الحلقة الاولي شمس بنت جميلة ف اوائل العشرينات نايمة ومستغرقة ف النوم ومرة واحدة المنبه بيضرب بصوت عالي اوي الساعة 8 الصبح شمس تصحي وهي بتتاوب وتقفل المنبه شـمـــس:ايه يا ربي القرف ده بس!! توب علينا يا كرييم وتقوم بسرعة علي اوضة سلمي ورضوي شـمـــس:اصحوا يلا عندكوا جامعة ومدرسة سلمي:طب سبيني انام شوية ونبي يا شمس شـمـــس:لا يا حبيبتي الصحيان من النوم والجامعة والشغل مفيهاش يامه ارحمني رضوي:يامه ارحمينا بقي من الموشح بتاع كل يوم هو انتي خلاص اعتبرتي نفسك امنا؟ ده انا ساعات بنسي انك اختنا الكبيرة شـمـــس:بت انتي وهي مش عايزة وجع دماغ انا كده هتاخر علي شغلي وورايا شغل وقرف وبهدلة متتعبونيش يلا كل واحده ف ظرف ربع ساعة تكون جاهزة عبال ما احضر الفطار ده ايه الغلب ده ياربي!! سلمي ورضوي يحطوا الغطا تاني علي وشهم شـمـــس:انا اتاخرت علي شغلي ومش حمل الرزالة دي قوموا بدل ما اقسم بالله....... رضوي وسلمي يقوموا بسرعة مرة واحدة "خلاص خلاص قايمين اهو" شـمـــس:وانتي يا موكوسة يالي ف تانية اداب مش هتصحي!! سلمي بغيظ:قايمة يا شمس قايمة يا حبيبتي شـمـــس:ماشي شمس تروح تحضر الفطار بسرعة سلمي تخرج لابسة هدومها هي ورضوي شـمـــس:يلا الفطار جاهز سلمي:لالالا مفيش وقت انا متاخرة و تبوسها و تمشي بسرعة شـمـــس:وانتي يارضوي؟ رضوي:لا انا كده هتاخر علي المدرسة انا اولي ثانوي السنادي........ بااااي و تبوسها علي الخد التاني و تمشي رضوي شـمـــس:باي؟؟؟؟ونبي ما انتو فالحين ف حاجة ----------------------------------- ف بيت نادر نادر:يا معتز!!اصحي يا معتز ......يا ماجد!!!.... ما تصحوا بقي ماجد يخرج من الاوضة وهو بيتاوب "ايه الغاغة الي انت عاملها دي يا نادر؟" نادر:يعني مش عارفين ليه؟؟ انت هتتاخر علي جامعتك وهو هيتاخر علي مدرسته........دي عيشة تقرف ارحموني ورايا شغل ماجد وهو بيتوب:طب اهدي بس متزعلش نفسك الدنيا مش هتطير نادر:اقولك!! عنكوا ما صحيتوا ولا روحتوا جامعة ولا مدرسة ادي الفطار اهو وانا رايح شغلي دي حاجة تقرف ويخرج نادر ويرزع الباب وراه ويصحي معتز ويخرج للصالة "هو بيزعق ليه علي الصبح؟" ماجد:يعني هي جديدة عليه مهو ده الموشح بتاع كل يوم ....امال لو مكنش اخونا الكبير كان عمل ايه؟ معتز:بص ادام خرج يلا نكمل نوم بلا جامعة بلا مدرسة بلا قرف باسم:يلا نادر يفتح الباب فجأة نادر بصوت عالي وعصبية:لسه ملبستوش؟؟ ماجد ومعتز بفزع:حاااضر ----------------------------------- شـمـــس واقفة مستنية الاتوبيس ويرن موبايلها و ترد شمس علي الموبايل شـمـــس:الوووو ايوة يا خالو ازيك؟ خالها:الحمدلله وانتي اخبارك ايه انتي وسلمي ورضوي ؟ شـمـــس:الحمدلله ماشي الحال خالها:ينفع اجيلك زيارة انهارده بليل شـمـــس:خير؟ خالها:خير ان شاء الله...يعني ..........ف الواقع........ شـمـــس باشمئزاز:آآآآآآآآآآآه يعني ؟؟؟وفي الواقع؟؟؟؟ يبقي جايبلي عريس......صح؟؟ خالها باندهاش:ايه ده؟عرفتي منين؟ شـمـــس بسخرية:مهي واضحة زي الشمس .....يعني ..وفي الواقع وعمال تلئلئ يبقي اكيد ف مصيبة سوداء من المصايب الي بتجبهالي خالها:حرام عليكي انا عمري جبتلك مصايب؟ شـمـــس:انت عمرك ما جبت غير المصايب يا خالو ....اهييييي هنضحك علي بعض بقي !! خالها:اطمني المرة دي ان شاء الله خير ومش هنخرج من باب الشقة الا...... شـمـــس مقاطعة بسخرية:عارفة عارفة متكملش ونبي حفظاها,مش هنخرج من باب الشقة الا واحنا سامعين زغروطة تهد البيت,يخربيت ام الزغروطة الي مش عايزة تيجي دي ياخالو خالها:لا المرة دي بقي عريس مضمون شـمـــس:يا خالو حرام عليك ارحمني قولتلك 100 مرة انا مبفكرش ف الجواز دلوقتي انا ورايا مسؤليااااات خالها:يابنتي مينفعش ترفضي الي بيتقدمولك وتوقفي حالك علشان اخواتك....هما يعني كانوا اطفال رضع ؟؟؟دول بسم الله ماشاء الله كبار وعاقلين شـمـــس باستسلام:ماشي يا خالو حاضر خالها:هااا يعني اجي واجيب العريس؟ شـمـــس:ماشي...اديني نبذه مختصرة كده عنه بسرعة علشان الاتوبيس جي خالها:اسمه يوسف وعنده 28 سنة شـمـــس:حلو ....يوسف و28 سنة انا متفائلة خالها:مش بقولك لقطة شـمـــس:طب هو بيشتغل ايه؟ خالها:معرفش بصراحة شـمـــس:ماشي ....الاتوبيس جه .....سلام خالها:سلام وتغلق شمس الخط شمس ركبت الاتوبيس اول ما وصل وطبعا اتمرمطت وسط الزحام ----------------------------------- نادر وصل الشغل وقعد علي مكتبه مع زمايله نادر بتنهيد:صباح الخير الموجودين:صباح النور احد زمايله:ايه نموسيتك كحلي ولا ايه؟ نادر:لا وانت الصادق حياتي كلها الي كحلي يا عمرو عمرو:ليه بس؟؟تقصد يعني علشان اخواتك وكده؟ ----------------------------------- شـمـــس:لا مش اخواتي بس حاجات كتير اوووي انا خلاص قرفت وتعبت من ساعة ما بابا وماما ماتوا وانا الي شايلة الطين علي دماغي وساكتة رنا:معلش انتي طول عمرك متحملة ايه الي جد يعني؟ ----------------------------------- نادر:الي جد بقي ان كل لما بيكبروا مشاكلهم بتزيد اكتر واكتر عمرو:معلش اتحمل انت قدها ومتنساش انك اخوهم الكبير ....انت اخوهم الكبير يا نادر ----------------------------------- شـمـــس:يوووووووووووو انا اتخنقت من الكلمة دي خلاص عارفة ان انا اختهم الكبيرة ليه بتفكروني رنا:انا عايزة افهمك بقي انك مش لوحدك الي بتعاني عادي كلنا ف الهوا سوا شـمـــس:ياربي بقي ارحمني ياارحم الراحمين ----------------------------------- رضوي ف المدرسة ف الفسحة نرمين:بقولك يا رضوي رضوي:نعم؟ نرمين:ايه رايك ف الواد المز الي هناك ده؟؟ رضوي:بقولك ايه انا مليش ف الكلام ده نرمين:ايه انتي بتخافي من اختك ولا ايه؟ رضوي:انا مبخفش من حد نرمين:يابنتي اتنصحي شوية رضوي:الي هو ازاي بقي؟ نرمين:يعني اعرفيلك ولدين 3 واتصحبي عليهم وكده رضوي:لالالالا ده كانت شمس تموتني نرمين:شوفتي!! انا مجبتش حاجة من عندي رضوي:بقولك ايه؟؟ قفلي بقي ....عندنا مين الحصة الي بعد الفسحة؟؟ نرمين:استاذ عماد شلبي رضوي:ماشي يلا بينا نطلع الفصل مليش مزاج اتمشي ف الحوش اكتر من كده نرمين:يلا يا عقد ابقي خلي اختك تنفعك ----------------------------------- شمس ف شغلها وهي بتتكلم مع رنا والمدير يدخل المدير:ايه سايبن شغلكوا وبتتكلموا؟ رنا:اسفين يا بسيوني بيه المدير وهو بيبص ل شمس باهتمام "صباح الخير ياانسة شمس" شمس وهي مش طايقاه بابتسامة صفرا "صباح النور يا بسيوني بيه" بسيوني بهمس وابتسامة كلها برود:انتي اتاخرتي انهارده بس متقلقيش انا مش هخصملك انتي عارفة انا بعزك قد ايه! شـمـــس بصوت عالي وحدة:بسيوني بيه!!......من فضلك انا عندي شغل ومش فاضية واذا كان علي التاخير فاانا اسفة مش هتكرر تاني...عايز تخصملي مفيش مشاكل بسيوني يحس انها احرجته ويبتدي يتكسف "احم احم طيب ياانسة شمس اتفضلي كملي شغلك...عن اذنكوا" شـمـــس:اوووووووووف رنا:ياباااااااااي انا مش شوفتش ارزل من كده شـمـــس:مين سمعك انا خلااااص علي اخري من البني ادم ده هو مش حاسس بسنه ده عنده عيال قدي رنا:انا مش فاهمة هو شايف نفسه كده علي ايه؟؟بذمتك ف بني ادم ف الدنيا يبقي اسمه "بسيوني خليفة" ههههههههههه شـمـــس:هههههههههه ----------------------------------- نادر ف عمله قاعد علي المكتب وبيشغل عمرو:بقولك ايه؟ نادر:ايه؟ عمرو:ماتتجوز يااخي نادر:هههههههههههه ضحتكني وانا مكنش ليا نفس عمرو:وايه الي بيضحك يعني؟ نادر:يا مؤمن اتجوز ازاي ؟؟انا من ساعة ما ابويا وامي ماتوا وانا الي شايل اخواتي شيل .. ده انا ورايا هم ما يتلم عمرو:محسسني انك كبير العيلة ورب اسرة ياعم انت يادوب عندك اتنين اخوات بتصرف علي تعلميهم وكلها كام سنة يتخرجوا ويشتغلوا ويتجوزوا كمان نادر:عارف بس مين بقي الي ممكن تقبل بظروفي المهببة دي؟ عمرو:البنات علي قفا من يشيل وانت بسم الله ماشاء الله مهندس كمبيوتر قد الدنيا وزي القمر نادر:ربنا يسهل الاقي بس عروسة عمرو بثقة:عروستك موجودة نادر وهو بيشرب القهوة وهسيبها بسرعة "مين؟؟؟؟؟" عمرو بابتسامة وفخر:اخت المدام نادر بقلق:آآآآآآآآآآآآه ودي بيني وبينك يعني اخبارها ايه؟ عمرو:ما تلم نفسك يااخي بقولك اخت المدام نادر:طيب وتفتكر توافق بيا عمرو:مؤكد .....ها قولت ايه اخدلك معاد؟؟ نادر بقلق:بس.... عمرو مقاطع:تمام هخدلك معاد ويقوم يسلم عليه نادر حس انه ادبس وقلق من كلام عمرو وطريقته نادر ف سره:وانا هقلق من ايه بس؟؟ ما يمكن تطلع كويسة ----------------------------------- شمس راجعة من الشغل الساعة 6 وتلاقي خالها مصطفي ف وشها ادام باب الشقة شمس:ايه ياخالو خضتني حرام عليك مصطفي:معلش مكنتش اقصد شمس:خير فيه ايه؟ مصطفي:خير ايه؟انتي نسيتي ولا ايه؟؟؟مش قولتلك جي وجايب عريس شمس:آآآآآآه طيب ماشي هو فين؟ مصطفي:سلمي ورضوي فين؟ شـمـــس:جوه,اكيد كل واحدة رجعت من بره مصطفي:تمام هو مستني تحت شمس:ومطلعش ليه؟ مصطفي:بيتكسف شـمـــس بصوت عالي:يااااا اخيرا جبتلي حد عنده دم مصطفي بهمس:وطي صوتك ليسمعك شـمـــس:ماشي قوله يجي ودخله اما نشوف المرة دي جايبلنا ايه؟ مصطفي بفخر:جايبلك السعد والوعد يابنت اختي وهتشوفي شمس بصبر ومكر:ماشي يا خالو مصطفي:ادخلي طيب وانا هطلعه واجي شمس:ماشي شمس تدخل الشقة وتحط شنطتها وتظبط نفسها ف المراية والباب يخبط شـمـــس وهي رافعة ايديها:ياااارب واول ما تفتح الباب هتلاقي............................................. الحلقة الثانية . . شمس تدخل الشقة وتظبط نفسها ف المراية والباب يخبط شـمـــس وهي رافعة ايديها:ياااارب واول ما تفتح الباب هتلاقي واحد سنه لا يقل عن 40 او 45 سنة وخالها واقف جنبه شـمـــس:اهلا اهلا اهلا يا عمي اتفضل ابو العريس مش كده؟؟ الشخص بص لخالها باندهاش واستغراب عجيب وخالها بص ف الارض وسكت شمس بتبص يمين وشمال شـمـــس:الله هو مكسوف ولا ايه؟؟ما تقوله يطلع يا خالو مصطفي وهو بيشاور علي الشخص الي معاه:احم احم الاستاذ ده هو العريس!! شمس فتحت بوقها وبرقت شـمـــس بضيق:اتفضلوا اتفضلوا وتوسع من قدام الباب اول ما دخل من باب الشقة لسه خالها جي يدخل هتوقفه شـمـــس بهمس وهي بتجز علي سنانها:ايه الي انت جايبه ده؟ مصطفي:ايه؟؟؟ماله؟ شـمـــس بصوت عالي:مااااله!!! تحس انها علت صوتها اوي فا ترجع تهمس "ماله ايه ياخالو ده كبير اوي هو ده بقي الي عنده 28 سنة" مصطفي:انا مليش دعوة هو ده الي عطرت فيه وجبته وبعدين انا مالي الي قالي عليه زميلي ف المصلحة وانا قولت بنت اختي اولي من الغريب هيهيهيهيهيهي شـمـــس:بنت اختك ايه وزفت ايه ؟انا متبرية منك اصلا انت مش خالو انت اكيد من الاعداء مصطفي:متتبطريش علي النعمة غيرك مش لاقي...هو انتي علشان حلوة وزي القمر فاكرة ان العرسان هتقعد تجيلك كتير شـمـــس ف سرها:انا بردو قلبي كان حاسس انك هتجبلي عاهة من العاهات الي بتجبها كل مرة شـمـــس:والله فيك الخير ياخالو ....حبيت تعوضني عن حنان الاب جبتلي عريس قد ابويا مصطفي:هههههههه شوفتي بقي انا بحبك قد ايه؟ شـمـــس بغيظ مكتوم:عوض عليا عوض الصابرين يارب العريس يحس ان هما سايبنه بقالهم كتير وبيتوشوا علي مدخل الشقة العريس:احم احم مصطفي:يلا بقي نروح نقعد معاه ونتكلم هنفضل لاطعين الراجل كده كتير!! شمس ف استسلام:يلا شمس تروح تقعد مع العريس هي وخالها شـمـــس من تحت الضرس:منور يااستاذ يوسف العريس وهو بيبص لخالها:يوسف؟؟؟؟يوسف مين؟ شـمـــس ف سرها:هو ف ايه؟ شـمـــس:آآآآآآآآآ حضرتك العريس بابتسامة وفخر:لالا انا مسميش يوسف...انا اسمي فرغلي شـمـــس بفزع:فرغلي!!!! فرغلي:ايه اسم حلو طبعا شـمـــس بسخرية:اه جداً شـمـــس بهمس:فرغلي؟؟ ماشي ياخالي اما وريتك .....يمشي بس فرغلي:مبدايا كده انا مش هقدر اتجوز دلوقتي اصبري عليا لاني عليا اقساط شـمـــس مذهولة جداً ومندهشة:نعم؟؟؟ فرغلي بمنتهي الغرور والعنطظة:انا عارف طبعا اني عريس كويس بس النصيب بقي شـمـــس بسخرية:اه طبعا فجأة رضوي تخرج من الاوضة "ازيك ياخالو عامل ايه؟" مصطفي: الحمدلله واخبارك انتي؟؟ رضوي:الحمدلله رضوي تبص ناحية فرغلي وبتشاور بصباعها لشمس معاناها مين ده وشمس تبصلها وهي قرفانة رضوي:انا اسفة ماتخدش بالي من حضرتك اكيد حضرتك ابو العريس..... صح؟ فرغلي بعصبية:جري ايه يا استاذ انت جايبني هنا تهزقني ولا ايه؟؟ايه موضوع ابو العريس ده؟؟ مصطفي بارتباك:معلش معلش متقصدش...يا رضوي الاستاذ يبقي العريس رضوي بتضحك وهي ماسكة علي نفسها من الضحك:آآآه طب امشي انا بقي ههههه عن اذنكوا رضوي:انا اسفة اوي مكنتش اقصد يا حضرة فرغلي:حصل خير وتمشي رضوي شـمـــس:احم احم آآآآآآآآآ ممكن يعني تعرفني بيك يااستاذ؟ فرغلي:انا ابلغ من العمر 46 سنة بس ميبنش عليا طبعا ابان اصغر انا عارف شـمـــس بسخرية:طبعا(ياراجل ده انت كل الي يشوفك يقول ابو العريس) فرغلي وهو حاطط رجل علي رجل: انا بشتغل دكتور ف مستشفي (.......) شـمـــس ف سرها:ان شالله تكون وزير الصحة ...ايه هرمي نفسي يعني!! فرغلي:وحضرتك بقي ياانسة بتشتغلي ايه؟ شـمـــس:انا سكرتيرة ف شركة بسيوني خليفة بتاعة الكمبيوتر فرغلي:عظيم ومرتبك بقي علي كده كام؟ شـمـــس وهي بتبصله بشر وهدوء مرعب وغيظ:ليه؟ ----------------------------------- رضوي ف الاوضة مع سلمي سلمي:هو فيه ايه بره؟ رضوي:هههههههههه خالك جايب عريس لاختك ياستي سلمي:وشكله ايه ده؟ رضوي:قمرررررررر من حلوته افتكرته ابو العريس سلمي:هههههههه يا عيني عليكي يا شمس رضوي:وايه الجديد يعني؟هي اول مرة؟هههههههه مش فاكرة العريس الاحول الي جابهولها الاسبوع الي فات سلمي:اه ههههههه ولا فاكرة الي كان جايب امه معاه وطول القاعدة بتبوسه ههههههه رضوي:ههههه والله شمس دي غلبانة سلمي:يلا ربنا معاها....تعرفي انا كل لما افتكر اننا هنخلص تعليمنا ومسيرنا خالنا هيجبلنا عرسان زيها كده بكره نفسي هههههههه رضوي:هههههههه معاكي حق انا مش عارفة خالو بيقع علي العرسان دول منين؟ وفجأة يسمعوا صوت شمس من بره وهي بتزعق شـمـــس من الخارج:انا هوريييييييييك بررررررره ورحمة امي ماانا سيباك فرغلي من الخارج:آآآآآآآآآآآآآآه يا مجنونة الحقووووووووني رضوي:يالهوي...حصل ايه؟ سلمي:باينها بتموت العريس بره يلا نطلع نشوف رضوي:يلا بينا ----------------------------------- شمس ف الشغل بعد ما تحكي ل رنا علي الي حصل رنا:هههههههههههههههههههههههه يخرب عقلك يا شمس شـمـــس:ايوة زي ما بقولك كده مقدرتش اتحمل ولا امسك اعصابي اول ما سمعت كلمة انه عاطل وانا الي هصرف عليه روحت مسكت الفاظة وبطحته علي دماغه رنا:هههههههه وخالك عمل ايه؟ شـمـــس:ولا حاجة بقي بيحوش والبنات مسكوني وكانت زيييطة بس الحمدلله انها جت علي قد كده رنا:الحمدلله شـمـــس:هو خالو ده ميعملش حاجة عدلة ابدا ف دنيته لوجه الله رنا:معلش بكره يجيلك احسن عريس وهتشوفي شمس:ربنا يزرقني ويوفقك ف جوازك رنا:يااارب....يلا بقي نكمل شغلنا قبل ما المعلم بسيوني يجي ويسمعنا كلمتين ملهومش لازمة شـمـــس:ههههه يلا....بالحق؟ رنا:ايه؟ شـمـــس:هو قبض المرتبات امتي؟؟؟ رنا:كمان 3 ايام شـمـــس:طب الحمدلله اخيرا هشتري طقم الفناجين الي عجبني رنا:طقم فناجين ايه يابنتي؟؟ انزلي اشتريلك طقمين تلبسيهم شمس:هو انا هدومي وحشة؟ رنا:لا بالعكس هدومك ذوقها بسيط ورقيق بس اقصد يعني تغيير مش اكتر شـمـــس:مش مهم البيت اولي والبنات مصاريفهم كتير رنا:محسساني اني بكلم واحدة عندها 50 سنة شـمـــس:هعمل ايه بقي حظي كده....يلا نكمل شغلنا بقي ----------------------------------- نادر ف شغله ويجي عمرو يقعد جنبه عمرو:انا كلمت المدام واخدتلك معاد من ابوها نادر:طب تمام....امتي بقي؟ عمرو:انهارده الساعة7 نادر:ماشي تفتكر هيوافقوا بيا؟؟ عمرو:جمد قلبك وان شاء الله هيوافقوا بيك نادر:يااارب ----------------------------------- نادر ف بيته نادر امام المراة يرتدي ملابسه ويضع اللمسات الاخيرة ماجد:ايه بقي سر الشياكة دي؟ نادر:رايح اشوف عروسة ياسيدي ماجد:الف مبروك ربنا يتمملك بخير ومين دي بقي؟ نادر:اخت مرات عمرو زميلي ماجد:آآآآآه طب تمام يلا ربنا يسهلك نادر:ما تيجي معايا ماجد:لا معلش اصلي عندي امتحان بكره روح انت نادر:علي العموم عمرو جي معايا ماجد بابتسامة:طب تمام نادر:يلا هنزل..... سلام ماجد:سلام علي الساعة 7 بليل بالظبط كان نادر متشيك بالي قدر عليه ورايح مع عمرو علشان يخطبوا اخت مراته ويخبطوا علي الباب فتحتلهم مرات عمرو مرات عمرو:اهلا اهلا اتفضلوا اهلا وسهلا نادر:اهلا بيكي يا مدام....هي دي مراتك مش كده؟ عمرو:اه هههه نادر:بس مقولتليش يعني ان مراتك هتبقي موجودة عمرو:اصلها جت يا سيدي علشان تمهد لابوها واختها وكده نادر:آآآآه تمام عمرو:يلا بينا بقي ولا هنفضل واقفين علي الباب نادر:يلا نادر يدخل الفيلا ينبهر من شكلها نادر:بسم الله ماشاء الله باين عليهم ناس اغنياء عمرو:اه امال ايه!! نادر:ربنا يزيدهم عمرو:طب يلا تعالي بقي اقعد ف الصالون نادر وعمرو يتدخلوا الصالون ويقعدوا علي الكنبة مرات عمرو:تحب تشرب ايه؟ نادر:مفيش داعي مرات عمرو:لا ازاي؟ عمرو:انت مكسوف ولا ايه؟قول يااخي تشرب ايه؟ نادر:طب ممكن شاي بس مش اكتر مرات عمرو:حاضر...ثواني وبابا هيجي حالا بعد 3 دقائق وطبعا نادر قلقان يخرج "بسيوني خليفة"ابو العروسة بسيوني:اهلا اهلا مش بردو الباش مهندس نادر نادر يقوم يقف علشان يسلم عليه نادر:ايوة عمرو:هو ده بقي الي كلمتكوا عنه بسيوني:طب اتفضل استريح نادر:شكرا يافندم بسيوني:عمرو قالي انك موظف شاطر وكفء وانسان محترم ومؤدب نادر:شكرا ده بس من ذوقه وذوق حضرتك وتدخل بنت هتكون هي دي العروسة بسيوني:دي بقي نيرة بنتي نادر هيبصلها بتمعن وهيلاحظ علي شكله انها كويسة جداً وهو متقبلها وهي كمان وابتسم ابتسامة خفيفة نادر بابتسامة:اهلا ياانسة نيرة نيرة بخجل: اهلا بيك واتفقوا علي التفاصيل طول القاعدة ونادر شرحلهم ظروفه كويس وهما قبلوا بيها انما طلباتهم كانت غريبة بسيوني:احنا عايزين الخطوبة تبقي ف قاعة كبيرة...انت مش هتناسب اي حد انت هتناسب صاحب اكبر شركة كمبيوتر ف مصر بسيوني خليفة نادر:هههههه بعدها يحس انه عمل حاجة غلط "احم انا اسف معلش" بسيوني:ماشي ها قولت ايه؟ نادر باستسلام:مفيش مانع يافندم بسيوني:علي خيرة الله....نقرا الفاتحة بعد ما قراو الفاتحة بعدها بيومين كانت الخطوبة ف قاعة زي ما اتفقوا واول ما نادر ونيرة وصلوا لباب القاعة نادر:يلا ندخل بقي نيرة:استني!!...ايه هندخل كده؟ نادر:امال هندخل ازاي؟ نيرة:لا انت هتستني بره وانا وبابا هندخل مع بعض وبعدها انت تدخل وهو يسلمني ليك وبعدها تقوم واخدني منه ومسلم عليه وبايس ايده نادر بتعجب وغضب:نعم؟؟؟؟؟؟؟؟؟؟؟؟؟؟؟؟؟؟؟؟؟؟ . . . الحلقة الثالثة نادر:يلا ندخل بقي نيرة:استني ايه هندخل كده؟ نادر:امال هندخل ازاي؟ نيرة:لا انت هتستني بره وانا وبابا هندخل مع بعض انت تدخل وهو يسلمني ليك وبعدها تقوم واخدني منه ومسلم عليه وبايس ايده نادر بتعجب وغضب:نعم؟؟؟؟؟؟؟؟؟؟؟؟؟؟؟؟؟؟؟؟؟؟ نيرة:نعم ايه؟؟ايه عندك اعتراض؟ نادر بعصبية:طبعا... انتي فاكراني ايه؟بصي من الاخر كده انا مقدرش اتنازل عن كرامتي...دلوقتي بتقوليلي بوس ايد بابا واحنا ف الخطوبة امال ف الفرح بقي هتقوليلي بوس رجلين بابا نيرة:انت ؟؟؟وهو انت تطول اصلا؟؟...انت بتتكلم كده ليه؟ نادر:امال عايزاني اكلم جنابك ازاي وانتي بتقوليلي كده؟ بدا صوتهم يعلي والمعازيم اتلمت وماجد ومعتز قاموا وقفوا ومسكوه علشان يهدوه ماجد:اهدي يااخي مش كده؟؟حصل ايه بس؟؟من وانتو داخلين القاعة بداتوا خناق؟؟؟ معتز:صلي علي النبي يانادر حصل ايه بس؟ نادر:الهانم بنت الحسب والنسب بتقولي هتبوس ايد بابا ماجد ومعتز:هههههههه نيرة واقفة حاطة ايديها ف جنبها ومتغاظة جداً وفجأة بسيوني يجي بسيوني:ف ايه؟؟ايه الدوشة دي؟ نادر:اسئل بنتك يا عمي نيرة وهي بتعيط بدلع:يابابا ده عمل كل ده علشان بقوله انه هيبوس ايدك نادر بعصبية:ليه حد قالكوا عليا عبد؟ بسيوني:خلاص اهدي شوية حصل خير...يلا ندخل بقي القاعة نادر بقرف:اووووف يلا الخطوبة تمت علي خير انما نادر مكنش طايق نفسه ومكشر طول الوقت وماجد ومعتز عمالين يضحكوا نادر بعد ما رجع من الخطوبة نادر:ياساتر ايه ده؟؟انا مشوفتش كده ف حياتي ماجد:ههههههههه نادر:انا مش فاهم انت عمال تضحك من الصبح ليه؟ ماجد:صحيح هم يضحك وهم يبكي وانت ماشاء الله كل همومك تفطس من الضحك ههههههههههه نادر:اعمل ايه! قسمتي كده حظي ملطش علي طول كأني من الكفار ماجد:معلش بكره تروق وتحلي وبعدين انت نسيت انت خاطب مين؟؟ نادر بسخرية واستهزاء:اه طبعا نيرة بسيوني خليفة ماجد:ههههه لا انت خاطب بنت صاحب اكبر شركة كمبيوتر ف مصر ومش عارف وافق بيك ليه؟ نادر:تلاقي بنته مش لاقية من طبعها المغرور ماجد:هما عارفين ظروفك؟؟ نادر:اه بس الراجل قالي كلام كده الي هو احنا بنشتري راجل والحاجات دي ماجد:آآآآآآآآآآآآه طب حاسب بقي يا حلو وتبت فيها بايدك وسنانك دي الي هتعملك مستقبل وتنشلك من الفقر نادر بحدة:ما تتادب يا واد...وانا من امتي بتاع الكلام ده؟ ماجد:هتبقي يا خويا هتبقي.....لما تشوف العز والفلوس والنغنغة ومش بعيد كمان يوظفك ف شركته وتاخد مرتب اضعاف الي بتاخده ف الشركة الي انت فيها نادر يفكر شوية:لا انا مش بتاع فلوس وبعد الي حصل انهارده لازم ارجع افكر تاني انا كملت بس الخطوبة علشان شكلنا ادام الناس والفضايح الي هتحصل ماجد:بكره تفتكر كلامي ده وتعرف انك مهما قولت...غصب عنك بردو هتتحمل علشان الفلوس نادر:ممكن سؤال؟ ماجد:نعم؟ نادر:هو مين الكبير انا ولا انت؟ ماجد بسخرية:تصبح علي خير عندي كلية الصبح نادر:وانت من اهله يا فيلسوف زمانك......مش عارف ليه ساعات بخاف منك يا ماجد؟؟...حاسس انك ف اي وقت هيجي من وراك مصيبة ماجد:المصايب الي بتيجي من وراها منفعة متبقاش مصايب يا نادر ----------------------------------- مصطفي قاعد مع فرغلي (العريس الي شمس ضربته) ودماغه مربوطة لانها فتحتهاله بالزهرية!!! فرغلي:آآآآآآآآه شوفت بنت اختك المتوحشة عملت فيا ايه؟ مصطفي:معلش حقك عليا انا... سامحها الله يخليك دي متقصدش فرغلي:متقصدش؟؟؟؟؟؟؟؟؟؟؟دي كسرت الزهرية علي دماغي مصطفي:معلش حقك عليا امسحها فيا انا فرغلي:آآآآآه يا دماغي.....انا لا يمكن اسكت طبعا انا عملتلها محضر ف القسم مصطفي:ايييه؟لالالا حرام عليك دي بت بسكوتة ومتتحملش بهدلة الاقسام فرغلي:ليه هو انا بتجني عليها ؟؟دي لازم تتربي ف القسم علشان تعرف ان الله حق....انا ماشي ويمشي فرغلي مصطفي:يلا ف ستين داهية....يا وقعتك السودا يا شمس هتروحي ف داهية ----------------------------------- ف اليوم التالي شمس ف شغلها شـمـــس:الحمدلله قبض المرتبات انهارده اخيرا بقي هفكها علينا شوية واجيب لوازم البيت رنا:طب فكيها علي نفسك حتي وهتيلك كام طقم حلوين شـمـــس:الشهر الجاي رنا:كل مرة بتقولي كده شـمـــس:معلش بقي لاوازم البيت هعمل ايه؟ رنا:ماشي يلا نروح نقبض بقي ونروح شـمـــس:يلا بينا رنا:بقولك؟؟ شمس:ايه؟ رنا:انتي هتروحي بايه؟ شـمـــس:الاتوبيس هو فيه غيره رنا:ما تيجي اوصلك بعربيتي شـمـــس:لا ياستي شكرا انا بحب اركب الاتوبيس رنا:ماشي يلا شـمـــس:يلا شمس بعد ما تقبض مرتبها هتركب الاتوبيس علشان تروح ونادر بعد ما قبض مرتبه بردو هيركب نفس الاتوبيس!!! واحد هيجي فجأة ونادر وشمس واقفين جنب بعض وينشلهم هما الاثنين!!!! شمس مش هتاخد باله وهتنزل من الاتوبيس ونادر هو الي هياخد باله نادر باعلي صوته:حرااااااااااامي حراااااااااامي ----------------------------------- شمس ف بيتها رضوي وسلمي مستنينها رضوي:هااا قبضتي المرتب؟ شـمـــس ف سعادة:الحمدلله قبضته اووووف سلمي:طب ايدك بقي علي 500 جنيه مصروف ايدي رضوي:وانا كمان عايزة مصروفي شـمـــس:يا جماعة اهدوا الكل هياخد الفلوس وفي الاخر كله مصروف عليكوا رضوي:ماشي ياستي هاتي بقي خلصينا شـمـــس:حاضر حاضر شمس فتحت الشنطة بتدور علي المحفظة ومتلاقيهاش!!! شـمـــس بفرزع:المحفظة!!!! المحفظة فين؟؟يانهار اسووود سلمي:يا مصيبتك السودا ...ضيعتي المرتب شـمـــس:يالهوووووووووووووووووووووووي المرتب طاااار انا اتنشلت ----------------------------------- نادر ف القسم امام الضابط مع بعض الركاب بعد ما مسكوا الحرامي الضابط:طلع الي سرقته ياض الحرامي يطلع الي سرقه الحرامي:انا ماخدتش غير حاجة الاستاذ ده الي نزل فيا ضرب هو وواحدة تانية بس محفظتها وقعت مني وانا بجري نادر نسي ان محفظت شمس معاه وفضل ساكت وهو بيبص لحرامي Flash back> الحرامي لما كان بيجري وقعت منه محفظة شمس ونادر لقاها وحطها ف جيبه Back الضابط بسخرية:اه طبعا ملحقتش تكمل علي بقيت الركاب....عسكري!!! العسكري:تمام يافندم الضابط:خده علي الحجز العسكري ياخد الحرامي علي الحجز الضابط:انا متشكر جداً يااستاذ نادر نادر:علي ايه انا معملتش حاجة الضابط:اتفضل محفظتك...اما بقي بالنسبة لمحفظة البنت الي بيقول عليها فا احنا ملقنهاش معاه ولا لقناها ف حتة نادر:طيب تسمحلي انا استاذن الضابط:اه تمام اتفضل مع السلامة نادر يسلم علي الضابط ويمشي نادر خرج من عند الظابط وروح بيته نادر وهو بيغير هدومه المحفظة وقعت علي الارض ونزل جابها نادر بفزع:يانهاااار ابييييض ده انا نسيت اقوله ان محفظة البنت الي الحرامي قال عليها معايا.....مش مهم انا هروح علي العنوان الي ف البطاقة الي ف المحفظة واوديهالها ----------------------------------- شمس ف بيتها شـمـــس:اه يا حوستي السوداااااا يالهووووي المرتب طار طار طار خلاص هنشحت مش هنلاقي ناكل هنتسول ونمد ايدينا لليسوا والي ميسواش سلمي:ما خلاص بقي ياشمس الي حصل حصل شـمـــس:كان لازم يعني اركب الاتوبيس ....ماله التوك توك وحش؟؟؟ رضوي:خلاص بقي الي راح راح راح ومع السلامة يا فلوس شـمـــس:والمتعوس منعوس آآآآآه يا فلوسي ياني يامه ويارتها جت علي الفلوس وبس ...ده المحفظة كان فيها الاوراق والبطاقة وكل حاجة يخربيت كده سلمي:خلاص بقي روقي متقلقيش كله هيتعدل باذن الله....انا قايمة شـمـــس:رايحة فين يا سلمي وسايبة اختك هتموت من القهرة؟؟ سلمي:رايحة اعمل شوية حاجات وتمشي سلمي شـمـــس:بت واطية من يومك....رضوي حبيبة قلبي هي الي هتقعد معايا تواسيني رضوي قاجاة تتاوب "تصبحي علي خير يا شمس" وتمشي رضوي شـمـــس:اتفو عليكوا ...انا ايه الي مقعدني كده؟ انا هدخل انا كمان دي حاجة تفلق ----------------------------------- سلمي ف اوضتها تتحدث ف الهاتف سلمي:ايوة يا حبيبي انا معاك. ماجد:كل ده بتصل بيكي قافلة الموبايل ليه؟ سلمي:معلش اصل كنت قاعدة مع اخواتي ماجد:تمام...ايه هشوفك ف الكلية بكره؟ سلمي:ان شاء الله ماجد:انا مش عارف لو مكناش ف نفس الجامعة كنا هنتقابل ازاي؟ سلمي:يااااا ساعتها لو ربنا عايز نتقابل هنتقابل مهما يحصل..قولي صحيح فاتحت اخوك ف موضوعنا؟ ماجد:لا لسه اصله خطب ياستي عقبالنا سلمي:بجد؟؟؟؟طب الف مبروك ماجد:الله يبارك فيكي...بس خطب ايه واحدة بقي سليلة الحسب والنسب وقال ايه عايز يسبها علشان قالتله هتبوس ايد ابويا سلمي:هههههههه اخوك عنده حق ده عنده مبدا وكرامة ماجد ف سره:الله ده انتي طلعتي من عينته بقي!! سلمي:طب اقفل دلوقتي علشان عندي مذاكرة ماجد:طيب سلام سلمي:سلام رضوي تدخل فجأة "كنتي بتكلمي مين؟" سلمي:وانتي مالك انتي؟ رضوي:الله مش ده بقي زميلك الي كنتي بتحكي عليه؟ سلمي:ايوة وهيخطبني قريب رضوي:ايه بتحبيه؟ سلمي:بت انتي لسه صغيرة علي الكلام ده وروحي يلا نامي عندك مدرسة رضوي بتهديد:ماشي الصبح بقي اقول لشمس علي الفطار علشان اطمنها عليكي سلمي بخضة:لالالا ونبي اوعي تقوليلها حاجة رضوي:ماشي... وتحكيلي علي المكالمة والي بينكوا؟ سلمي:ماشي يا مفعوصة ....بتمسكيني من ايدي الي بتوجعني؟ فجأة الباب يخبط وشمس قاعدة ف الصالة "وده مين ده الي جي دلوقتي؟؟" شمس تروح تفتح الباب تلاقي عسكري ف وشها "انتي شمس عبد الحافظ؟؟" شـمـــس:ايوة انا العسكري:مطلوب ضبط واحضارك شـمـــس بفزع:ايه؟؟؟؟ ............................................................ حب غير مسموح . دارين الاطروش . الحلقة الرابعة . . شمس تروح تفتح الباب تلاقي عسكري ف وشها "انتي شـمـــس عبد الحافظ" شـمـــس:ايوة انا العسكري:مطلوب ضبط واحضارك شـمـــس بفزع:ايه؟؟؟؟ العسكري ياخدها من ايديها وتبتدي تزعق شـمـــس:يابناااااااااااااااااااااات كلموا خالي سلمي ورضوي يخرجوا بسرعة "حصل ايه؟" شـمـــس بعياط كوميدي:مطلوب ضبط واحضاري لولولولولولولولولولولولي وياخدها العكسري ويمشي سلمي بخضة وفزع:يالهوي روحي بسرعة كلمي خالك رضوي بلهفة:حاضر ----------------------------------- نادر ف بيته فتح المحفظة بتاعة شمس علشان يطلع البطاقة ويعرف هوية صاحبتها كان فيه صورة ل شمس ف المحفظة نادر يشوفها ويفضل مبلم ومتنح دقيقة علي صورتها من جمالها وبعد كده يفوق ويشوف الاسم ف البطاقة "شـمـــس عبد الحافظ رجب" نادر:يااااا مكنتش متصور انها هتبقي جميلة اوي كده ....الله...انتي بقي اسمك شمس؟؟ المحفظة دي لازم اروح ف اقرب وقت وارجعهالها ----------------------------------- شمس ف القسم والعسكري ماسكها قدام الظابط شـمـــس:يووووو اوعي بقي سيب ايدي الضابط:ما تتعدلي ف الكلام شـمـــس:يافندم انا مش فاهمة انتو عاملنلي انا ليه ضبط واحضار؟ انا الي اتسرقت الضابط:نعم؟؟؟اتسرقتي ازاي؟ شـمـــس:ايوة يافندم اتسرقت ....عايزني اجي قولولي تعالي انما تبعتولي عسكري ياخدني من البيت والفضايح دي ليه كده؟...اشحال لو مكنتش صاحبة حق الضابط بعصبية:نعععععم؟؟؟صاحبة حق ازاي يعني؟ شـمـــس:يافندم الموضوع مش محتاج ان حضرتك تتعصب كده الموضوع بسيط ...كل الحكاية انكوا هتدوني المحفظة وخلصت الضابط بيسمع الكلام ده وهو مزبهل عايز يقول الهبلة دي بتقول ايه؟ شـمـــس بتكمل كلامها:يعني بدل ما كنتوا تجيبوني وتمشوروني المشورة دي كنتو تبعتولي المحفظة مع العسكري الي جه الضابط بعصبية:بتقول اييييه دي؟ شـمـــس:بقول ايه يافندم؟؟؟بقول الصح ولا احنا الي هنعلموكوا شغلكوا كمان الضابط:لالالا انتي اكيد مجنونة .......عسكريييييييييييييييييي خدها علي الحجز شـمـــس بخوف وخضة:حجز؟؟؟حجز ليه ياباشا هو انا عملت ايه؟؟؟ الضابط بضيق:هتعرفي جنابك دلوقتي شـمـــس:طب بلاش الفلوس كلها ادوني 4 جنيه ونص اروح بيهم الشغل بكره الضابط بغيظ وغضب:انت واقف مستني ايه؟؟شيل البلوة دي من قدامي وبعد ما العسكري ياخد شمس الضابط:ياساااااتر انا مشوفتش كده ف حياتي دي اكيد مجنونة ----------------------------------- نادر بعد ما شاف صورة شمس سهران بيفكر فيها وعمال يبص ف الصورة بتاعتها ويدخل عليه ماجد ماجد:ايه ياعم سرحان ف ايه؟ نادر:مفيش سرحان ف الدنيا ماجد:ايه ده مين دي؟ نادر بابتسامة:دي؟؟دي شمس ماجد:شمس؟؟؟ لالا دي قمر الصراحة نادر:اتلم هااا ماجد:اتلميت اهو خلاص اسف....بس فهمني البنت دي بطاقتها معاك ازاي؟؟فهمني ايه الموضوع؟ نادر:سيبك سيبك ....ايه عايز حاجة؟ ماجد:متحورش يا نادر احكيلي بقي حكاية البنت دي الاول وازاي البطاقة بتاعتها معاك؟ نادر:شوف يا سيدي وانا راجع انهارده من الشغل بالاتوبيس جه واحد ابن حلال مصفي نشلني انا وبنت تانية وهو بيجري بقي محفظتها وقعت منه وانا لقيتها ونسيت اقول للظابط عليها وطلعت عنوانها من البطاقة ماجد:آآآآآآآآه وانت بقي هترجعلها ؟ نادر:اه بكره باذن الله ماجد بتريقة:ماشي ربنا يقدرك علي فعل الخير نادر:ماشي يا عم الفيلسوف ماجد:ايه موضوع الفيلسوف ده؟ نادر:مش كلية اداب؟؟؟تبقي اكيد هتبقي فيلسوف وامشي بقي علشان عايز انام ماجد:تصبح علي خير نادر:وانت من اهله نادر يمشي للنوم وهو يفكر ف شمس ----------------------------------- ف بيت "بسيوني خليفة" بسيوني قاعد علي المكتب ونيرة دخلت عليه نيرة بخجل:بابا كنت عايزة اقولك حاجة بسيوني:ايه؟خير يا حبيبتي؟؟ نيرة:ايه رايك لو تشغل نادر عندك ف الشركة؟ بسيوني:والله فكرة حلوة اهو يبقي تحت عنينا وليكي عليا هديله مرتب حلو اضعاف الي بياخده ف الشركات التانية ومن بكره كمان لو عايز نيرة بابتسامة:تمام انا هروح اكلمه بقي علشان اقوله بسيوني:خليها بكره احسن تلاقيه نايم نيرة:ماتتصورش حبيته قد ايه يابابا!! بالرغم من ظروفه المهببة والي عمله يوم الخطوبة بسيوني:ما خلاص بقي تلاقيه مكنش يقصد نيرة:ماشي يابابا تصبح علي خير بسيوني:وانتي من اهله ----------------------------------- ف اليوم التالي بعد ما شمس باتت ف التخشيبة خال شمس يجيلها ف القسم وتقعد معاه شـمـــس:شوفت ياخالي الي جرالي ؟؟انا اول مرة اعرف ان الي بيتسرق ف البلد دي بيروح الحجز مصطفي:انتي بتقولي ايه؟ شـمـــس:مهو انت مش فاهم...وانا راجعة من الشغل اتنشلت ومرتبي اتسرق مصطفي:يابنتي انتي هنا دلوقتي بسبب موضوع فرغلي شـمـــس:فرغلي؟؟؟فرغلي مين؟؟بتاع المانجا؟ مصطفي بزعيق:مانجا ايه يابنتي؟ شـمـــس:ايوة مش انت تقصد عصير فرغلي؟ مصطفي:لا يا فالحة انا اقصد فرغلي العريس الي جبتهولك وبطحتيه بالزهرية علي دماغه شـمــس:آآآآآآآآه ايوة ايوة افتكرته....بسلامته بقي عاملي محضر ف القسم ؟؟علشان كده انا هنا؟ مصطفي:بالظبط كده شـمــس:ماشي انا هوريه ده انتو لو كنتو سبتوني عليه كنت كسرت رقبته كمان...اما قلبت الترابيزة عليه مبقاش انا شمس عبد الحافظ مصطفي:يعني هتعملي ايه يعني؟ شـمــس:هتشوف ياخالو شمس امام الضابط وفرغلي جنبها فرغلي:سيحت دمي ياباشا بالزهرية بتاعتهم الي ف البيت ولحقوني من ايديها بالعافية شـمــس:ده كداب يا حضرة الظابط متصدقوش الظابط:معاكي ما يثبت انه كداب؟؟ شـمــس:هو معاه ما يثبت انه صادق؟ الظابط هينبهر من كلامها "ماشي بس انتي عليكي شهود بالواقعة" شـمـــس بفزع:مييين؟ فرغلي:خالها ياباشا الظابط:اسكت انت...دخلوا خالها!! مصطفي يدخل "صباحك عسل ياباشا" الظابط:قولي بقي ايه الي حصل ياااااااا؟ مصطفي:مصطفي سعادتك الظابط:تمام...احكي بقي الي حصل مصطفي حكي كل حاجة وقال الحقيقة كااااملة الظابط:اظن كده بقي ملكيش حجة خالك بنفسه شهد عليكي شـمـس بارتباك:ممكن طيب اقعد مع الاستاااااذ فرغلي لوحدنا؟؟ الظابط:ماشي....موافق يااستاذ؟؟ فرغلي:موافق ياباشا اما نشوف اخرتها معاها يخرج الضابط شـمـس هي وفرغلي بس الي ف الاوضة شـمـس بتنهيد وغيظ:طلباتك؟ فرغلي بعضب:انك تروحي السجن علي الي عملتيه فيا...فتحتي دماغي منك لله يا شيخة شـمـس:ماشي عايز ايه وتخرجني من ام الموضوع ده؟؟ فرغلي بفخر وابتسامة:نتجوز يا قمر شـمـس بفزع وزعيق:ايييييييه؟نجوم السما اقربلك فرغلي بتهديد:خلااااص يبقي خليكي بقي هنا لحد ما تاخدي حكم شـمـس باستعطاف:يااستاذ فرغلي افندي باشا بيه يا معالي الوزير انا كده هتدخل السجن حرام عليك فرغلي:تستهلي فجأة الظابط يدخل "ها اتفقتوا ولا لسه؟" شـمــس:هاااا فرغلي بهمس:هااا نقول مبروك ولا اخليهم يشلوكي هيلا بيلا علي التخشيبة؟؟ شـمـس:اهيءاهيءاهيء موافقة فرغلي:انا متنازل ياباشا الظابط:ماشي فرغلي اتنازل عن المحضر وشمس خرجت من القسم مصطفي:ايه الي خلاكي توافقي؟؟؟؟ شـمـس:كنت عايزني اعمل ايه يعني اروح السجن؟ مصطفي بسخرية:لا تتجوزيه شـمـس:انت السبب ...دي مجايبك مصطفي:انا قولتلك شوفيه مش افتحي دماغه شـمـس:كمان شهدت معاه ضدي وقولت معلش حق ربنا انما منبهتنيش ليه انه عمل محضر؟ مصطفي:ملحقتش شـمـس:خلاص حصل خير واديني ادبست....يا خسارة شبابك يا شمس يا خسارتك ف البهدلة يا شموسة منك لله يافرغلي يا ابن ام فرغلي مصطفي:انتي ايه هتقدي تولولي وتصوتي ف الشارع كده كتير؟ شـمـس:امال عايزني اعمل ايه ازغرط علي البلوة الي انا فيها؟ مصطفي:خلاص الي حصل حصل اكيد ف حل يخليكي تخلعي منه شـمـس:لا مهو انت متعرفش ....انا لو خلعت منه هيفتح المحضر تاني وهتسجن مصطفي:طب خلاص اهدي بس واكيد ف حل شـمـس:يارب ----------------------------------- نيرة بتتصل ب نادر نادر:يوووو ودي عايزة ايه دي كمان؟ ويجيب علي الهاتف نادر:الو نيرة:ازيك يا ندورة نادر بقرف:الحمدلله نيرة:عندي ليك خبر وااااو نادر بضيق:خير؟ نيرة:بابا هيعينك ف شركته وهيديلك اضعاف المرتب الي بتاخده نادر:بس.............؟؟؟؟ نيرة مقاطعة:بس ايه وبتاع ايه؟؟بقولك اضعاف مرتبك بكتير نادر:طب سبيني افكر نيرة:ماشي ولونها مش محتاجة تفكير.....بقولك ايه انت وحشتني اوي عايزة اشوفك؟ نادر:بعدين يا نيرة انا دلوقتي عندي مشوار مهم...خليها يوم تاني نيرة:وعي تكون زعلت من الي حصل ف الخطوبة نادر بسخرية:لالا ودي حاجة تزعل بردو انا راجل لارج اوي والحاجات دي متهمنيش نيرة:طب كويس انك مزعلتش انا بردو كنت متاكدة من كده نادر بسخرية:اه اه طبعا...طيب ممكن سلام بقي علشان ورايا مشوار نيرة:طيب سلام اموووواه نادر قفل معاها وطبعا قرفان وحاسس انه غلط لما خطبها بس هيعمل ايه ؟؟حاسس انها عروسة كاملة من مجاميعوا مال وجمال بغض النظر عن تصرفاتها الغريبة الي بتغيظه نادر:يلا اما اروح بقي عنوان البنت دي علشان ارجعلها محفظتها ----------------------------------- شمس وصلت البيت رضوي:حمدلله علي السلامة يا شمس شـمـس:الله يسلمك....انتو مين الي قالكوا؟ سلمي:ودي عايزة نباهة! خالو طبعا ...كفارة يا شمس ههههه شـمـس:اتلمي يابت ....يلا كل واحدة علي مذاكرتها عبال ما احضر العشا فجأة تلاقي الباب بيخبط تروح تفتح تلاقيه نادر!! نادر:احم احم مساء الخير شمس مبلمة وعمالة تبصله بصة غريبة كانها حاسة باحساس غريب نادر بيبصله نفس البصة لانه لقاها احلي من الصورة بكتير شـمـس تفوق فجأة:مين حضرتك؟ نادر:انا...انا جي علشان ارجعلك المحفظة بتاعتك مش حضرتك بردو انسة شمس عبد الحافظ؟؟؟ شمس فجأة بكل غضب وهي بتبرق وراحت شدته من ايده "اهلااااااااا لاهي المحفظة كانت معاك!!!....طب خوووووش" . . الحلقة الخامسة شمس قاعدة بتعمل كمدات ثلج لنادر علي عنيه بعد ما ادتله بالبونيه عمالين يبصوا لبعض وهي بتعمله الكمدات بهدوء سلمي ورضوي ماسكين علي نفسهم من الضحك بالعافية نادر:آآآآآآآآآآآآآآآآه يا عيني بالراحة.... خفي ايدك شوية شـمـس:حاضر حاضر....حقك عليا استاذ والله افتكرتك انت الي سرقتها معلش معلش كدمة بسيطة وهتخف نادر وهو يتالم:يعني بالذكاء كده لو انا الي سرقتها هجيلك بيتك علشان ارجعهالك صدق الي قال العقل زينة...ده انتي نزلتي فيا ضرب موتييييني شـمــس:خلاص معلش حصل خير....تحب تشرب حاجة؟ نادر وهو حاطط ايده علي عينه:لا شكرا كفاية الي شربته شـمـس بابتسامة:خلاص بقي انا اسفة معلش اصلي اتبهدلت الكام يوم الي فاتوا واعصابي مشدودة شوية نادر مهونا:معلش ربنا يقويكي...ادي المحفظة اهي شمس هتاخدها من ايده نادر:دوري فيها يمكن تكون ناقصة حاجة شـمـس باحراج وابتسامة:لا طبعا يااستاذ مهو لو كنت عايز تسرقها مكنتش رجعتهالي نادر:طب كويس بقي انك فهمتي شـمـس:بس حضرتك عرفت عنواني منين وعرفت منين ان انها بتاعتي؟؟ نادر:من البطاقة الي كانت جوه المحفظة شـمـس بابتسامة:متشكرة اوووي يا.... نادر:نادر شـمـس بابتسامة:انا متشكرة يا استاذ نادر نادر بابتسامة:خلاص حصل خير ياانسة شمس...استاذن انا بقي شـمـس:لا انت لازم تتغدي معانا نادر:معلش مرة تانية....اصلي ورايا شغل شـمــس:طيب ....صحيح هو انت بتشتغل ايه؟ نادر:انا مهندس كمبيوتر ف شركة زايد وحضرتك؟ شـمــس:انا سكرتيرة ف شركة ........... فجأة تليفونها يرن المتصل فرغلي شـمـس:يووووو القرف ده ارحمني يارب نادر:مالك ياانسة هو فيه حاجة؟ شـمـس:لا متخدتش ف بالك قدر الله وماشاء فعل واسفة مرة تانية علشان عينك نادر بابتسامة:ولا يهمك ههههههه ولاونك كنتي هتضيعيها ههههه شـمـس:ههههه معلش حقك عليا نادر:طيب مع السلامة ويمد ايده وهي تسلم عليه ويبصوا لبعض بصة مع ابتسامة عجيبة شـمـس:آآآآآآ الله يسلمك ويمشي نادر نادر وهو نازل علي السلم عمال يفكر فيها وهي لما قفلت الباب عمالة تفكر فيه وفجأة فرغلي يتصل تاني و ترد شمس علي الموبايل شـمـس:عايز ايه يازفت؟ فرغلي:زفت ؟؟الله يسامحك شـمـس:انت بتتصل ليه دلوقتي؟ فرغلي:هو مش من حقي اتصل بخطيبتي؟ شـمـس:خطيبتك ف عينك ده ف المشمش حد قالك اني بايعة نفسي!! فرغلي:مهو يااما كده يااما السجن شـمـس:بابسامة صفرا وغيظ مكتوم:هههههه انا كنت بهزر معاك انت صدقت؟؟ وانت عامل ايه؟ فرغلي:ايوة كده اتعدلي شـمـس:طب ممكن تقولي عايز ايه دلوقتي علشان ورايا حاجات عايزة اعملها فرغلي:عايز اشوفك بكره شـمـس:اسفة عندي شغل فرغلي:خلاص يبقي وانا معدي من جنب قسم (........)ابقي اروح و......... شـمـس مقاطعة:خلاص حاضر اووووف الغلب ده ياربي بقي فرغلي:هشوفك بكره ف (.......)بعد الشغل شـمـس باستسلام:ماشي ماشي سلام فرغلي:سلام وتغلق شمس الخط "وبعدين بقي انا هخلص من المصيبة دي ازاي؟؟ ده لازق بغرا انت السبب ياخالو حسبي الله ونعمة الوكيل فيك" ----------------------------------- نادر رجع بيته ماجد:ايه ده؟؟؟ايه الي عمل ف وشك كده؟ نادر:شمس ماجد:يااااا هي الشمس عملت ف وشك كده ؟؟بس الشمس راحت خلاص احنا الساعة 8 نادر:لا يافالح مش الشمس....دي شمس ماجد:ومين بقي شمس دي؟ نادر:هو معتز فين؟ ماجد:جوه بيذاكر نادر:طيب تمام ماجد:صحيح مقولتليش مين بقي شمس دي؟ نادر:يااااااااااا دي حكايتها حكاية....تعالي وانا هحكيلك ماجد:يلا بينا ----------------------------------- شمس ف البيت تدخل علي اوضة رضوي وسلمي شـمـس:الله الله سايبين مذاكرتوكوا وقاعدين بتعموا ايه؟ رضوي:احنا...احنا سلمي:احنا كنا قاعدين بنتكلم شـمـس:اممممم بقي كده؟؟طب يلا كل واحدة علي مذاكرتها سلمي:حاضر يااختنا العزيزة شمس بعد ما تسيب اوضتهم هتدخل اوضتها وهتفتكر نادر وهتقعد تضحك ----------------------------------- نادر ف اوضة ماجد نادر:انا روحتلها اااه علشان اديلها المحفظة افتكرتني انا الي سرقتها وعينك ما تشوف الا النور دخلتني ف شقتها وادتني بونيه علي اخوانة خلت عيني زي ماانت شايف كده....بس هو ده الي حصل ماجد:ياااا دي خطر اوي دي متوحشة بقي نادر:لا....اوعي تقول عليها كده دي رقيقة اوي بس يمكن عندها ضغوط بتخليها كده ماجد:آآآآآآآآه طب سبنا بقي من الكلام علي ست شمس دي قولي بقي اخبار نيرة ايه؟ نادر:الحمدلله.....اسكت صحيح مقولتلكش ماجد:ايه؟ نادر:عرضت عليا اسيب الشركة الي بشتغل فيها واروح اشتغل ف شركة ابوها ماجد:يااااااا ده حلو جداً وانت قولتلها ايه؟ نادر:قولتلها هفكر ماجد:ودي محتاجة تفكير وافق طبعا انت خطيب بنته معني كده انك هتتنغنغ ف الفلوس ف الشركة دي نادر:انا عمري ما كنت مادي زيك ماجد:انا مش مادي انا واقعي نادر:لا ياشيخ؟؟ ماجد:اه ....المهم اتصل بيها حالا وقولها انك موافق نادر:حاضر نادر يتصل ب نيرة وتجيب نيرة علي الهاتف نيرة بفرحة:ايوة يا حبيبي نادر باسلوب عادي:ايوة يا نيرة نيرة:خير ف حاجة؟؟وحشتك صح؟ نادر بارتباك:اه اه طبعا بصي اسمعيني ...انا..انا موافق نيرة:بجد طيب تمام اوي انا هبلغ بابا حالا نادر:لا بس مش دلوقتي انا لازم استني اسبوع علشان اخلص الاجراءات وكمان يجيبوا حد بدالي علشان اعرف اقدم استقالتي نيرة:ماشي تمام نادر:سلام نيرة:سلام يغلق نادر الخط ماجد:ايه مالك؟ نادر:بصراحة البنت دي انا مش حاسس تجاهها باي مشاعر حاسس كده انه ارتباط والسلام ماجد:معلش بكره هتحبها لما تعرفها كويس نادر:يمكن اه ويمكن لا ----------------------------------- الصبح بدري شمس ف شغلها وجنبها رنا شمس كانت متضايقة ومكشرة رنا:ايه مالك مكشرة ليه؟ شـمــس:من البلاوي الي انا فيها رنا:ليه حصل ايه احكيلي؟ شمس تحكي ل رنا علي الي حصل رنا:ههههههههههه شـمـس:اهو ده الي باخده منك تريقة وبس رنا:اموت واعرف حظك ملطش كده ليه؟ شـمـس:اذا كنت انا معرفش انتي هتعرفي...ما علينا رنا:وسي فرغلي ده جيلك الشغل امتي؟ شـمـس:قالي هيعدي عليا بعد الشغل...الهي يخبطه اتوبيس البعيد رنا:اتوبيس تاني؟؟ ههههههههه شـمـس:ههههه ما علينا قوليلي اخبارك انتي وياسر ايه؟ رنا:الحمدلله اهو بنحط القرش علي القرش علشان نكمل تجهيزات الشقة شـمـس:يلا ربنا معاكوا رنا:يارب....صحيح بقي هو ايه موضوع حرامي المحفظة ده؟ شـمـس:هاااا لا مفيش ده واحد جابلي المحفظة زي ما قولتلك ولا طلع سارقها ولا حاجة رنا:آآآآه وده شكله ايه بقي؟ شـمـس بابتسامة وانبهار:شكله حلو بصراحة رنا:آآآآآآآآه قولتيلي بقي....وانتي بقي ايييه؟ شـمـس:ايييه؟؟لالالا مخك ميرحش لبعيد رنا بشك:امممممم ماشي هصدقك يا شمس شـمـس بتهرب:يلا بقي نكمل شغلنا رنا وهي بتبصلها باستظراف:يلا ----------------------------------- سلمي ف الجامعة مع ماجد سلمي:ياماجد انا مش فاهمة انت امتي هتفاتح اخوك ف موضوعنا؟ ماجد:ما انتي عارفة انه علي طول مشغول بسبب الشركة والمصنع والاعمال الي بيديرها وكمان هو السمؤل عن ثروة بابا الله يرحمه سلمي:قول الحقيقة...قول انك خايف ميوفقش ماجد:لا طبعا يا حبيبتي ميوفقش ازاي ؟؟هو انتي فيه زيك؟ سلمي بحزن:ماشي يا ماجد ماجد:اضحكي بقي متزعليش...عندي ليكي مفجأة سلمي:ايه؟ ماجد:هنروح انا وانتي نقعد ف شقة واحد صاحبي سلمي بعصبية:قولتلك 100مرة انا مش بتاعة شقق ولا كلام من ده ماجد:انتي فهمتي ايه؟؟؟انا بحبك يا سلمي ولايمكن افكر ف كده انا كل الي كت اقصده اننا نقعد براحتنا سلمي:لا معلش ممكن نروح اي حتة تانية ونقعد فيها....انا اتاخرت علي محاضرتي...باي ماجد:باي "ياااااا انتي صعبة اووي ....بس هجيبك" ----------------------------------- نادر ف الشركة مع عمرو عمرو:ياااا تصدق هتوحشتني لما تمشي نادر:وانت كمان والله عمرو:خلي بالك علي نفسك واوعي تنسي اخوك نادر:عييييييب ده احنا عشرة عمر عمرو:ماشي يلا بقي علشان متتاخرش علي شغلك الجديد نادر باندهاش:بس صحيح انت مقولتليش ادام الراجل ده غني اوي كده وعنده اكبر شركة كومبيوتر ليه ماخدكش تشتغل معاه؟ عمرو:هههههههه وهو انت فاكر ان الراجل ده بيشغل اي حد كده حتي لو جوز بنته....كل الموضوع انه سال عنك من غير ما تعرف وعرف انك كفء وشاطر وانا طبعا موظف مش شاطرف شغلي زيك نادر:غريبة.....هو سال عني؟؟؟؟ عمرو:اه وعرف انك فرصة بالنسبة لشركته نادر:اشوف وشك علي خير..مع السلامة عمرو:مع السلامة ويمشي نادر عمرو:بيضالك ف القفص ياابن المحظوظة ----------------------------------- نادر يوصل لشركة بسيوني نادر ف اوضة مكتبه بسيوني:ياااااااا سلامتك ايه مال عينك.؟ نادر بارتباك:هااا لا مفيش زي ما تقول كده اتخبط بسيوني:طب تعالي بقي معايا هياخده من ايده ويوصل لاوضة السكرتارية شمس كانت بتشرب شاي ومرة واحدة المدير دخل ب نادر بسيوني:رحبوا معايا بزميلكوا الجديد الباشمهندس نادر شمس اول ما هتشوفه هتبلم وهو بيبص وبيبتسم عينه هتقع عليها هيفضلوا مبلمين وبيبصوا لبعض بسيوني بيكمل كلامه "هو ف الحقيقة مش سكرتير وبس هو كمان خطيب بنتي وقريبا ان شاء الله هيتم الزواج" الكل قام وبدا يرحب بنادر الا شمس اول ما سمعت كده بدا يظهر علي وشها ملامح الحزن نادر بيسلم علي الناس وهو مش معاهم اصلا وعمال بيبصلها وكانه زعل انها عرفت انه خاطب بنت المدير *********************************** الحلقة السادسة الكل قام وبدا يرحب ب نادر الا شمس اول ما سمعت كده بدا يظهر علي وشها ملامح الحزن نادر بيسلم علي الناس وهو مش معاهم اصلا وعمال بيبصلها وكانه زعل لما عرفت انه خاطب بنت المدير شمس حست باحساس غريب لما عرفت انه خطيب بنت المدير ونادر حس باحساس غريب لما هي عرفت رنا:هههههه وده مين الي اتهف ف عقله وخطب بنت بسيوني خليفة شمس......شمس....شمـــــــــــــــس شـمــس:ايه خضتيني؟ رنا:بكلمك من الصبح وانتي مبترديش شـمـس:مسمعتكيش ياستي رنا:انا مش فاهمة انتي عمالة تبصي عليه كده ليه ؟؟هو انتي تعرفي المهندس ده قبل كده شـمـس:هاااا لاطبعا ولا عمري شفته قبل كده فجأة نادر يجي عندها "انسة شمس" رنا بهمس:هو ده الي متعرفيهوش!!! شمس بصتله ومنتبهتش ل رنا "ايوة افندم" نادر:انا ....يعني ...صدفة غريبة بصراحة مكنتش اعرف ان انا وانتي ممكن نبقي مع بعض ف نفس الشركة شـمـس بجفاء:اديك عرفت ممكن تسبني اكمل شغلي بقي نادر يحس انها احرجته "احم احم تمام اتفضلي انا قولت بس اسلم عليكي" ويحط ايده علي عينه علشان يفكرها بالي عملته وهو مبتسم وهي هتبصله باحراج ويمشي ويسيبها شـمــس:اووووووف انا مش عارفة ايه ده بس ياربي؟ رنا:مهو طلع يعرفك اهو امال بتقولي متعرفيهوش ليه؟ شـمــس:مهو هو ده رنا:هو ده ايه؟ شـمـس:هو ده الي انا............. رنا:هييييييييييه هو ده هههههههههه شـمـس:وطي صوتك هو انتي كل حاجة هاهاهاهاهاها ياساتر رنا:اعمل ايه مهو انتي مسخرة يا شمس .......انتي ايه دايما طايحة ف الناس كده ولا همك؟؟ شـمــس:طب اتكتمي بقي نادر هيكون قاعد ف مكتب قريب منهم ومشلش عينه من عليها وهي هتعمل نفسها مش واخدة بالها رنا:ايه النظام هااا؟ شـمـس:نظام ايه؟ رنا:نظامك انتي والباشمهندس الجديد؟ شـمـس:اتلمي ده يبقي خطيب بنت المدير وصاحب الشركة رنا:آآآآآآآآآه اوووك مرة واحدة ونادر قاعد واحد يجيله عند المكتب ويهبد قدامه ملفات كتير نادر:بسم الله الرحمن الرحيم ايه ده؟ الشخص:معلش انا اسف خضيتك اصل ده شغل علينا ومتاخر وبما انك جيت بقي شيل عننا شوية نادر:وهو انت اسمك ايه؟ الشخص:اسمي اكرم زميلك هنا ف السكرتارية نادر:اهلا بيك وانا اكرم مقاطع:ايوة ايوة اسمك نادر وخطيب بنت المدير...هنيالك ياعم نادر:مش اوي يعني اكرم:معقولة؟؟؟ نادر:اه ياسيدي اقعد وانا هحكيلك الي حصل يوم الخطوبة ----------------------------------- سلمي وماجد ف الجامعة ماجد:تعرفي انك وحشتيني اوي سلمي:ياسلام لو كنت وحشتك بجد كنت اتصلت بيا بقالك فترة مبتكلمنيش ممكن اعرف ليه؟ ماجد:معلش شوية ظروف سلمي:ظروف؟؟؟ظروف ايه؟ ماجد:يعني ظروف عائلية وكده سلمي:آآآآآآآه قولتلي بقي ماجد:معلش يا سلمي عندي محاضرة... هشوفك بعدها؟ سلمي:اكيد...يلا باي ماجد:باي ----------------------------------- نادر ف الشركة مع اكرم نادر:جينا ندخل القاعة لقيتها بتقولي هنقف بره وانت تدخل وبابا يسلمني ليك تسلم عليه وانت تسلم عليه وتبوس ايده اكرم: ههههههههههههههههه.....اه وبعدين نادر:ولا حاجة اخواتي هدوني وعدينا اليوم بس حاسس ان ماجد بني ادم وصولي اوي وعايزني ابقي وصولي واقبل بالكلام ده اكرم:تصدق بقي اخوك ماجد ده طلع ناصح عنك نادر:نعم؟؟؟ اكرم:ايوة طبعا حد يطول...ما تبوس ياعم نادر بعصبية:ليه حد قالكوا عليا اني عبد اكرم:طب بس متتحمقش كده ...ده انت خاطب بنت بسيوني خليفة نادر:وايه يعني؟ اكرم:ايه يعني؟؟؟علي ظروفك المهببة دي واحدة عادية متوفقش بيك انما دي ابوها مليونير ووافق بيك علشان مهندس كمبيوتر وهيبقي ليك مستقبل نادر:آآآآه قولتلي بقي طيب امشي بقي من وشي علشان ورايا شغل مش من اولها كده هنقصر وهنقعد نرغي اكرم:ماشي ياعم ويمشي اكرم الي مكتبه كل ده شمس بتبص لنادر مشلتش عنيها من عليه بغيظ غير مفهوم ونادر ياخد باله ويبصلها ويبتسم فا هتحود نظرها الناحية التانية رنا:ايه مالك؟من ساعة ما جه وانتي عمالة تبصيله شـمـس:مفيش بملي نظري بس من الي جري ورا الفلوس وخطب بنت مدير الشركة رنا:وانتي ايش عرفك ما يمكن بيحبها؟؟ شـمـس بعصبية وصدمة:لا بيحبها ايييه!!!لا طبعا رنا:ومالك اتحمقتي كده ليه؟ شـمـس:علشان ...علشان...انا بتكلم معاكي ليه اصلا!! انا اشوف شغلي احسن رنا بتنهيد:طيب براحتك انتي حره رنا ف سرها:هي مالها متغاظة كده ليه؟ مرة واحدة وهما قاعدين نيرة تدخل باعلي صوت "حبيبي الف مبروك علي الشغل الجديد" نادر بارتباك وهو بيبص لشمس:هاااا انتي ايه الي جابك؟ نيرة:ايه مكنتش عايزني اجي اباركلك ولا ايه؟ نادر:لا بس من فضلك ده مكان شغل نيرة هتحضنه شمس هتقوم تقف مرة واحدة "ايه ياانسة ده؟؟احنا بنشتغل من فضلك ميصحش كده" نيرة بغيظ:وانتي مالك انتي الشركة دي شركة بابا وانتي حتة سكرتيرة من ضمن السكرتارية فيها نادر هيتغاظ اوي من طريقة كلامها مع شمس خاصة انها مش غلطانة نادر:من فضلك يا نيرة مفيش داعي للكلام ده شـمـس ف سرها:يا حنين شـمـس:بقلكوا ايه؟؟ده مكان شغل عايزين بقي تعملوا راندفو و مواعدات غرامية تبقي بره رنا تقوم تقف "خلاص يا شمس مش كده دي بنت المدير" شـمـس:ان شالله تكون بنت رئيس الوزراء.. ساعة الجد الشغل ميزعلش حد نيرة:سامع يا ندورتي بتقول ايه؟ نادر:خلاص يا نيرة تعالي نطلع بره شمس هتفرقع من الغيظ نيرة:ماشي هنطلع بره بس لازم اقول لبابا علي السكرتيرة دي علشان يخصملها نادر:خلاص يا شمس نيرة:ايييييييه مين شمس دي؟ نادر:اقصد خلاص يا نيرة الي حصل حصل وهي عندها حق نيرة بتوعد:ماااشي نيرة هتحضنه "انت وحشتني اوي" نادر وهو بيبعدها "نيرة معلش الكلام ده مينفعش احنا لسه مخطوبين معلش" نيرة بغيظ:ماشي انا همشي مع السلامة نادر:مع السلامة نادر هيرجع تاني لاوضة السكرتارية وهيروح لمكتب شمس نادر:انا اسف اوي ياانسة شمس علي الي حصل شـمـس بسخرية:مجراش حاجة ياباشمهندس اهم حاجة بس تكون صالحتها لتكون زعلت ولا حاجة الجميع:هههههههههههههه نادر بيبص عليهم وهما بيضحكوا:تقصدي ايه؟ شـمـس بسخرية:اقصد ان بنت المدير مينفعش خطيبها الي بيشتغل سكرتير هنا يزعلها ولا رايك ايه؟ نادر:ملوش لازمة كلامك وتلميحاتك دي قولي تقصدي ايه علي طول؟ شـمـس بسخرية:مش بردو حضرتك اتخطبتلها علشان بنت المدير وبسم لله ماشاء الله جت هنا نزلت احضان ف حضرتك نادر بتحذير:لاحظي ان كلامك ف نوع من الاهانة شـمـس بتحدي:لاحظت يا استاذ نادر بغيظ:ماااشي...اولا انا مكنتش اعرف ان ابوها مدير شركة بسيوني خليفة للكمبيوتر ثانيا مكنتش اعرف انها جاية انهارده ثالثا سيادتك بقي مضايقة نفسك وتاعبة روحك ليه انا حرررر محدش ولي امري ولا علشان حضرتك واااضح من ايديكي انك لسه مرتبطيش هطلعي عقدك علينا....عن اذنك يا انسة شمس نادر يروح علي مكتبه شمس هتفرقع من الغيظ وعنيها عمالة تحول وتغمز لوحدها رنا:كان لزومه ايه تجيبي لنفسك التهزيق؟ شـمـس:انا يقولي بطلعي عقدك علينا ولسه مرتبطيش؟؟......مااااشي انا هوريه رنا:هتعملي ايه.؟ شـمـس بفخر:هكلم خطيبي حبيبي هييييح..... فرغلي رنا:ما بلاااااش ههههههه شـمـس:معلش مضطرة والمضطر يكلم فرغلي رنا:ده كده هيفضحك شـمـس:معلش مش مهم هكلمه يجي ياخدني انهارده واما كنت اوري الي اسمه نادر ده واعرفه اني مرتبطة مبقاش انا شمس رنا:انتي حره بقي شمس بتتصل ب فرغلي شـمـس بسخرية:ايوة يا حبيبي نادر ياخد باله ويبص باهتمام فرغلي:آآآه وحشتيني يا شموسة شـمـس بتمثيل:انت اكتر....ينفع تيجي تاخدني انهارده من الشغل فرغلي:طبعا شـمـس بتمثيل:خلاص ماشي يا حبيبي اتفقنا...سلام ----------------------------------- نادر ف سره:هو مين حبيبها ده الي كانت بتكلمه ؟؟معقولة يكون ف حد ف حياتها نادر قلقان جداً بيكون ف حد ف حياتها ومش فاهم اصلا ايه سبب قلقه؟؟ رنا:هااا شـمـس:كلمته وهيجيلي انهارده ياخدني رنا:علي خيرة الله ههههههههه شـمـس:اما نشوف بقي ياانا ياانت يا نادر بعد انتهاء العمل فرغلي جي ياخد شمس من قدام باب الشركة ونادر واقف عمال يبصلها فرغلي جه "حياتي روحي عمري" شـمــس بسخرية:قوووول كمان فرغلي:انتي حبي الوحيد نادر مسمعش ولا كلمة وافتكره باباها فا قال يروح يسلم نادر:اهلا اهلا اهلا يا استاذ فرغلي:مين ده يا شمس؟ نادر:انا زميل شمس ف الشغل وكنت جي اسلم علي حضرتك شمس خايفة جداً فرغلي بابتسامة:يبقي لازم شمس حكتلك عني نادر:لا بصراحة بس واضحة زي الشمس مش حضرتك باباها بردو؟ فرغلي:ايييييييييه؟انا خطيبها يا استاذ نادر فضل مبرق وشمس ساكتة خااالص بس وشها كله كسوف . . الحلقة السابعة نادر:لا بصراحة بس واضحة زي الشمس مش حضرتك باباها بردو؟؟ فرغلي:ايييييييييه؟انا خطيبها يا استاذ نادر فضل مبرق وشمس ساكتة خااالص بس وشها كله كسوف نادر ف سره ف سخرية:يااااا هو ده بقي حبيبها؟؟ فرغلي:انت قليل الادب انت ازاي تقول كلام زي ده؟ نادر:انا؟؟انا قليل الادب؟؟؟..انت الي مش مكسوف من نفسك رايح تخطب واحدة قد بنتك فرغلي:وانت ماااالك انت؟؟ انا بحبها وهي بتحبني ما تتكلمي يا شمس شـمــس وهي بتبص لنادر بتحدي:يوووووووو بس انتو الاتنين....انا حره انا بحب فرغلي وفرغلي بيحبني نادر سمع الكلمة دي زي زي الصاعقة بس حاسس انها بتقول كده وخلاص نادر:كمان اسمه فرغلي؟؟؟؟؟؟؟؟؟؟؟ فرغلي:ايوة عندك مانع؟؟ شـمــس بمكر وابتسامة:وانت مالك انت ف ايه؟؟؟مستخصر تشوف اتنين بيحبو بعض ايه جي تطلع عقدك علينا نادر:فعلا وانا مالي ميخصنيش ...واحدة مخطوبة لواحد قد ابوها وشبه العربية المطبقة واسمه فرغلي كمان ....مين دلوقتي الي بيبيع نفسه ياانسة شمس!! شـمــس بعصبية:اخرس ...انت فاكرني زيك ولا ايه ؟؟انا ابيع نفسي؟؟ نادر بزعيق:وهو انا بردو بعت نفسي؟؟؟ فرغلي:وكمان ليك عين تعلي صوتك عليها!! نادر:انا مراعي لاخر دقيقة انك راجل كبير ومش عايز امد ايدي عليك فرغلي:تمد ايدك علي مين؟؟يلا يا شمس وقام فرغلي ساحبها من ايديها وهي مش عايزة تروح معاه شمس:اوعي سيب ايدي يااخي راح نادر نزل فيه ضرب وشمس كانت عمالة تحوشه نادر اصلا مش فاهم هو عمل كده ليه او دمه فار عليها اوي كده ليه مشي ورا احساسه شمس بصوت عالي وعياط:بس كفاية بقي نادر هيزعل اوي من رد فعلها شـمــس بعصبية:ايييه؟؟كلكوا عمالين تتخانقوا وانا الي متبهدلة وسطيكوا ارحموني بقي فرغلي مسكها من ايديها "استني متمشيش" شمس هتزوقه "اوعي كده" شمس هتمشي وتسيبهم ونادر عمال يبصلها زي ما يكون حاسس انه السبب انها عملت كده وانه استفزها فا هيجري وراها "انسة شمس استني" شـمــس وهي بتعيط:نعم عايز ايه؟مش انا معقدة وبطلع عقدي عليكوا؟ نادر بحنان:انسة شمس انا اسف اوي انا...انا مكنش قصدي اجرحك بكلامي نادر يطلع منديل ويديهولها "اتفضلي امسحي دموعك" شمس هتاخده منه وتمسح بيه دموعها نادر:هااا قبلتي اسفي؟ شـمــس بابتسامة:خلاص محصلش حاجة يا باشمهندس نادر:طب هو ف مانع لو شيلنا الالقاب يعني انتي تقوليلي يا نادر وانا اقولك يا شمس؟ شـمــس بابتسامة:مفيش مانع احنا زمايل ف شركة واحدة نادر:اه طبعا غير كده احنا كمان متعرفين من قبل ما نبقي زمايل فاكرة لما ادتيني بالبونيه ف عيني هههههه شـمــس:هههههههههه انا اسفة فعلا نادر: ولا يهمك....ممكن بقي تقوليلي ازاي الاخ ده يبقي خطيبك هههههه شـمــس:هههههههه هحكيلك ----------------------------------- رضوي اخت شمس ف المدرسة نرمين:رضوي تعالي عايزاكي ف موضوع؟ رضوي بشغف:ايه هو؟ نرمين:شايفة الي هناك ده؟ رضوي تبص ناحيته "اه ماله؟" نرمين:الولد ده معجب بيكي وعايز رقمك رضوي:ايه؟؟انتي بتقولي ايه لا طبعا ده شمس كانت تموتني نرمين:ليه هو انتي هتعملي حاجة غلط ----------------------------------- سلمي ف الجامعة مع ماجد سلمي باعتراض:اه طبعا هعمل حاجة غلط...انت اتجننت؟؟ ماجد بسخرية:صدقيني يا سلمي ده بصفة مؤقتة سلمي:انت عارف لو اختي الكبيرة عرفت ممكن تعمل ايه؟ ماجد:يوووو يادي اختك الكبيرة الي فلقاني بيها وبتخافي منها...بصي بقي انتي حره براحتك بس لازم تعرفي ان انا بحبك ولا يمكن اعمل حاجة تضرك ابدا سلمي هتصدق كلامه وهتنخدع سلمي ف تردد:ماشي انا موافقة....بس لازم تأمني الاول ماجد:يعني ايه؟ سلمي:يعني لازم يبقي معايا نسخة ماجد ف قلق:اه طبعا طبعا يا سلمي لازم آمنك طبعا سلمي:خلاص يبقي استبينا ماجد ف سره:وبعدين بقي دي طلعت ناصحة وبتخاف اوي من اختها ----------------------------------- رضوي ف المدرسة مع نرمين ف الفسحة نرمين:ها قولتي ايه؟ رضوي:ماشي خدي رقمي اهو رضوي هتطلع ورقة وتكتب فيها رقمها وتديه لنرمين ونرمين هتروح تديه للولد والولد هيبص لرضوي رضوي:لو شمس عرفت وقعتي هتبقي سودا...ربنا يستر بقي ----------------------------------- شمس وهي بتتمشي مع نادر بعد ما تحكيله علي موضوع فرغلي نادر:ياااا ده بني ادم انتهازي وحقير شـمــس:اه نادر:وهو بقي البقف ده بيبتزك بالمحضر ده علشان تتجوزيه شـمــس:اه اهو زي ما انت شوفت كده نادر:خلاص متحمليش هم سبيلي انا الموضوع ده....اديني بس اسمه بالكامل شـمــس: ماشي بس قولي هتعمل ايه؟ نادر:ملكيش فيه بقي انا هتصرف شـمــس:طب بس فهمني ناوي علي ايه؟ نادر:مش هو ماسكك من ايدك الي بتوجعك؟ شـمــس:اه نادر:انا هتصرف معاه شـمــس:طيب ماشي بس اخاف اتعبك ولا اسببلك مشاكل نادر وهو بيبصلها وعنيه كلها حنان "اوعي تقولي كده...اقصد يعني اني من يوم ما شوفتك وانا....وانا اعتبرتك....." شـمــس:اعتبرتني ايه؟ نادر:هااا اعتبرتك اخت يعني شـمــس بابتسامة:وانا كمان ارتحتلك اوي من يوم ما شوفتك بغض النظر عن الي حصل انهارده هههه نادر:هههههه طيب انا هحكيلك عن نفسي وانتي كمان تحكيلي عن نفسك ...ماشي؟ شـمــس:ماشي....مين الي هيبدا؟ نادر:ladies first.... يعني انا الي هبدا شـمــس:ههههه هو انت تعليم مجاني ولا ايه؟طيب ماشي ابدا انت زي بعضه نادر:بصي ياستي انا الاخ الكبير ل3 ولاد واحد ف الجامعة والتاني ف ثانوي من ساعة ما بابا وماما اتوفوا وانا الي مسؤل عنهم شـمــس باندهاش وتعجب جامد:ياااا ده انت ظروفك العائلية زي ظروفي بالظبط زي ما تكون بتوصفي نادر باندهاش:يااااا حقيقي؟ شـمــس:اه بجد والله نادر ف سره:الحمدلله ظروفنا العائلية طلعت شبه بعضها شمس تبص ف الساعة فجأة "ياااا ده الساعة بقت 6 ونص انا لازم اروح دلوقتي" نادر:طيب انا هوصلك شـمــس:لالالا معلش انا هروح لوحدي نادر:لا مش هينفع لازم اوصلك شـمــس:لا شكرا انا هركب الاتوبيس نادر:اتوبيس تاني ؟؟ههههههههههه شـمــس:ههههههههه اوعي تكون لسه زعلان علشان الي حصل ف عينك نادر:لالا خلاص هههههه محصلش حاجة شـمــس بابتسامة:طب سلام بقي علشان اتاخرت نادر:سلام شمس تمشي ونادر عمال يبصلها بابتسامة غامضة وغريبة ----------------------------------- شمس رجعت من شغلها لقت صوت عالي جي من شقة خالها فا طلعت الشقة وخبطت علي الباب وبنت خالها فتحتلها ودخلت شـمــس:ايه يا ريم الدوشة دي؟ ريم:تعالي الحقيني بقي وشوفي خالك بيعمل فيا ايه؟ مصطفي بعصبية:هكون عملت ايه يعني عملت الصح والاصول شـمــس:ما تفهمني بس ياخالو ايه الي حصل؟؟؟ مصطفي:بقي انا ياستي راجع من الشغل الاقي جزمة البيه خطيب الست هانم موجودة بره ..ايه بقي موقفي ايه قدامي الجيران لما يبقوا عارفين ان مقاس جزمتي صغير وجزمته مقاسها بسم الله ماشاء الله قد كده ويلاقوا جزمته هو موجودة وميلاقوش جزمتي هاااا ردي عليا انتي بقي يا شمس انا عارف انك حقانية شـمــس:حقانية ايه ونيلة ايه؟ايه الجيران الجزم دول؟ مصطفي:ايوة طبعا تقولي الحق ولا هتقفي مع البت الي مبتختشيش دي ضد خالك شمس:جري ايه يا خالو هو الموضوع موضوع مقاسات جزم؟..ما تقول من الاخر انك مش عايزه يجي وانت مش موجود....خلااااص خلصت مصطفي:الله ينور عليكي يا شمس انا فعلا مش عايزه يجي وانا مش موجود قولي بقي للبت البجحة دي ريم:جري ايه يابابا مهو ماما كانت موجودة مصطفي:ياسلام خلاص امك موجودة وانا بقي هنا كيس جوافة شـمــس:خلاص بقي ياخالو الي حصل حصل...وانتي ياريم تنبهي علي خطيبك ميجيش وخالو مش موجود ريم بزهق:حاضر يوووو القرف ده وتمشي ريم مصطفي:هااا مقولتليش عملتي ايه مع فرغلي؟ شـمــس:متجبليش سيرة البني ادم ده مصطفي:معلش انا عارف انك قرفانة منه بس اكيد فيه حل شـمــس:تعالي معايا يا خالو وانا هحكيلك علي الي حصل معاه انهارده شمس بعد ما حكت لخالها علي الي حصل مصطفي:ياااا معلش يابنتي ربنا يصبرك عليه انا اسف دي غلطتي انا الي جبته شـمــس:ولا يهمك يا خالو حظي كده بقي مصطفي:انما زميلك ده مقالش ناوي علي ايه؟ شـمــس:لا بس انا واثقة فيه مصطفي:طيب تمام شـمــس:اقوم انا بقي اروح شقتنا علشان احضر العشا للبنات مصطفي:طيب مع السلامة شـمــس:مع السلامة وتمشي شمس الي شقتها واول ما هتفتح الباب "يا سلمي...يا رضوي" رضوي خرجت من الاوضة "سلمي لسه ماجتش" شـمــس بقلق:نعم؟؟؟ازاي ده الساعة داخلة علي 8؟؟ازاي كل ده ماجتش؟؟ رضوي:معرفش والله يا شمس تحاول شمس الاتصال ب سلمي ولكن الهاتف غير متاح شـمــس:الهانم قافلة موبايلها... طب بس لما تيجي حسابي معاها بعدين رضوي:فكك بقي من الجو القديم ده تلاقي المواصلات زحمة شـمــس:بتسمي خوفي وقلقي عليكوا جو قديم؟؟ طيب اما وريتها ده انا............. فجأة يرن هاتف شمس المتصل (نادر) ولكنه بالنسبالها رقم غريب شـمــس:الووو مين؟ نادر:انا نادر شـمــس بفرحة وارتباك:نادر ؟؟؟وانت جبت رقمي منين؟ نادر:جبته ياستي من شئون العاملين بالشركة شـمــس:وجبته ليه من الشركة ايه يعني ضرورة انك تعرف رقمي؟ نادر باحراج:هااا لا ابدا كنت بس عايز ابلغك حاجة مهمة جداً شـمــس بشغف:ايه هي؟ نادر بفخر:انتي بكره هتعزمي فرغلي ده شـمــس:طب ليه بقي اعزمه؟ نادر:مهو انا جايلك ف الكلام اهو...انتي هتعزميه بكره وانا هجيلك وهو موجود شـمــس:بس..... نادر مقاطع:الموضوع ده مهم ومفيش وقت للبسبسة خاالص شـمــس:طب ما تفهمني فيه ايه؟ نادر:هتفهمي كل حاجة لما اجيلك...سلام شـمــس بفرحة:سلام وتغلق شمس الخط وهي سارحة ف نادر ورضوي واقفة شـمــس تفوق فجأة:انا كنت بقول ايه؟ رضوي بمكر وابتسامة خبيثة:كنتي بتقولي هتعملي ايه ف سلمي علشان اتاخرت؟؟؟ شـمــس:ايوة ايوة افتكرت ده انا هطين عيشتها هي مش محاضراتها بتخلص الساعة 6 ايه الي اخرها كل ده الساعة دلوقتي وفجأة سلمي تفتح الباب وتدخل بارتباك وقلق شديد "مساء الخير يا شمس" . . الحلقة الثامنة وفجأة سلمي تفتح الباب وتدخل بارتباك وقلق شديد "مساء الخير يا شمس" شـمــس بعصبية:كنتي فين يا هانم لحد دلوقتي؟وقافلة تليفونك ليه؟ سلمي بارتباك:كنت.....كنت ..كنت ف الكلية والموبايل فصل شحن شـمــس:وهو ف محاضرات لحد الساعة 8 بردو؟؟ سلمي:المواصلات زحمة اعمل ايه؟ سلمي وهي ماشية ورايحة لاوضتها شـمــس بعصبية:اقفي عندك انا لسه مخلصتش كلامي تلتفت سلمي "خير عايزة ايه؟" شـمــس وهي جاية عندها:ايا كان عذرك متتاخريش بره البيت تاني مش هقولك علشان كلام الناس بس....علشان انا مقلقش عليكي سلمي:ماخلاص بقي يا شمس فكك من تعاملك معانا علي اننا اطفال احنا دلوقتي كبرنا وكل واحد حر شـمــس:لا طول ما انتوا لسه قاصر انا الوصية عليكوا وحتي لو عديتوا سن ال21 هفضل بردو الوصية عليكوا امال يعني هي سايبة؟؟ سلمي:شمس ارجوووكي انا راجعة فاصلة علي الاخر خلي محاضرتك دي بقي بكره سلمي هتسيبها وتمشي وتدخل الاوضة شـمــس:ماشي يا سلمي رضوي:يعني كان لزومها ايه الغاغة دي كلها مهي رجعت اهي وخلاص شـمــس:بت انتي لسه صغيرة متتدخليش ف الكلام ده ويلا انتي كمان علي اوضتك رضوي:يوووو حاضر وتمشي رضوي ----------------------------------- رضوي وسلمي ف اوضتهم سلمي:يوووو انا زهقت لحد امتي هتفضل تعاملنا زي الاطفال رضوي:معلش بقي خلاص انتي عارفاها بتطلع تطلع وتنزل علي مفيش سلمي:خلاص ميهمش رضوي وهي بتغمز:بيني وبينك كده....