قلب لا يعرف الحب الجزء الاول
ضحك الجميع ماعدا يوسف فلم يعجبه الوضع نهائيا وقرر وضع خطة للايقاع بينهم وباسرع وقت ممكن
جلسوا جميعا سويا يتناولون العشاء وادهم يخطف النظرات لنور وتلاحظه خديجة ورودينا وهم يشعرون بتغيير حاله بعدما تعرف على نور
اما يوسف فكان يتابع الموقف بغضب كبير يمنعه من الخروج فيرى نظرات ادهم لور ويرى خجل فى عيون نور من نظرات ادهم
انتهى اللقاء وودعوا ادهم واهله وعندما همت نور ان تخرج اوقفتها خديجة:نور ممكن كلمة
نور:تحت امر حضرتك خير
خديجة:بصى ياحبيبتى انا مش هلف وادور عليكى بس عايزة اقولك انك غالية اوى عند ادهم بدليل انه نطق اسمك فى البنج
نور بارتباك:حضرتك تقصدى ايه
خديجة:اقصد ا ادهم اتغيرمن يوم ما قابلك اوعى تتخلى عنه مهما حصل لانه كان صعب اوى ان ادهم يرجع زى زمان بس انتى الوحيدة اللى قدرتى تنسيه اللى فات
نور:بصراحة انا مش فاهمة حضرتك تقصدى ايه
ربتت على كتفها:بكره هتعرفى يانور بكره هتعرفى
تركتها وهى فى حيرة من امرها ماذا تقصد بحديثها
مرت فترة وبدا ادهم يتعافى بعد جلسات العلاج الطبيعى الذى واظب عليها باستمرار
عاد ادهم مرة اخرى الى الشركة وسط ترحيب من الجميع وكان سعيدا بعودته الى حالته الطبيعية فيستطيع الان ان يصارح نور بحبه
ورغبته الزواج منها
كانوا دائما معا فى المكتب وفى المواقع يراقب تصرفاتها ويلاحظها كانوا يوما فى احد المواقع يقومون بعملهم كانوا يقفون فى الدور الثانى من احدى الفيلات التى يقومون بتفيذها
ادهم:ايوه يا نور بس انتى مش شايفة ان العمال خبرتهم قليلة
نور:بالعكس ياادهم العمال كويسين جدا وانا متاكدة انهم يقدروا يقوموا بالشغل ده فى اقرب وقت وبجودة عالية
رن هاتف ادهم فاستئاذن منها وخرج فى نفس اللحظة التى يدخل فيها يوسف عليها وهى منشغلة بعملها
نور:يوسف خير فى ايه
يوسف:فى انى مش هسمح لادهم انه يقرب منك
نور:انت مجنون ايه الكلام الفارغ ده\
يوسف:لا ده مش كلام ده فعل انتى فاكرةانى معرفش حاجة عن البيه المحترم الباشا خريج سجنون كان مسجون فى قضية سرقة حديد من الشركة اللى كان بيشتغل فيها
نور:وانا مالى جاى تقولى الكلام ده ليه كل واحد حر
يوسف:يعنى انا حر لو عملت فيكى حاجة
ابتعدت نوربخوف:انت عايز ايه احنا مش لوحدنا العمال كلهم موجودين انده عليهم يجوا يضربوك
يوسف:واهون عليكى يانور …. نور انا بحبك سمعانى بحبك
نور:وانا مش طيقاك افهم بقى خلى عندك دم
اقترب منها وهى تبتعد :اومال طايقة الباشا اللى كل يوم فى حضن واحدة
نور:اسكت خالص مش عايزة اسمع صوتك
يوسف:لا لازم تسمعى عشان تعرفى مين بيحبك ومين بيلعب بيكى
كانت نور تتراجع وهو يقترب فجاة سقطت نور من الشرفة على الرمال
انهى ادهم مكالمته وسمع صراخ نور وصوت يوسف يصرخ ….. نور
جرى سريعا عليها لم يجدها وجد يوسف يبكى وينظر الى اسفل ونور ملقاة على الرمال لاتحرك ساكنا
نزل بسرعة اليها واخذ يصرخ باسمها:نور نور فوقى …. نور فوقى ابوس ايدك
صرخ بالعمال :افتحوا العربية
وضعها فى السيارة وانطلق بها الى المشفى ويوسف خلفه بسيارته ماان وصلوا حتى حملها وادخلها الى الطوارى الذين بدوا الاسعافات الاولية لها
بعد فترة حضرت تقى وروفيدة واكرم الى المشفى ليطمئوا عليها
اكرم:ايه اللى حصل ياادهم
ادهم:مش عارف كنت واقف معاها الموبيل رن روحت رديت بعد شوية سمعت زعيق ويوسف بيصرخ
توقف هنا كانه تذكر شئيا:يوسف ايوه انت كنت معاها انت اللى رمتها صح
امسك بيوسف يحاول ضربه منعه عنه اكرم :مش وقته نطمن على نور وبعدين نتكلم
خرج الطبيب اليهم التفوا جميعا حوله:مين هنا ادهم
نظروا جميعا الى بعضهم والى ادهم باستغراب
ادهم:انا يا دكتور فى حاجة
الدكتور:انت خطيبها
نظر ادهم اليهم جميعا ورجع للطبيب:هو فى ايه يادكتور
دكتور:لا ابدا اصلها نطقت اسمك كذا مرة وهى فى البنج قلت اكيد خطيبها
ادهم:ايوه ياادكتور انا خطيبها
الدكتور:يظهر انها بتحبك اوى دى مبطلتش سوال عنك
ادهم بسعادة حاول يخيفها :طيب هى عاملة ايه دلوقتى والوقعة دى اثرت عليها
الدكتور:لالا الحمد لله اانها نزلت على رمل مش حاجة صلبة كانت بقت مشكلة هى كويسة بس محتاجة تستريح شوية وهتبقى كويسة إن شاء الله
