قتلني ورحل الفصل الثالث ميفو سلطان

صعد قاسم بها ووضعها علي السرير وذهب ليحضر ما يفوقها وجاء مسرعا واحتضنها بشده وظل معها حتي بدات تفوق وتفتح عينها كانت هيا في حاله من اللاوعي تري خيالات لتتضح الصوره لتري قاسم كانت مغيبه لتهمس بحب.. قاسم..

ليحس ان قلبه سينخلع ليشدد عليها ويحتضنها بشده ونزلت دموعه.. عيون وقلب قاسم روح قاسم اللي اتنزعت منه من سنين.. كانت مستكينه مرتاحه في حضنه وهو حانيا يقبل راسها.

حتي تجمدت وتشنجت فجأه لتبعده عنها پقسوه وتصرخ…. ابعد.. ابعد عني وكانت تحاول ان تقوم فترنحت ليمسكها.

فصړخت فيه… ماتلمسنيش.. انت جبتني هنا ليه عايزين مننا ايه ماتسيبونا بحالنا منكو لله انتو مش بشړ…. لتسقط علي السرير تنتحب فلم تعد قادره..

ليهتف.. طب بتحاسبيني علي ايه انا ماكنتش اعرف. ولا كنت اقدر اقف قصاده يا قلبي..

لتصرخ…. اسكت بقه ارحمني..

ليقول….. لا مش هسكت. انا قلبي مشقوق تمن سنين سواد ماشفتش فرح.. انا اتهددت بيكي والا كانت امك اترمت في السچن اتهددت انك تتاخدي انت كمان. كان موقف واحد عالباب هياخدك ويوديكي شقه ويفضحك عايزاني اسيبك له .. ماقدرتش عليه كان جبروت.. هو خطط لكل ده واستنيت ابقي زيه عشان اعرف ارجعك…

[[system-code:ad:autoads]]لتتجلد وتقوم.. وانت فاكر لما تبقي زيه انا كده خلاص. فاكر لما تقلي الكلام ده انا كده خلاص.. عارف يا قاسم لو كنت قلتلي كنت هبعد لوحدي وهديك ورقتك اللي اتقطعت وهتفضل في قلبي عالي.. عارف لو جيتلي وقلتلي انك عملت كده كنت قلت هستناك العمر كله..بس انت خفت وبعت.. اه ممكن عشان امي بس صدقت فينا يا قاسم. طب كنت بتسمع رسايلي رد قلي ماعتش ينفع بس بحبك.. عارف كان حالتي ازاي.. امي في السچن وجوزي رميني وقاعده لوحدي صغيره مااعرفش حاجه في الدنيا الا انت يا قاسم والخۏف هيم*وتني.. انا ماكنتش فاهمه ازاي قدرت تعمل كده ولما فهمتني مش مستوعبه ازاي جالك قلب تسيبني سنين وانت بتحبني وماتقليش.. ايه الجحود ده.. طب عدي سنه اتنين تلاته ارجعلي حن علي قلبي اللي اتمزع.. ماصدقتش لما المحامي جه ياخد الورقه كنت حاسه ان قلبي هيقف كنت عايزه اسمعها منك.. انت حبيت بطريقتك وانا مت ساعتها انت بتدور علي ايه انا مش موجوده..

لېصرخ… انا بعدها بعت اسال مالقتكيش مسحت عليكي الارض. انا عملت كل ده عشانك بعدت وكبرت عشانك..