العروسة بقلم زهرة الرببع
هايدي قالت بسرعه…. يا حبيبي انا سهرت معاه بس في نايت كلوب عادي ما عملناش اي حاجه و
جسار ضحك وقال….وافرض عملتي يا حبيبتي ما تفرقليش يا هايدي ما سالتيش نفسك انا ما اتجوزتكيش لحد دلوقتي ليه لو فعلا في مشاعر في قلبي ليكي… انتي كنت مجرد واحده رخيصه ..وللاسف لقيتها ارخص بكثير من ما تخيلت ..انا حاليا مش هاممني امرك لا مجروح منك ولا غيرت عليكي ولا حتى همني موضوعك مجرد واحده كنت معاها لقيتها فتحت فرع جديد فسبتها بس يا حياتي… فشوفي لك حد غيري لاني مستحيل ارجع لك
لسه هيمشي قالت پغضــ,,ـب شديد..انا رخيصه.. دلوقتي علشان اتجوزت بتقولي كده….لتكون فاهم ان السهتانه اللي معاك دي بريئه وشريفه و
بس قاطعها وقال پغضــ,,ـب…سيرتها ما تجيش على لسانك ..حسناء حاجه انضف بكثير من اللي زيك يذكرها… قال كده ومشي
واول ما بعد طلعت حسناء من جنب المكان اللي كانو واقفين فيه … كانت واقفه وبتسمعهم وهي مبسوطه جدا ولسه هتمشي اتفاجئت بحد مسكها من قفاها زي الحراميه
التفتتلو پخوف وكان جسار بصلها بغيظ وقال …..انا اعمل فيك ايه…. طب احترمي الحجاب اللي على دماغك ده وبطلي تتصنتي وتلمعي أوكر
حسناء قالت بتوتر…. لا لا ما كنتش بتصنت ..انت فهمت غلط انا انا كنت جايه انده لك وبعد كده سمعتكم بالصدفه
جسار قال بعدم تصديق…اممم صدقتك اوي …يلا انجري معايا
حسناء قالت ….طيب تسيبني يا جدع مش هينفع تفضل ماسكني كده قدام الناس عيب يقولو عليا ايه نشلت محفظتك
جسار اتنهد وسابها وهيه بقت ترتب هدومها وهي بتبتسم وقالت….. بس انت جدع يعني..عجبتني و انت بتدافع عني
جسار ابتسم وقال …طب يلا يا اختي الناس مستنيانا
وراحوا قعدوا تاني مع اصحابهم وفضلو يهزرو طول اليوم
بالليل كانو مجتمعين وبيلعيو لعبه الصراحه ومبسوطين جدا
وجيه الدور على حسناء و كانوا المفروض يسألوها …واحده من البنات قالت ..ها بقى يا حسناء دورك نسالك قولي لنا بقى ازاي كانت علاقتك مع جسار يعني حبيتو بعض ازاي
جسار فرك دماغه بحرج لانهم متكلموش مع بعض غير يوم الفرح وبطريقه مش كويسه وقال …يا جــ,,ـماعه ايه السؤال ده
البنت قالت باصرار لا ملناش دعوه ده سؤال حسناء مش سؤالك انت
حسناء ابتسمت وهي بتبص له وكانت متردده بس قررت تتكلم وقالت …هو الصراحه باباه وبابا اصدقاء من زمان…وكنا نزور بعض بس كل فترات …بس في مره باباها كان ماسكلنا مشروع تصميم\ات لمزرعه عندنا ….وتعب في نص المشروع وكان هيشرف عليه بنفسه بس مقدرش فبعت جسار ابنو بداله
