملييش فيه. هزعلك اقسم بالله لو ما لميتى نفسك. اقسم بالله افضحك و اقول انك بتحب........ قفل بوقها و هو بيقول بتوتر حبيبة قلبى يا غزل هى السمكة تغلى عليكى. بصيتلهم بعدم فهم و انا بقول شكل القاعدة فيها اسرار يا غزوول. بصيتلى بخبث قريب هيبقى فى فرد جديد فى العيلة. بصيتلها بفضول هتتخطبي لا عمر. بصيتله شوية مع توتره بس مش عارفة ليه حسيت انى زعلانة ممكن لانه ملى حياتى هو و غزل و حد تانى هيبدا يشاركهم الحياة و انا اتركنت. ولا لانى طول عمرى كنت لوحدى و هما ملوا حياتى مش عارفة بس اشمعنا عمر زعلت اووى ممكن عشان حبيته و حسيت بالامان معاه اى الهبل الى بفكر فيه ده لا طبعا. قطع صوت افكارى خبط جامد على الباب فتحت و لقبت لمى بتعيط و وراها محسن يا لمى يا حبيبتى دا موضوع قديم. انت كنت بتحبها و جرحتها و تقولى موضوع قديم. اهى قدامك أساليها. بصيتلى و هى بتتكلم بعياط محسن كان واعدك بالجواز قبل ما يتجوزنى مين قالك ردى مش هيفرق الكلام دلوقتى. جيت امشي مسكتنى و قالت حصل ولا لا مش هيفرق. زعقت حصل ولا لا حصل. فى ثانية قلعت الدبلة الى كانت فى إيدها و قالت ورقة طلاقى توصلي يا محسن و كدا او كدا كل حاجة ممسوكة عليك و لبنى كتر خيرها وريتنى كل قذراتك. بس انا بحبك يا لمى و بعدين ابننا حبك برص انا بكرهك و بعد كدا لو شوفت وشك او قربت منى هفضحك فى شغلك بقاا و فى حياتك و جرب. مشي و هو حاسس انه خسر حاجات كتير لمى بصيت ل نور و هى بتعيط اسفه و الله انا اسفه مكنتش اعرف و الله و بوظتلك حياتك اسفه. متعيطيش دا مكنش نصيبى. حضنتنى و بدانا نعيط سوا. غزل كانت متابعة كل حاجة و فى ثانية اتكلمت اى العيلة الى ملعوب فى السيستم بتاعها دى بتحبوها محسن الأقرع. فى اللحظة دى لفينا كلنا و ضحكنا على كلامها بس انا عينى كانت متعلقة ب عمر بطريقة تانية الى ابتسم ليا و هو بيطمنى بعينه ان خلااص الموضوع خلص ولا كأن فى حاجة حصلت. لمى خدت غزل و قعدوا يتكلموا و انا و عمر وقفنا فى البلكونة نتكلم فقالى بقيتى أحسن بكتير و من ساعة ما دخلتوا حياتى و انتوا مليتوها و خرجتونى من الى انا فيه. ابتسم ليا و قال و انا صغير مكنتش فى حياتى اعرف غير اتنين العب معاهم انتى و غزل كانت لسه صغير فكانت حياتى متمركزة عليكى انتى لغاية ما مشيتى حسيت انى وحيد و محدش حوليا بس دلوقتى حاسس انى مبقتش لوحدى. بصيتله و ابتسمت فكمل أنا بحبك و عايز اتجوزك بصيتله بصدمة فكمل طول السنين دى كلها مقدرتش ابعدك عن دماغى لو موافقة فاوعدك هعوضك عن كل حاجة لو مش موافقة.... انا موافقة. بصلي بفرحة فلقيت صوت زغاريط ملى المكان كان صوت الغزل الى وقعت فى الارض و جمبها لمى فقالت بإحراج الارض دى شكلها بتتحرك ولا اى. ضحكنا انا و عمر و احنا بنبص لبعض بفرحة قد اى العوض ممكن يكون احلى لو ان اختيارنا المرة دى كان صح. تمت. توابع_الصدف فدوى_خالد إلى_اللقاء_قريبا مع اسكريبت جديد
