العشق يصنع المعجزات بقلم فاطمة الزهراء
ج1
ـطنط نوارة انت هنا
_هنا يا بنتي اتفضلي
دخلت الفتاة والقت السلام ثم اقتربت من نوارة وقبلت يدها قائلة”عاملة ايه والنهارده”
_كويسة الحمد لله تعالي اقعدي جنبي وحشتني مووت يا منون.
فاطمة الزهراء (الزهراء فطووم)
ابتسمت منار بحب وجلست بجانب نوارة.
نوارة بابتسامة”اخبار دروسك ايه”
منار”الحمد لله بدرس بكل جهدي”
وضعت نوارة يدها على كتف منار قائلة”دي اخر سنة بثانوية عارفة أنها صعبة بس انتي قدها يا حبيبتي وقدود”
ابتسمت منار بحب كبير لهذه المرأة.
بقيت منار تتحدث مع نوارة لبعض الوقت.
منار مقبله يد نواره”انا همشي دلوقتي عندي درس كمان ربع ساعة ولازم احضر نفسي عشان اروح السنتر متنسنيش بدعواتك”
ابتسمت نوارة ورربتت على كتف منار وقالت مبتسمة”ربنا يوفقك وينجحك ويجعلك بأعلى المراتب”
ابتسمت نوارة وقبلت رأس نوارة ثم خرجت ما ان فتحت الباب حتى وجدت اياد ابن نوارة تراجعت إلى الخلف ليتقدم اياد قائلا بمشاكسة”منون عندنا اهلا وسهلا يا قمرنا اخبار الثانوية معاكي ايه يا حبيتي”
دائما ينادها بهذا الاسم(حبيبتي) ويعلمها كأنها حبيبته وأكثر ولكن هي تعلم أن تعامله معها تعامل اخوة وانه لا يكن لها اي مشاعر.
ابتسمت بحب قائلة”كويسة الحمد لله فل الفل”
اياد بمشاكسة” إلا قوليلي اخبار الكيمياء معاكي ايه”
رسمت تكشيرة على وجهها قائلة بحزن “مش كويسة دي مادة مقرفة اووي كلهم بكف وهي بكف تاني”
قالتها وهي تشير بيدها ليقهقه عليها قائلا”انا هذاكر ليكي كيمياء ايه رايك انا كنت شاطر اووي وجبت مجموع حلو فيها”
قفزت بفرح قائلة”انت بتكلم بجد صح مش بتهزر صح”
اياد نافيا”وربنا مش بهزر”
لتقفز معانقة إياه بفرح كبير بحركة عفوية منها بادلها عناقها بحب اخوي كبير.
ابتعدت عنه مدركة ما فعلت بعد سماعها لصوت نوارة”اياد انت رجعت يا حبيبي.
منار متاسفة”انا اسفة بجد انا فرحت عشان هتذاكر ليا لانه الكيمياء صعبة اووي وانا مش قدها”
قرص وجنتيها بيده” عفكرة الكيمياء مش صعبة انتي اللي مصعباها اتعاملي معها بسلاسة هتحبيها”
شهقت بخفة وهي تتذكر موعد السنتر لتنظر لساعتها بصدمة”الدرس فاضل ليه ١٠ دقايق بس يالهووي”
اياد”انتي بتشهقي عشان كده روحي جهزي نفسك هوصلك باقل من ٥ دقايق”
منار”متضحكش عليا كده ده انا بروح بالاوبر اقل حاجة ١٠ دقايق بعدين ازاي هتوصلني”
