العاشق والبريئة مايا خالد
ادم اتعصب لما حطت ياء الملكيه لاسم سيف وحس ان قلبه وجعه واستغرب نفسه جدا ازاي هو غيران من اخوها ده اخوها يعني مش حد غريب قطع شروده عندما سمع سيف يتحدث مع ملاك
سيف بحب / اسمعيني ياملاكي انتي هتتجوزي ادم يعني اكيد هتنامي في نفس الاوضه اللي هو نايم فيه
ملاك بدموع ورقه / يعني أنا مش هنام في حضنك تاني لأ خلاص مش عايزه اتجوز وانام في حضنك انت ياسيفي
الكل استغرب لما لقاها بتعيط كده
سليم بيقولها / انتي بتعيطي ليه ياحبيبتي هما هيفضلو معاكي علطول واحنا قاعدين كلنا في نفس البيت يعني مش هيبعدو عنك
زين / هي دايما ملاكي كده من اقل حاجه بتعيط وخلاص
ووجه كلامه لى ملاك خلاص ياحبيبتي حتى لو اتجوزتي هتنامي في حضن سيف برضو مش كده يا ادم
ادم / ايوه ايوه اكيد
وفي نفسه ده في احلامك إن شاءلله
سيف / خلاص يا ملاكي ماتعيطيش ماشي وانتي هتفضلي معايا اهو ماشي
ملاك / ماشي ياسيفي يلا بقى علشان أنا عاوزه انام
سيف قام شايلها زي العروسه / يلا ياقلبي وطلعوا
وده خلى ادم يتغاظ جدا من المنظر ده ووعد نفسه إن بعد الجواز مش هيخلى حد يلمسها خالص او يكلمها
وخلص اليوم على كده والكل راح علشان ينام وادم طول الليل بيفكر في ملاك وازاي اخدت عقله وقلبه كده من اول نظره وقرر إن هو يحاول يقرب منها الاسبوع ده علشان هيا تحبه زي ماحبها من اول نظره
🦋🦋🦋🦋🦋🦋🦋🦋🦋🦋🦋
جه معاد كتب الكتاب وطول الاسبوع اللي فات ادم وملاك قربو من بعض شويه وملاك اتعلقت بيه بس مش اوى يعنى وكانت بتحب وجوده دايما لكن كانت بتخاف تقرب اكتر من كده
في يوم جديد تشرق الشمس معلنه عن مفاجأت كثيره للبعض منها المفرحه ومنها الحزينه تستيقظ جميلتنا على اشعة الشمس الذهبيه تدخل الى غرفتها وتقوم من على فراشها وتدخل الى المرحاض لتأخذ حماما منعش وتؤدي فرضها وتلبس سلبوته باللون الوردي وفوقيها چاكت اسود وتذهب الى الخارج وعندما خرجت خارج الغرفه وجدت ادم فقالت له
ملاك برقه / صباح الخير
ادم بحب / صباح الورد على احلى ورده
ملاك ابتسمت بكسوف ونزلو هما الاتنين تحت وهما نازلين على السلم
ملاك كانت هتقع غمضت عنيه وصوتت بس ادم لحقها ومسكها ملاك فتحت عنيها لقيت ادم ماسكها من خصرها وكانت شبه في حضنه
ادم بصلها وسرح في عينيها وهيا كمان وحست إن قلبها بيدق جامد وبعدت عنه بسرعه وادم استغرب عينيها جدا لان كان لونها رمادي فاتح وهيا اصلا عنيها لونها ازرق وقال لي نفسه /شكلك هتجنيني معاكي يملاكي بس كله يهون علشان خاطر عيونك الجميله دي
