العاشق والبريئة مايا خالد
سيف كان نازل من فوق وشافها ولما كانت هتقع وقلق عليها جدا ونزل بسرعه علشان يشوفها
سيف بقلق عليها / انتي كويسه ياملاكي حصلك حاجه
ملاك برقه/ أنا كويسه ياسيفي ماتقلقش
سيف / متاكده
ملاك / ايوه ياحبيبي
سيف موجه كلامه لى ادم / شكرا يا ادم بجد انك لحقتها قبل ماتقع
ادم بجراءه وحب / مافيش داعي تشكرني دي حياتي كلها واكيد هعمل كل اللي اقدر عليه علشان احميها
سيف / طب بس متقولش حياتي دي حياتي أنا لوحدي
ادم باستفزاز / كان زمان اما دلوقتي دي ملكي أنا
سيف اتغاظ منه جدا وبص لى ملاك وقالها / شايفه ياختي بيقول ايه عاجبك كلامه
ملاك كانت بتضحك عليهم وساكته مش ببتكلم
ونزلو تحت لاقو الكل مستنينهم على السفره راحو قعدو وادم جاي يقعد جنب ملاك سيف سبقو وقعد مكانه وبصلو بابتسامة نصر ولدم اتغاظ جدا منه وراح قعد جنب سيلا (بيفكروني بي توم وچيري 😂)
سيلا كانت بتبص لي سيف بنظرة اعجاب وفي نفسها هيييح يخربيت جمال امك هو فيه كده
مايا لاحظت نظرتها وبصتلها بغيظ وقالتلها / بصي في طبقك يابنت الهبله انتي ناقص تروحي تقوليله تعالى اتجوزني
سيلا بهيام / ياريت ولاحظت كلامها وقالت اسفه يا مامي ما اخدتش بالي
مايا بصتلها بغيظ وكملت اكلها
حسام وجه كلامه لى ملاك / اطلعي ياحبيبت جدو علشان هتروحي انتي وادم تشترو الفستان
سيف قاله / ازاي يعني ياجدو يروحه لى وحدهم لأ أنا مش هسيب اختي تروح معاه لى واحدها
ادم بغيظ / ليه هو انا هكلها مثلا أنا قولتلك قبل كده ان دي حياتي ومستحيل اذيها او اسمح لي حد يإذيها
سيف / أنا مش قصدي كده بس انتو لسه ماتجوزتوش فا أنا هاجي معاكو
حسام / خلاص روح ياسيف وسيلا هاتيجي معاكو عاشان تجيبلها فستان هيا كمان
سيلا بمرح / اخيرا الواحد هيخرج ويفك عن نفسه
حسام / ليه ياروح امك هو انتي مش بتخرجي خالص اومال مين اللي كان في الساحل الاسبوع اللي عدا
سيلا / احم ايه ده هو أنا كنت في الساحل ادم بصلها بصه رعبتها وكملت كلامها / اه اه صح افتكرت اصل أنا بنسى دايما وانت عارف كده يادومي
ادم بتهكم / اه طبعا انتي هتقوليلي
سيلا بمرح/ خلاص ياعم انت هتزلني أنا مخرجتش الاسبوع اللي عدا ده خالص اقوم اللبس أنا احسن يغيرو رايهم
وجريت على اوضتها والكل بيضحك عليها
ملاك برقه / هقوم اجهز يامامي
سيليا/ قومي ياروح مامي وخلي بالك من نفسك
