خداع انثى الجزء الأول دودو محمد
“البارت الاول”
فى إحدى الاماكن الشعبيه اجتمع مجموعه من رجال الأعمال ورجال الحي والمسؤولين بمجلس النواب عن هذه المنطقه حتى يتم ترميم وتجديد المنطقه بالكامل بعد أن اشتكى سكان هذه المنطقه من صعوبة المعيشه فى هذا المكان
وقف شاب فى أواخر العشرينات بتذمر وبجواره صديقه زفر بضيق وقال
رائد :- انا مال امي بالصداع ده كله بابا صمم أن أنزل علشان أظهر من المهتمين بالمنطقه والكلام ده كله علشان عايز ينزلنى الانتخابات السنه الجايه والناس تحبنى وتختارنى انا مليش فى السياسه أمته يفهم أن انا غيره مش علشان هو ليه فى السياسه ابقى انا زيه وبحبها
أجاب عليه صديقه بضيق وقال
اسر:- نفس الحال وحياتك مش عايزين يقتنعوا أن احنا غيرهم وطريقنا غير طريقهم ومهما نكلمهم مش بيسمعوا صوتنا لما الواحد زهق
رد عليه بنبره مختنقه وقال
رائد :- انا زهقت وعايز امشى بقى نروح نفك نفسنا مع بنتين حلوين ينسوا الواحد القرف ده
اقترب منه وقال بصوت هامس
اسر :- اصبر اهى هانت شويه ونمشي
وبعد وقت طويل انتهوا اقترب من والده وقال بضيق
رائد :- عايز منى حاجه بقى همشي انا وأسر
رد عليه بغضب وقال
مدحت :- مستعجل علشان تروح تصيع زى كل يوم ومشوفش وشك غير الصبح
زفر بضيق وقال
رائد :- يا بابا انا مش بنفذ اللى انت عايزه منى وخلاص سيبنى اعيش حياتى براحتى بقى
صر على أسنانه بغضب ونظر حوله بالمكان واقترب أكثر له وقال
مدحت :- انا زهقت من قرفك ده والاخبار اللى كل يوم تتنشر فى المجلات عنك وعن علاقتك المشبوهة وانا بدفع دم قلبى علشان اخليهم يحذفوا الاخبار دى من عندهم
حرك رأسه بضيق وقال
رائد :- امممم ابتدينا موال كل يوم انا ماشي سلام وتركه وأمسك ذراع أسر وذهبوا صعدوا السياره
نظر له بأستغراب وقال بتساؤل
اسر :- مالك يا ابنى متعصب كده ليه
رد عليه بضيق وقال
رائد :- يعنى انت مش عارف كلام بابا الواحد زهق والله بفكر اسيب ليهم البيت واعيش فى بيت لوحدى علشان ارتاح من زنهم امى كل يوم مش هنفرح بيك بقى يا ابنى نفسى اشيل ابنك قبل ما اموت وابويا كل اللى يهمه اخبارى والفلوس اللى بيدفعها علشان يتستروا على الفضايح بتاعتى وان اترشح فى الانتخابات السنه الجايه
تعالت ضحكاته وقال
اسير :- وايه يا ابنى الجديد فى كده كلهم واحد والله ما انت بتشوف امى وابويا بيعملوا معايا ايه كبر وفكك من كلامهم وروق كده احنا لسه الليل فى أوله امشى يلا