انتي كنتي فين؟ سلمي:وانتي مالك بقي؟ رضوي:اصلك اول مرة تتاخري سلمي:ملكيش فيه بقي رضوي:براحتك مسيري هقررك سلمي:امشي يابت من هنا ----------------------------------- ف بيت نادر بعد ساعتين نادر بعصبية:يعني هيكون اتاخر ليه؟؟محاضراته بتخلص 6 او6ونص بالكتير والبيه قافل موبايله معتز:معلش الغايب حجته معاه نادر بعصبية:اما نشوف اخرتها بقي معاه ماجد يدخل من الباب ماجد:مساء الخير نادر بعصبية ونرفزة:ما لسه بدري يااستاذ ماجد:معلش كنت بذاكر عند واحد صاحبي نادر بنظرة عدم التصديق "اتفضل علي الاوضة ومتكررش تاني والا مش هتدخل من باب الشقة" ماجد:هو انا عملت ايه يعني لكل ده؟ نادر:كلم اخوك الكبير عدل احسلك ماجد:انا مغلطش ممكن افهم بقي عملت ايه.؟ نادر:الساعة كام ف ايدك؟ ماجد:10 نادر بجفاء:وانت محاضراتك بتخلص كام؟ ماجد:خلاص معلش يا نادر انا اسف مش هتحصل تاني....تصبح علي خير معتز:معلش يانادر يمكن اتاخر ف المذاكرة شوية نادر:ماشي...تصبحوا علي خير ----------------------------------- ف اليوم التالي نادر وصل شغله وعمال بيدور علي شمس ف مكتبها ورنا هتلاحظ رنا بابتسامة خبيثة:لسه موصلتش يا باشمهندس نادر:هاااا هي مين؟ رنا:الي بتبص ناحية مكتبها وفجأة توصل شمس وهي لابسة طقم شيك اوي عبارة عن بلوزة رصاصي وجيبة قصيرة سودا نادر اول ما هيشوفها هيتنح وهيبتسم وهي هتلاحظ وهتبتسمله وفجأة يلاقي اكرم زميلهم بيبص عليها ومعجب بشكلها اوي فا هيتغاظ اوي ويروحلها نادر بعصبية خفيفة:ايه الي انتي لابساه ده؟ شـمــس بحزن:ماله؟؟وحش؟؟ نادر:مش الفكرة بس اللبس ده مينفعش هنا وبعدين بصراحة شكلك ف اللبس التاني احلي شـمــس:بجد؟ نادر بابتسامة:اه بجد شـمــس:طيب تمام نادر بهمس:صحيح عملتي الي اتفقنا عليه؟؟ شـمــس:ايوة كلمت فرغلي وعزمته زي ما قولتلي نادر:قالك ايه؟ شـمــس:وافق طبعا نادر:تمام انا هعدي عليكي ف نفس المعاد شـمــس:طب بس فهمني ليه؟ نادر:هتفهمي كل حاجة ف وقتها وفجأة نيرة تدخل عليهم وهما بيتوشوشوا "الله الله انت عمال تتساير مع الهانم دي ف ايه؟" نادر:هااا لا مفيش بنتكلم ف شغل المفروض ان احنا زمايل نيرة:طيب يا نادر يا حبيبي تعالي بقي معايا نادر:حاضر شمس زعلت وزي ما تكون اتحرجت وراحت علي مكتبها ونادر ونيرة ساحباه عمال يبص ل شمس وكانه بيعتذرلها ----------------------------------- ماجد وسلمي ف الجامعة سلمي:بعد كده انا مش هقدر اتاخر معاك تاني يا ماجد ماجد:عارف اكيد اختك بهدلتك علي فكرة انا كمان اخويا بهدلي سلمي:طب والعمل احنا كده مش هنعرف نتقابل خااالص ماجد:متقلقيش اكيد ليها صرفة دلوقتي بقي قوليلي ..بتحبيني؟ سلمي:طبعا يا ماجد ماجد:وانا كمان بحبك اوي يا سلمي سلمي:انا مستعدة اصبر معاك لحد ما تتخرج زي ما قولتلي وبعدها نتجوز بقي ماجد:طبعا طبعا امال ايه سلمي:طيب يلا بقي انا مش هحضر حاجة انهارده علشان نقعد مع بعض ماجد:طب ومحضراتك؟ سلمي:تولع مش مهم مجتش من يوم انا هرجع ف معاد المحاضرات عادي ولا من شاف.... ماجد:ولا من دري ...ماشي ياستي عجبتني دماغك يلا بينا ----------------------------------- نيرة واقفة مع نادر نيرة:ممكن تقولي بقي ايه حكاية البنت دي؟ نادر:ولا حكاية ولا رواية كل الموضوع ان هي سكرتيرة زميلتي نيرة:والله؟؟؟تقف تتخانق معايا امبارح وتهزقني قدامك وجايين انهارده تتودودوا مع بعض؟؟وتقولي زميلتك نادر:يا نيرة ولا هزقتك ولا حاجة انتي الي اخدتي الموضوع بشكل حساس نيرة:كده؟؟؟ماشي يا نادر نادر:خير بقي كنتي جاية ليه؟ نيرة برقة:كنت جاية اشوفك اصلك وحشتني اوي ومبتسالش عليا خالص نادر:اعمل ايه ماانتي عارفة ظروف الشغل صعبة وانا محتاس والله العظيم نيرة:خلاص معلش ايه ريك نخرج نتعشي انهارده.؟ نادر:لا طبعا انهارده مش هينفع خاالص انا مش فاضي وعندي شغل خليها بكره نيرة:لا يانادر انهارده يعني انهارده نادر ف سره:يا واقعة سودا ده انا عندي معاد انهارده ف بيت شمس نادر بمسكنة:معلش يا نيرة اعفيني انهارده والله العظيم انا تعبان جداً ومنمتش بقالي يومين ومش هقدر اروح ف حتة وعندي صداع فظيع وضهري بينقح عليا و ...... نيرة مقاطعة بقرف:خلاص خلاص ايه المستشفي الي انا دخلت فيها دي!!...خلاص خليها بكره انا ماشية ..باي نادر:باي وتمشي نيرة نادر:بقي لما اقولك تعبان تقوليلي ايه المستشفي الي انا دخلت فيها دي؟؟؟صحيح هو انا اصلا هعوز ايه من واحدة كل الي يهمها المنظرة زيك؟؟ واضح اني اتسرعت ولا ايه؟ شمس ورنا علي المكتب رنا:انما قوليلي بقي ايه التغيير المفاجا ده؟ شـمــس:يعني قولت اغير استايل لبسي شوية رنا:بس بصراحة طالعة فيه قمرررر شـمــس:ربنا يخليكي ليا يا حبيبتي....قوليلي اخبار خطيبك ايه؟ رنا:الحمدلله تمام..نزلنا امبارح نجيب الغسالة امه قعدت ساعة تفاصل ف 10 جنيه شـمــس:ههههه دي برم بقي رنا:طبعا انتي هتقوليلي ده يوم ما نزلنا نجيب الشبكة خلت المواصلات بالنص شـمــس:يالهوي هههههه رنا:اه دي جللللدة شـمــس:معلش ربنا يبعد شرها عنك بقي رنا:يارب...مقولتليش عملتي ايه ف موضوع هباب البرك الي اسمه فرغلي ده؟ شـمــس:ولا حاجة نادر قالي اعزميه عندك وهيعدي ف نفس المعاد وهو هيتصرف رنا:ومقالكيش ناوي علي ايه؟ شـمــس:لا هو قالي امبارح هاتي اسمه بالكامل وانا هتصرف رنا:ماشي ربنا يجيب العواقب سليمة شـمــس:يارب يا رنا يارب واخلص من البني ادم ده رنا:معلش ثقي ف نادر طالما قالك هيخلصك منه شمس تهز راسها بابتسامة ----------------------------------- نادر علي مكتبه مع اكرم نادر:قولي بقي ايه موضوع المناقصة الي الشركة طرحته ده؟ اكرم:الورق كله عندك اهو زي ما انت شايف نادر:تمام زميل اخر ياتي "يا جماعة سيادة المدير عايز نادر وشمس" شمس تنتبه "خير يا محي المدير عايزنا ليه؟" محي:والله معرفش هو قالي خلي نادر وشمس يجولي نادر:ماشي روح انت وانا وشمس جايين الكل عمال يبص وشمس ونادر عمالين يبصوا لبعض فيما معاناها هيكون عايزنا ليه؟؟؟ يروحوا هما الاثنين مع بعض اوضة المدير ونادر يخبط علي الباب بسيوني:ادخل نادر وشمس يدخلوا مع بعض فا يتزنقوا ف الباب وميعرفوش يدخلوا مع بعض نادر:اتفضلي شـمــس:لا اتفضل انت بسيوني:انتو لسه هتتعازموا يلا ادخلوا خلصوني شـمــس:اووووف اتفضل انت نادر:لا والله ما يحصل ابدا اتفضلي انتي شمس تدخل وبعدها نادر نادر:خير يافندم كنت عايزنا ف ايه؟ بسيوني:طبعا عرفتوا بموضوع المناقصة الي شركتنا طرحتها شـمــس:ايوة يافندم بسيوني:تمام....مش محتاج طبعا افهمكوا المطلوب نادر ف ارتباك:بس حضرتك طلبتنا ليه يافندم؟ بسيوني:انسة شمس هي الي هيبقي معاها اظرف العطاء بتاعة الشركات الي هتتسلم...يعني هتتشال معاها شـمــس ف سعادة وخوف:متقلقش يافندم باذن الله هكون عند حسن ظن حضرتك بسيوني:عظيم نادر:طب وبالنسبالي انا يافندم؟ بسيوني:لا انت انا عايزك ف موضوع تاني خالص.....ممكن تروحي انتي دلوقتي ياشمس علي مكتبك شمس وهي بتبص ل نادر:حاضر يا فندم........عن اذنكوا وتمشي شمس وقبل ما تروح علي مكتبها نادر يكون خرج نادر وشمس عمالين يبصوا لبعض نفس البصة وكل واحد راح علي مكتبه ولسه بيبصوا لبعض اكرم:خير هااا كان عايزكوا ف ايه؟ نادر:لا مفيش كان بيكلم شمس ف موضوع المناقصة علشان اظرف العطاء هتبقي معاها وكان بيكلمني انا ف موضوع كده اكرم:موضوع؟؟موضوع ايه؟ نادر:احم احم موضوع كتب كتابي انا ونيرة!! اكرم:آآآآآه طب الف مبروك ياسيدي...بيضالك ف القفص ياعم نادر ف سره:اوووووف يارب بقي حلها من عندك رنا:ايه ياشمس المدر كان عايزكوا ليه؟ شـمــس:مفيش كان بيكلمني ف موضوع المناقصة الي الشركة طرحتها عايز اظرف العطاء تبقي معايا رنا:آآآآآآه طيب تمام رنا بهمس:قوليلي بقي ايه النظام هااا؟ شـمــس:نظام ايه؟ رنا:انتي فاكراني مش واخدة بالي ولا ايه؟انتوا علي طول عمالين تبصوا لبعض شـمــس بارتباك:آآآآآآآآآآ احنا؟؟احنا مين؟ رنا: انتي ونادر!!!! شـمــس:آآآآآ عادي يعني رنا:طب خدي بالك بقي ده يبقي خطييييب بنت المدير شـمــس:وانا مالي؟يخصني ايه ف الكلام ده؟ رنا:لا انا بس بفهمك شمس اضايقت من كلامها وظهر علي وشها الحزن ونادر عمال بيبصلها نادر ف سره:هو انا ليه طول الوقت بفكر فيها وعمال ابصلها؟؟ليه اول مرة شوفتها فيها حسيت باحساس غريب ناحيته وكأن قلبي كان بيتحرك....معقولة؟.....لالالا فوق لنفسك يانادر انت خاطب بنت مدير شركة كمبيوتر بنت عيلة وحسب ونسب وفلوس ومستقبل وعلي وش جواز بلاش حاجة زي دي تخليك تنسي نفسك بعد انتهاء العمل نادر وشمس ف الشارع بعيد عن بقيت الموظفين "ها مستعدة للي هيحصل انهارده؟" شـمــس:وهو ايه الي هيحص انهارده؟ نادر:هخلصك من فرغلي ده خالص زي ما قولتلك شـمــس:تمام مستنياك 8 زي ما قولتلي....سلام نادر:سلام تمشي شمس الي البيت هتلاقي سلمي ف الصالون سلمي:اديني رجعت ف معادي اهو وقبل منك كمان...ها مسمحاني؟ شـمــس بابتسامة وحنان:ماشي اوعي تكرري الحركة دي تاني ...انتي عارفة اني بخاف عليكوا سلمي بابتسامة:حاضر شـمــس:رضوي فين؟ سلمي:نايمة شـمــس:طيب انا هروح بقي اجهز العشا بسرعة علشان جيلنا ضيوف سلمي:ضيوف مين؟؟عريس تاني؟ شـمــس تنتبه لكلام منه:هااا لا موضوع كده هبقي اقولك عليه سلمي:اممممم طيب ماشي علي الساعة 8 الباب يخبط تروح شمس تفتح الباب تلاقيه فرغلي شـمــس بابتسامة مصطنعة:اهلا اهلا اتفضل فرغلي:يزيد فضلك يا عروسة يدخل فرغلي وشمس عمالة تطلب نادر وهو مبيردش وبعتلها الرسالة دي "شمس انا جي ف الطريق ...حاولي تشغليه عبال ما اجيلك" سلمي ورضوي يخرجوا بره علشان يقعدوا معاهم سلمي بسخرية:منور يا استاذ فرغلي فرغلي بابتسامة:اشكرك بعدها بحاولي 10 دقائئق الباب يخبط وتروح تفتح تلاقيه نادر شـمــس بهمس:اتاخرت ليه؟ نادر:معلش عبال ما كنت بجيب الاوراق شـمــس:اوراق ايه؟ نادر:هتفهمي كل حاجة حالا وفجأة بصوت مسموع نادر يقول "منور يا فرغلي باشا" فرغلي:انت تاني؟؟؟وليك عين تيجي هنا ده انا هوريك نادر:استني بس...مش لما تعرف انا جي ليه؟؟ سلمي بهمس:هو فيه ايه؟ رضوي:مش عارفة بين الليلة دي مش هتعدي شمس نسيت الباب مفتوح فا خالها كان طالع وشافه مفتوح ودخل "ف ايه يا شمس؟؟" شـمــس:والله ما انا عارفة حاجة يا خالو نادر بثقة:البيه ده يا عمي ...البيه ده ياشمس يبقي............. *********************************** الحلقة التاسعة نادر بثقة وفخر:البيه ده يا عمي ...البيه ده ياشمس يبقي ولا دكتور ولا حاجة ...الاستاذ معاه دبلوم تمريض يعني حتي مش كلية ومفهم كل الناس انه دكتور وفي الرايحة والجاية الدكتور راح والدكتور جه فرغلي بارتباك:انت كداب...متصدقيهوش يا شمس شـمــس:هو بردو الي كداب ...وعاملي فيها سبع البرومبا وعمال تتقالط علينا وانت ف الاخر طلعت محصلتش ممرض حتي نادر:لا والمفجأة الاكبر بقي انه بيمارس مهنة الطب وبيعالج الناس وياخد فلوس وبالدليل القاطع والمستندات كمان يعني باب السجن لجنابك مفتوح علي مصراعيه فرغلي:ابوس ايدك بلاش تقول لحد نادر:امممم انا مش هقول لحد بس ف المقابل ملكش دعوة بشمس ولا تتعرضلها تاني وموضوع المحضر الي بتذلها بيه ده سك عليه وتقفله خالص بدل ما اقدم الاوراق الي معايا للبوليس فرغلي:لا خلاص انا مش عايز اعرفها ولا اشوف وشها...بس تديني الورق الي معاك نادر:لا يا حلو الورق ده هيفضل معانا علشان لو اتعرضتلها تاني فرغلي:خلاص انا مش هتعرضلها تاني انا همشي ومش هتشوف وشي تاني ويمشي فرغلي نادر ف سعادة شديدة:يلا ف 60 داهية شمس فرحت جداً انها خلصت منه ونادر فرح لفرحها شـمــس:بجد...انا...انا لو قعدت اشكرك من هنا للسنة الجاية مش هيكفيك مصطفي:احنا متشكريين طبعا انك خلصتنا منه ....بس انت عرفت كل ده ازاي؟ نادر:ليا واحد صاحبي ظابط عملي تحريات عليه ومسكنا عليه الاوراق دي مد يده واداها الاوراق الي بتثبت كلامه نادر:خليهم معاكي شـمــس:ليه؟ نادر:يمكن تحتاجيهم تاني شـمــس:لا خلاص ده جبان واكيد مش هيتعرضلي تاني مصطفي:مش تعرفينا يا شمس؟ شـمــس:ايوة صح معلش نسيت...ده بقي ياخالو نادر الي كلمتكوا عنه مصطفي:اه اهلا يابني نادر:اهلا بيك ياعمي......مش هتعرفيني باخواتك؟ شـمــس:دي سلمي تانية ادب ودي رضوي اولي ثانوي سلمي ورضوي بيبصوله بصات غريبة نادر:اهلا بيكوا سلمي و رضوي:اهلا بيك وفجأة نيرة تتصل بنادر نادر:معلش بقي انا لازم امشي علشان نيرة بتتصل بيا شمس مرة واحد وشها يتقلب ويبان عليه الحزن ونادر يلاحظ نادر:انا همشي وهبقي اشوفك ف الشغل بكره شـمــس:طب مش هتتعشي معانا نادر:معلش خليها مرة تانية شـمــس بحزن:ان شاء الله مصطفي:ماتقعد تشرب حاجة نادر:معلش مستعجل....سلام شـمــس ومصطفي:سلام ويمشي نادر مصطفي:يااا باين عليه ابن حلال اوي شـمــس ف حزن:اه مصطفي:هو متجوز؟؟ شـمــس:خاطب بنت المدير بتاعنا مصطفي:آآآآه طيب ماشي...بس الحمدلله انك خلصتي من الزفت الي اسمه فرغلي ده شـمــس:اه الحمدلله مصطفي:ماشي ....امشي انا بقي..مع السلامة شـمــس:مع السلامة يا خالو ويمشي مصطفي وتغلق شمس الباب شـمــسفي سرها:يااااا هو عمل معايا كده ليه؟؟مش مهم المهم اني خلصت من الزفت التاني ده سلمي:تعالي بقي قوليا ايه موضوع المز ده؟ شـمــس:موضوع ؟؟؟موضوع ايه؟ رضوي:ايه يا شمس انتي هتعمليهم علينا احكي يلا متخافيش سرك ف بير شـمــس:ايه الكلام ده؟....عادي يعني مجرد زميل سلمي:متاكدة؟؟ شـمــس بابتسامة:طيب يلا قدامي بقي نحضر العشا وانا هحكيلكوا ----------------------------------- نادر وهو ف طريقه الي البيت نادر:اووووف هو انا ايه الي خلاني اعمل كده...واحدة مشوفتهاش الا كام مرة وساعدتها كاني اعرفها من زمان ليه؟؟يلا زي ما تيجي تيجي بقي نيرة بتتصل تاني بنادر ونادر يقفل الموبايل ويطلع الشقة ماجد:ايه حمدلله علي السلامة...كنت فين؟ نادر:مفيش مشوار كده...ها طمني عليك ...اخبار المذاكرة؟ ماجد:الحمدلله نادر:موضوع التاخير ده ميتكررش تاني مش معني انك ولد يبقي خلاص ماجد بسخرية:حاضر ديني حضرت محاضراتي ورجعت بدري اهو نادر:ماشي ربنا معاك..يلا تصبح علي خير ماجد:وانت من اهله اول ما نادر يدخل ماجد يروح اوضته ويتصل بسلمي سلمي هترد عليه "الوو ايوة يا حبيبي" ماجد:ازيك يا حبيبتي؟ سلمي:الحمدلله كويسة ماجد:ايه رايك لو نزوغ بكره من المحاضرات زي انهارده سلمي باستسلام:لازم يعني؟؟ ماجد:طبعا وبعدين مجتش من يوم كمان سلمي:بس كده محاضرات كتير هتفوتني وبعدين..... ماجد:خلاص يا سلمي يبقي انتي مبتحبنيش سلمي:لا طبعا بحبك يا ماجد ....خلاص ماشي اتفقنا ماجد:طيب ...سلام دلوقتي سلمي:سلام ويغلق ماجد الخط "ياااا ده انتي طلعتي ساذجة اوووي....عرفت ادخلك من ناحية اختك واخيرا وصلت...بس متقلقيش بعد التخرج مش هتشوفي وشي تاني"!!!! سلمي بعد ما تخرج من الاوضة رضوي هتبص يمين وشمال وبعدها هتطلب رقم من الموبايل "ايوة يا عمر.....انت كمان وحشتني....لا متقلقش مفيش حد معايا ف الاوضة...انا كمان عايزة اشوفك...فين؟؟؟طيب ماشي انا موافقة...سلام" ----------------------------------- بعد اسبوع ف اوضة المدير "بسيوني خليفة" دخل شخص مكتبه الشخص:صباح الخير يافندم بسيوني:صباح النور خير؟ الشخص:انا موظف من شركة الجويلي جي اسلم ظرف العطاء بتاع شركتنا بسيوني:تمام... وصل الظرف للانسة شمس ف السكرتارية بره الشخص:حاضر يا فندم ويمشي الشخص الي مكتب السكرتارية "فين الانسة شمس؟؟" شمس:ايوة انا ويمشي الشخص الي مكتب شمس ويحطلها الظرف علي المكتب "الظرف الي فيها العطاء بتاع شركتنا اهو ياانسة شمس" شـمــس:تمام شكرا كل الموجودين بيبصوا عليها وعلي الظرف ونادر منتبهش للموضوع نادر علي مكتبه واكرم يجي ومعاه ملفات كتير اكرم:خد يانادر ال12 ملف دول راجعهم نادر:حرام عليك ارحمني يا اكرم ده انا بخرج من الشغل بدعي ربنا يديني طاقة اوصل لحد البيت بعد كده يبقي يغمي عليا ويسندوني لحد الشقة....روحي الهي يجيلك الحضبة يا اكرم اكرم:اه انا لما اقولك خد ال12 ملف دول راجعهم تقولي بيغمي عليا وبيسندوني انما لما البااااشمهندسة شمس تقولك خد 32 ملف دول راجعهم امبارح تقولها ياسلاااام ده انت تامري نادر:تقصد ايه؟؟؟؟؟وضح كلامك؟؟ اكرم:لا مفيش نادر:طب غور من وشي يا اكرم ورايا شغل اكرم:حاضر....حاضر ويمشي اكرم الي مكتبه شمس منهمكة ف عملها رنا:شمس بقولك ايه؟ شـمــس:............................... رنا:يا شمس؟؟؟؟ شـمــس:اممممم رنا:عملتي ايه ف موضوع المناقصة؟؟ شـمــس:الاظرف الي فيها العطاء وصلتني اهي ...الي وصلني ده دلوقتي يعتبر الظرف الرابع شمس طلعته وشالته ف الدرج شـمــس:هقدمه باذن الله ف المعاد رنا:اوووك....تمام ربنا معاكي شـمــس:يارب رنا:عندي ليكي خبر بمليون جنيه شـمــس:خير؟ رنا:فرحي يوم الخميس الجي ده علي طول الي هو بعد بكره يعني شـمــس ف سعادة:الف الف الف مبروك يا حبيبتي ربنا يتمملك بخير رنا:الله يبارك فيكي شـمــس:طبعا انا معزومة؟ رنا:طبعا هو انا معقولة انساكي شـمــس:عزمتي حد تاني من الشركة؟ رنا:اه طبعا انا عزمت الكل شـمــس:ربنا يتمملك بخير ياحبيبتي الف مبروك رنا:عقبالك شـمــس وهي بتبص علي نادر وهو بيشتغل:هااااا لا انا بايني كده هستني شوية رنا:اوعي تقولي كده...انتي 1000 واحد يتمناكي شـمــس:يجي بس واحد من ال1000 دول رنا:ان شاء الله هيجي ----------------------------------- بعد انتهاء العمل نيرة ووالدها المدير ف البيت بسيوني:الحمدلله كله تمام ف الشغل نيرة:طب الحمدلله يابابا بسيوني:هااا اخبارك انتي ونادر ايه؟ نيرة:يعني...تمام...بس فين وفين لما بيتصل بيا بسيوني:معلش شغله صعب اوي ربنا يعينه نيرة:بصراحة بقي يابابا انا مضايقة من اختلاطه بزميلته دي الي مش عارفة اسمها ايه كده؟ بسيوني:انهي فيهم؟؟تقصدي رنا؟ نيرة:لا مش رنا..رنا انا عارفاها كويس لانها متعينة من زمان ..انا اقصد التانية بسيوني:مين؟ شمس؟؟ نيرة:شمس؟ Flash back> نيرة:ماشي هنطلع بره بس لازم اقول لبابا علي السكرتيرة دي علشان يخصملها نادر:خلاص يا شمس نيرة:ايييييييه مين شمس دي؟ نادر:اقصد خلاص يا نيرة الي حصل حصل وهي عندها حق نيرة بتوعد:ماااشي Back نيرة:تقريبا هي دي بسيوني:شمس دي اكفء واحدة جت ف السكرتارية وطبيعي انه يختلط بيها كتير لانها زميلته....ولا انتي غيرانة؟ نيرة:انا؟انا اغير من حتة سكرتيرة ولا طلعت ولانزلت زي دي؟؟لا طبعا بسيوني:امال ف ايه بقي؟؟قولتي مضايقة من اختلاط نادر بيها ليه؟ نيرة:شايفة نفسها كده وفاكرة نفسها الكل ف الكل....ده كل لما اروحله الشركة بتقعد تعمل حركات غريبة كده بسيوني:ازاي؟؟احكيلي نيرة:مرة لما روحت ل نادر ف الشركة قعدت تزعق وتقول ده مكان شغل باسلوب مستفز جداً ومرة لقيتهم واقفين علي جنب وبيتوشوا مع بعض ...بصراحة شمس دي بني ادمة مش مريحة بسيوني مدافعا:لالا يا شيخة اكيد شمس متقصدش ...انا عارف انها مدب انما كفء جداً هي علنياتها وتلقائية حبتين نيرة:حضرتك شايف كده؟ بسيوني:اه طبعا والا مكنتش امنتها علي الاظرف الي فيه العطاء بعد ما تنتهي كل شركة من التسليم نيرة بتفاجا:ايه؟؟؟اظرف العطاء؟؟؟هي الي معاها اظرف العطاء؟ بسيوني:ايوة هي الوحيدة الي هتكون قد المسؤلية وبعدين بصراحة نادر لسه جديد معانا ف الشركة لو كنت ادتهومله كانوا الموظفين هيتكموا ويقعدوا يقولوا ده اداله الاظرف لانه خطيب بنته...... مش كده؟ نيرة سرحانة وبتفكر "هااا اه طبعا يابابا.....تصبح علي خير" بسيوني:ماشي وانتي من اهله تمشي نيرة الي اوضتها وهي عمالة بتفكر ف حاجة معينة شاغلة تفكيرها نير ف سرها:ماشي انا بقي هخلص من شمس دي خالص ....مش هخليها تعتب باب الشركة تاني ----------------------------------- نادر ف بيته نادر عمال يفتكر شمس ويسرح فيها وفي شكلها ويفوق لنفسه ف لحظة نادر ف سره:انا لحد امتي هفضل مستحمل..انا مبحبش نيرة ومش قادر حتي اواجها علشان الوظيفة مهو خلاص مرتبي بقي قد مرتبي ف الشركة التانية 3 مرات ولو سبتها معني كده اني بضحي بالوظيفة...علي راي ماجد..لازم اصبر واضحي علشان اخد الي انا عايزه "لالا انا هتصل ب شمس حالا علشان اقابلها واقولها" ----------------------------------- شمس ترجع البيت ولسه هتدخل اوضة سلمي ورضوي رضوي كان معاها تليفون وهتقفل علي طول شـمــس:ايه كنتي بتكلمي مين؟ رضوي:لا مفيش دي..دي واحدة صحبتي شـمــس:ماشي ...امال سلمي فين؟ رضوي:راحت تشتري حاجات من المحل الي تحت شـمــس:طيب ماشي ....يلا انا هروح اغير هدومي رضوي:ماشي وتمشي شمس رضوي تمسك الموبايل وتتصل تاني "اوووف معلش اصل اختي دخلت فجأة....ها كنا بنقول ايه يا عمر؟" ----------------------------------- شمس غيرت هدومها وسمعت صوت جرس الباب سلمي ضربت جرس الباب وشمس تفتحلها سلمي:معلش اتاخرت شوية؟ شـمــس:كنتي بتشتري ايه؟ سلمي:هااا لا ابدا اصلي ملقتش الي كنت عايزاه شـمــس:طب يلا غيري هدومك وروحي نادي اختك عبال ما احضر العشاء سلمي:حاضر وتدخل سلمي الاوضة رضوي:كنتي فين؟؟انا قولت لشمس انك روحتي تشتري حاجة....شوفتي انا بداري عليكي ازاي؟ سلمي:انا فعلا كنت بشتري حاجة رضوي بعدم تصديق:ماشي يخرجوا كهم علشان يتعشوا وهما قاعدين علي السفرة مرة واحدة سلمي تقوم وتدخل الحمام وترجع!!! . . الحلقة العاشرة يخرجوا كهم علشان يتعشوا وهما قاعدين علي السفرة مرة واحدة سلمي تقوم وتدخل الحمام وترجع!!! شمس ورضوي قلقوا اوي علي سلمي ودخلوا وراها الحمام شـمــس بقلق وفزع:يا سلمي مالك ف ايه؟؟؟اوديكي لدكتور سلمي:لا انا كويسة يمكن بس اخدت برد ف معدتي شـمــس:خلاص لو تعبانة بلاش جامعة بكره سلمي:هااا لالا انا تمام .....انا كويسة شـمــس:طبعا مهو كله من الاكل الي بتاكلوه بره...100 مرة انبه عليكوا بلاش تشتروا اكل من بره مفيش فايدة سلمي:خلاص يا شمس مش مهم اكيد شوية برد وهيروحوا لحالهم شـمــس:ماشي بلاش جامعة بكره وروحي اوضتك وهعملك كباية لبن تشربيها سلمي:لا ياشمس شكرا روحي انتي نامي انا هبقي كويسة بكره شـمــس:متاكدة؟ سلمي:اه يلا زي ما بقولك كده...روحي ومتخديش ف بالك رضوي:متقلقيش ياشمس انا معاها لو احتاجت حاجة شـمــس:ماشي....تصبحوا علي خير رضوي وسلمي:وانتي من اهله ياشمس شمس راحت اوضتها وسلمي ورضوي راحوا اوضتهم تتلقي شمس اتصال من نادر و ترد شمس علي الموبايل شـمــس بفرحة:آآآآآ الوو.....ازيك يا نادر؟ نادر بفرح: يااااا كويس انك سجلتي رقمي شـمــس:هااا اه سجلته عادي يعني نادر:طيب تمام...اخبارك؟ شـمــس ف سعادة:الحمدلله نادر:ف مانع لو شوفتك بعد الشغل؟ شـمــس ف فرحة شديدة:لاابدا مفيش مانع...بس ليه؟ نادر:هااا حاجة بخصوص الشغل شـمــس بابتسامة وسعادة:طيب تمام...تصبح علي خير نادر:وانتي من اهله ويغلق نادر الخط نادر:انا مش هخاف من حاجة ولا من حد انا هتشجع و اول ما اشوفها هقولها ف وشها شمس علي كل الي بيحس بيه من ناحيتها نيرة تقوم بالاتصال ب نادر "يووو وده وقتك دلوقتي" يرد نادر علي الموبايل "الووو" نيرة:ازيك يا حبيبي؟ نادر ببرود:الحمدلله بخير نيرة:بصراحة وحشتني اوي ولقيتك مبتسالش قولت اسئل نادر:معلش انتي عارفة ظروف الشغل نيرة ف سرها:اه طبعا عارفة وعارفة كمان انك مهتم اوي بالي اسمها شمس دي وانا قريتها ف عنيك يا نادر واكتر من مرة تغلط ف اسمي وتقولي يا شمس نادر:ف حاجة؟ نيرة:لا ابدا كنت عايزة ابلغك ان بابا مستعجل علي كتب الكتاب وعايزه ف اقرب وقت نادر:هاااااا بس يعني..... نيرة مقاطعة:بس ؟؟؟هو انت مش مستعجل ولا ايه؟ نادر:لا اقصد يعني......انا اتفاجأت..اديني مهلة ادبر اموري نيرة:اوكي يانادر تصبح علي خير نادر:وانتي من اهله ويغلق نادر الخط "وبعدين بقي انا هتصرف ازاي؟؟مقدرش افسخ الخطوبة لانه اكيد ابوها هيرفدني من الشغل ومقدرش افرط ف شغل زي ده وكمان مقدرش اتجوزها وانا مش حاسس تجاهها باي احساس...اوووووف ياربي بقي انا مش عارف المعادلة دي تتحل ازاي!" شمس ف اوضتها ف منتهي السعادة "ياتري عايزني ليه بكره؟؟يلا يا خبر بفلوس بكره يبقي ببلاش" وتذهب شمس الي النوم ----------------------------------- سلمي ورضوي ف اوضتهم رضوي:بقيتي احسن دلوقتي؟ سلمي ف حزن وارتباك:اه.... تمام رضوي:طب يلا تصبحي علي خير سلمي:وانتي من اهله تذهب رضوي الي النوم بينما تبقي سلمي مستيقظة Flash back> ماجد:بصي بقي انا مقدرش افاتح اخويا ف موضوع جوازنا دلوقتي سلمي بخضة:ليه؟؟؟ ماجد:بصراحة بقي انا ظروفي متسمحش بارتباط خالص وانتي عارفة كده كويس علشان موضوع اخويا وكده سلمي:يعني بقي الكلام ده؟؟طب والعمل؟ ماجد:بصي ياستي احنا دلوقتي هنتجوز عرفي مؤقتا وليا شقة هاجرها شرك انا و2 تانين ب500 جنيه ف الشهر ونتقابل فيها...ها قولتي ايه؟ سلمي:نعم؟؟؟؟؟؟؟؟لا طبعا انت اتجننت؟انت عايزني اتجوز بالطريقة دي من ورا اهلي ماجد:يا حبيبتي ده بصفة مؤقتة وبعدين انتي عارفاني كويس وعارفة اني بحبك وعلي العموم خلاص براحتك لو عايزة نفترق سلمي:لا طبعا يا ماجد...انا بحبك ومش ممكن اتخلي عنك ماجد:لا يا سلمي انتي مبتحبنيش لو كنتي بتحبيني كنتي وثقتي فيا زيادة ووافقتي علي القرار ده...انا عارف انه قرار مش سهل بس مش بايدي حاجة اعملها سلمي:ماجد الي بتقوله ده مستحيل ماجد:ليه هو احنا هنعمل حاجة غلط؟ سلمي:اه طبعا هنعمل حاجة غلط انت اتجننت؟ ماجد بسخرية:صدقيني يا سلمي ده بصفة مؤقتة سلمي:انت عارف لو اختي الكبيرة عرفت ممكن تعمل ايه؟ ماجد:يوووو يادي اختك الكبيرة الي فلقاني بيها وبتخافي منها...بصي بقي انتي حره براحتك بس لازم تعرفي ان انا بحبك ولا يمكن اعمل حاجة تضرك ابدا سلمي هتصدق كلامه وهتنخدع سلمي ف تردد:ماشي انا موافقة ....مفيش مانع.... بس لازم تامني الاول ماجد:يعني ايه؟ سلمي:يعني لازم يبقي معايا نسخة ماجد ف قلق:اه طبعا طبعا يا سلمي لازم آمنك طبعا سلمي:خلاص يبقي استبينا ماجد يطلع من جيبه ورقتين "بصي بقي انا مجهز كل حاجة اهو الورقتين اهم وعليهم امضتي...يلا امضي بقي" سلمي توقع علي الورقتين ماجد:مبروك ياحبيبتي سلمي:مبروك يا حبيبي Back سلمي:انا خايفة اوي شمس متسامحنيش علي الي عملته لما تعرف ف اليوم التالي تصل شمس الي العمل ونادر لم يصل بعد شـمــس:صباح الخير الموجودين:صباح النور شـمــس وهي بتبص علي مكتب نادر:امال فين.................. اكرم مقاطع بنظرة اعجاب وابتسامة:تقصدي رنا؟؟لا مهي ماجاتش علشان عقبال عندك فرحها بكره الخميس شـمــس بارتباك:هااا اه طيب ماشي شكرا يا اكرم انك فكرتني انها مجتش علشان الفرح شـمــس ف سرها:ياتري موصلش ليه لحد دلوقتي؟؟ وفجأة نادر يوصل "صباح الخير يا جماعة" شـمــس بابتسامة:صباح النور نادر وهو مبلم وبيبصلها "صباح الفل" شـمــس:احم احم ياتري الملف بتاع البوسطا جاهزة نادر:هااا اه جاهزة اكرم يلاحظ نظراتهم لبعض اكرم:ايه نسيب بقي شغلنا ونقضيها سلامات يا عم نادر نادر:هااا معلش انا اسف اصلي لسه واصل اكرم:يلا قدامنا شغل كتير شـمــس ف سرها:ربنا يخدك يا اكرم نادر يقعد علي مكتبه "هااا الايميل الي هنبعته جاهز؟" اكرم:لسه شوية نادر:طب يلا شد حيلك عايزين نخلص بقي شـمــس:البت رنا دي وحشتني اوي يلا ربنا يتمملها بخير....انا عايزة اشرب قهوة نادر:استني بقي هموت واشرب فنجان قهوة نادر&شمس:عم متولي!!!! متولي:نعم؟؟مين فيكوا الي عايزني؟ نادر وشمس يبصوا لبعض نادر&شـمــس:فنجنان قهوة وحياتك متولي:انتو الاثنين؟ يبصوا لبعض تاني نادر&شـمــس:بس يكون علي الريحة متولي:حااااضر...حاجة تانية ميردوش متولي:طيب انا رايح نادر وشمس بصوا لبعض وعمالين يضحكوا شمس طلعت اظرف العطاء من الدرج علشان تطمن انهم موجودين واكرم هيبص علي الاظرف باهتمام نادر وهو بيقوم:معلش يا اكرم انا هروح الحمام اكرم:هااا ماشي اتفضل يمشي نادر زميل اخر:شمس المدير عايزك ف مكتبه جوه شـمــس:حاضر جاية معاك اهو وتمشي شمس ----------------------------------- ماجد بيتصل ب سلمي وهي ف البيت ماجد:ايه مجتيش الجامعة ليه انهارده؟ سلمي:معلش يا ماجد تعبت شوية امبارح و شمس قالتلي بلاش جامعة انهارده ماجد:طيب تمام الف سلامة عليكي...يعني مش هشوفك انهارده؟ سلمي:مش عارفة...شمس عارفة اني مروحتش الجامعة..لو خرجت هتقعد تفتحلي محضر وسين وجيم ماجد بضيق:ماشي خلاص ميهمش سلمي:طيب متزعلش ماجد:لا مش زعلان سلمي:ماجد انا حاسة اننا بنعمل حاجة غلط ماجد بتمثيل:ليه بس ياحبيبتي؟ سلمي:مش عارفة انا حاسة بكده ماجد:لا متخفيش مش انتي بتثقي فيا؟ سلمي بابتسامة:طبعا يا ماجد بثق فيك ماجد:خلاص يبقي لازم تعرفي انك ف امان طول مااحنا مع بعض سلمي: حاضر....طيب هكلمك كمان شوية علشان هقعد اذاكر ماجد:طيب تمام....سلام سلمي:سلام ويغلق ماجد الخط "يوووو هي اختها الكبيرة دي طالعالي ف المقدر...معلش ملحوقة" سلمي بعد ما تقفل مع ماجد هتجري علي الحمام علشان ترجع!!! ----------------------------------- شمس ترجع من عند المدير علي مكتبها نادر:كان...كان عايزك ف حاجة؟ شـمــس بنظرات اهتمام:لا ابدا بيطمن مني علي الشغل نادر بابتسامة:تمام نادر وشمس يسكتوا وفجأة نادر يتكلم "الا انتي اخبارك ايه يا شمس واخبار....اخواتك؟" شـمــس بتردد:الحمدلله وانت اخبارك ايه انت واخواتك؟ نادر:الحمدلله شـمــس:واخبار نيرة؟ نادر بارتباك وحزن:الحمدلله وفجأة نيرة تتصل بنادر ويقفل تليفونه ويحطه علي المكتب شـمــس ف سرها:ياتري عايزني ليه بعد الشغل؟؟ نادر ف سره:انا لازم لما اقابلها انهارده واصارحها ايا كانت النتيجة اكرم:نادر........نادر؟؟؟؟؟....ناااااااااااااااااادر نادر:ايييه؟خضتني يااخي اكرم:عمال بكلمك من الصبح نادر:معلش كنت سرحان...ايه عايز حاجة؟ اكرم:اه بص كده يا نادر علي الملفين دول نادر:تمام حاضر بعد انتهاء العمل شـمــس: بقي ياربي ابقي اكتر يوم محتاجة فيه رنا ملقيهاش معايا هو ايه جوازها ده هيجي علي دماغي!!...انا احسن حاجة اتصل بيها واخد رايها ف الموضوع ده وتقوم شمس بالتصال ب رنا وتجيب رنا علي الهاتف رنا:ازيك يا شمس عاملة ايه؟؟وحشتيني اوي شـمــس:انتي اكتر والله رنا:خير ف حاجة؟ شـمــس:انا محتجاكي ضروري اوي رنا:خير يا حبيبتي احكيلي؟ شـمــس تحكي ل رنا علي الي نادر قاله رنا:بصي اسمعيني كويس...وانتي خارجة دلوقتي من الشغل اعملي نفسك مش واخدة بالك ونسيتي الموضوع شـمــس:حاضر... بس ليه؟ رنا:اعملي الي بقولك عليه...خليه هو يجي ويقولك علي الي هو عايزه شـمــس:بس تفتكري عايز ايه؟ رنا بمكر:معرفش شـمــس:طيب ..انا متشكرة اوي واسفة اني ازعجتك رنا:علي ايه يا حبيبتي احنا اخوات وابقي سلميلي علي اخواتك شمس:يوصل رنا:اوعي تنسي معاد الفرح شـمــس:لا طبعا مش ناسية عيب عليكي تقولي كده رنا:ماشي يا حبيبتي...عايزة حاجة شـمــس:لا يا حبيبتي شكرا.........يلا سلام رنا:سلام رنا:والله شمس دي عاملة نفسها برم وهي لا فاهمة اي حاجة...بس معلش انا هتصرف وتغلق شمس الخط "احسن حاجة اعمل زي ما قالتلي اما نشوف اخرتها مع سي نادر ده" شمس خرجت من الشغل ولا عبرت نادر وهو مشي وراها "انسة شمس" شمس باستهبال:افندم؟ نادر:هو احنا مش كنا اتفقنا هنتقابل بعد الشغل شـمــس باستهبال:آآآآآآآآه صح افتكرت قولتلي عايزني ف حاجة بخصوص الشغل...خير بقي؟ نادر:بصراحة هي حاجة ملهاش اي علاقة بالشغل شمس باندهاش:امال ليها علاقة بايه؟ نادر بتنهيد:شمس انا مش عارف ليه دايما بفكر فيكي وبتيجي علي بالي يعني لما بشوفك بحس اني متغير كاني مش انا شـمــس ف سرها:غريبة...ده نفس احساسي شـمــس باهتمام:مش فاهمة.....وضح كلامك نادر:شمس......شمس انا.....انا.... شـمــس باهتمام:ايه؟ نادر يلاقي نفسه غصب عنه كلمة هتخرج منه من غير ما يحس "شمس انا بح........ ومكملش نادر كلمته لان عربية جت بسرعة ناحية شمس........................................... . . الحلقة الحادية عشر نادر:شمس......شمس انا.....انا.... شـمــس باهتمام:ايه؟ نادر:انا بح........ ومكملش نادر كلمته لان عربية جت بسرعة ناحية شمس نادر بخضة وفزع وباعلي صوته:حسبي يا شــــــــــــمس شمس تنتبه فجأة ف فزع يقوم نادر يجري عليها بسرعة ويزقها بعيد عن العربية فا يقع عليها نادر واقع عليها ف الشارع والناس اتلمت عليهم ونيرة كانت بتفرج علي الموقف بغيظ نادر بحنان:انتي كويسة؟ شـمــس بخوف:ممكن تقوم من فوقي بقي علشان الناس بتتفرج نادر ياخد باله ويلاحظ "هااا حاضر.....اتفضلي" نادر يقوم من عليها وياخد ايديها ويقومها وهما عمالين يبصوا لبعض وتيجي نيرة من وراه نيرة بجفاء:برافو برافو يا بطل ايه الشجاعة دي كويس انك انقذت زميلتك ف الشغل وفرجت الناس عليك وانت واقع عليها ف الشارع نادر ميردش وشمس حاطة عنيها ف الارض نيرة بجفاء:ممكن تيجي معايا؟ شـمــس ف خجل:طيب مع السلامة بقي يا نادر وتمشي شمس وهي تدمع عيناها نادر:يا شمس استني احنا لسه مكملناش كلامنا.......انا.... نيرة شدته من ايده نادر بزعيق:ممكن تفهميني بقي ايه الي عملتيه ده؟احرجتيها يا نيرة نيرة:والله؟؟؟وانت شايف يعني ان منظرك انت وهي وانتو واقعين علي بعض ف الشارع مكنش محرج نادر:نيرة دي كانت حادثة نيرة:ماشي يا نادر نادر:ممكن تقوليلي بقي ايه الي جابك؟ نيرة:ايه مكنتش عايزني اجي ولا ايه؟ نادر:لا ابدا مجرد سؤال نيرة:ماشي....انا جيت علشان اشوفك علشان وحشتني نادر ف سره:انا كنت علي وشك اني اقولها لولا انتي جيتي...انتي ايه حد مسلطك عليا؟؟ نيرة:نادر نادر:.......................... نيرة:نااااااادر نادر:ايه ؟؟معاكي معاكي نيرة:لا انت مش معايا خالص نادر:معلش طالع من الشغل تعبان والخضة الي حصلت دي ....ينفع ناجل كلامنا لبعدين نيرة بعصبية:اوك يا نادر ماشي اتفضل نادر:مع السلامة نيرة:باي وتمشي نيرة نادر ف سره بعصبية:يووو يعني كان لازم ده يحصل!!انا خلاااص كنت علي وشك اني اقولها ....بس مش عارف ازااااي ازاااي كنت هقولها كده؟؟؟انا خلااااص مبقتش فاهم حاجة شمس رجعت البيت وهي بتعيط وسلمي وضوي يشوفوها سلمي:مالك ياشمس بتعيطي ليه؟ رضوي:مالك؟؟فيكي ايه؟ شـمــس بعياط:سبوني ف حالي ملكوش دعوة بيا يلا كل واحدة علي مذاكرتها سلمي بتنهيدة:حاضر هنريحك ونعمل الي انتي عايزاه بس الاول احكيلنا شـمــس وهي بتمسح دموعها:قولت مفيش حاجة سلمي بشك:براحتك يا شمس....يلا يا رضوي نادر ف اوضته نادر:طب اعمل ايه؟؟ اتصل بيها؟ نادر بيمسك الموبايل بتردد جامد "لالا انا لازم اتصل بيها اعتذرلها علي الي حصل...اكيد اضايقت" نادر بيتصل بشمس شـمــس شافت اسمه ورقمه قفلت الموبايل نادر بخضة:ايه ده؟ دي قفلت الموبايل شمس من غيظها راحت رمت الموبايل وكسرته سلمي دخلت عليه وبصت علي الموبايل وهو مكسور سلمي:ايه ده؟؟ايه الي كسره كده؟ شـمــس بعصبية:وانتي مالك انتي؟انا ياستي الي كسرته انا حره سلمي:جري ايه يا شمس هو حصل ايه لكل ده؟ شـمــس:الي حصل انه......انه...ممكن تسبيني دلوقتي ؟ سلمي:لا مش هسيبك الا ما تحكيلي شـمــس ف استسلام:ماشي ....هتنيل احكيلك ----------------------------------- نادر ف اوضته متعصب لان شمس مردتش عليه "خلاص عنها ما ردت وانا ايه الي يهمني يعني؟؟؟ ما تتفلق" يدخل عليه ماجد "ايه مالك؟؟شايط كده ليه؟" نادر:مفيش انا كويس يا ماجد ماجد:لا انت مش كويس....ممكن تحكيلي بقي فيه ايه؟ نادر:معلش يا ماجد بعدين بقي انا تعبان جداً دلوقتي وفجأة نادر يجيله اتصال علي الموبايل من رقم غريب ----------------------------------- شمس حكت الي حصل ل سلمي سلمي:آآآآه بقي هو ده الي مزعلك؟ شـمــس:وده شوية يعني؟؟ سلمي:لا بس مش معني كده انك مترديش عليه وتكسري الموبايل كان لازم تهدي شوية شـمــس:الي حصل بقي سلمي:بس قوليلي صحيح مش هو ده الي جابلك الكحفظة وادتيله بالبونيه ف عنيه وبعد كده جه هنا تاني علشان يخلصك من فرغلي شـمــس بحزن:هو سلمي:امممممممم طيب مرة واحدة سلمي تحط ايديها علي بوقها علشان ترجع وتجري علي الحمام!!! شـمــس بخضة:مالك يا سلمي؟؟ايه بترجعي تاني!!!! سلمي جريت علي الحمام وشمس وراها شـمــس:لالالا الموضوع ده ميتسكتش عليه...احنا لازم نروح لدكتور يكشف عليكي ويشوف سبب الترجيع ده سلمي:ياستي يمكن شوية برد عادي يعني شـمــس:معلش نروح بردو علشان نطمن ونشوف معدتك فيها ايه!! سلمي:متشغليش بالك صدقيني هبقي كويسة شـمــس:ماشي تعالي بقي اوديكي لاوضتك سلمي تروح مع شمس لاوضتهم شـمــس:يلا ارتاحي بقي انا قايمة شمس لسه هتمشي وسلمي هتمسك ايديها شـمــس:ايه؟عايزة حاجة؟ سلمي بهدوء وحزن "شمس انا مش عايزاكي تزعلي مني مهما حصل...سامحيني يا شمس" شـمــس بقلق:اسامحك؟؟؟اسامحك علي ايه؟؟ف ايه قلقتيني سلمي بارتباك:لا مفيش انا بقولك كده بس علشان مقصرة ف المذاكرة ومش عايزاكي تزعلي مني لو جبت تقدير وحش السنادي شـمــس بارتياح وهي تضرب علي كتفها بحنان:اووووف خضتيني ياشيخة...انا رايحة اعملك حاجة تكليها سلمي بابتسامة مصطنعة:ماشي وتمشي شمس سلمي ف سرها:سامحيني يا شمس انا عارفة انك لو عرفتي عمرك ما هتقدري تسامحيني ----------------------------------- رنا بتتصل بشمس و ترد شمس علي الموبايل شـمــس:الو ايوة يا رنا....فيه حاجة؟ رنا:لا مفيش كنت باكد عليكي بس بمعاد الفرح بكره شـمــس:يييييي تصدقي انتي بنت حلال انا نسيت فعلا رنا:طب كويس اني كلمتك اكد عليكي واديكي العنوان كمان شـمــس:ماشي هاتي العنوان شمس جابت ورقة وقلم "هااا مليني العنوان" رنا:العنوان (.....................) شـمــس:تمام خلاص كتبته رنا:ماشي...اوعي متجيش شـمــس:لا ازاي طبعا جاية رنا:ماشي يا قمر ....سلام شـمــس:سلام ----------------------------------- نيرة بتتصل ب نادر نادر قفل الموبايل نيرة بغيظ:ماشي يا نادر....اكيد طبعا مقموص من الي حصل انهارده ..خلاص يتفلق ----------------------------------- شمس ف بيتها ف الصالون وقاعدة مع سلمي و رضوي شـمــس:قوليلي بقي اعمل ايه؟عندي فرح بكره ومش عارفة هلبس ايه؟ رضوي:خلاص بسيطة بكره ننزل نشتري فستان تحضري بيه الفرح شـمــس بسخرية:الله عليكي يابت ....جبتي التايهة ...هو انا لاقية اكل لما هشتري سواريه رضوي:اه يا شمس لاقية تاكلي امال الفلوس الي ف الدرج دي لزمتها ايه؟ شـمــس وهي تطرق علي جبينها:صحيح فكرتيني ...دي سلفة من الشغل كنت وخداها علشان اجيب فستان سلمي:طيب يا فالحة روحي بقي روشي نفسك ووريهم المزة الي جواكي شـمــس:اتلمي يا سلمي سلمي:ماشي تصبحوا علي خير بقي علشان رايحة الكلية بكره شـمــس:وانتي من اهله رضوي:خديني معاكي...ايه يا شمس مش هتنامي؟ شـمــس:لا شوية كده وهنام....يلا روحوا بقي... تصبحوا علي خير ويمشي كل من سلمي ورضوي شمس قاعدة بتفكر ف الي حصل "انا احسن حاجة ابعد عنه خالص ....انا مش عايزة اشوف خلقته ابدا" ----------------------------------- ف منتصف الليل امام الشركة شخص مجهول يتسلل الي داخل الشركة ويقوم بالذهاب الي مكتب شمس وفتح الدرج الموجود ف اظرف العطاء وفتحهم واحد تلو الاخر ----------------------------------- ف اليوم التالي رنا بتتصل ب شمس علي الموبايل رنا:ايوة يا شمس انتي فين؟ يلا بسرعة علشان متتاخريش شـمــس من الهاتف:انا ف الطريق يا رنا متقلقيش مش هتاخر...دي 3 مرة تتصلي بيا تاكدي عليا المعاد...هو ف ايه يا رنا؟ رنا بخبث:ياستي مفيش عادي انا بس مهتمة بصراحة انك تيجي شـمــس:ماشي مش هتاخر سلام رنا:سلام رنا بعد ما تقفل مع شمس "اوووووف كده تمام كل حاجة خلاص اتظبطت" شمس وصلت الفرح وكانت لابسة فستان اسود طويل ومنقوش عليه بالابيض وكانت جميلة اوي وشكلها مبهر رنا اول ما شافتها قامت من علي الكوشة بانبهار علشان تسلم عليها رنا تروحلها شـمــس:الف مبروك يا عروسة ايه الحلاوة دي؟! رنا:انا بردو؟؟؟تعالي قوليلي هنا ايه كل ده؟اش اش ده يخربيت سنينك ده انتي احلي مني شـمــس بابتسامة:بجد يا رنا؟؟؟ربنا يخليكي يا حبيبتي انتي الي زي القمر رنا بخبث:مااااشي انا رايحة اقعد جنب عريسي بقي وشوفيلك حتة تقعدي فيها شـمــس:ماشي يا حبيبتي شمس راحت تقعد علي تربيزة فاضية يجي شخص من وراها "تسمحيلي اقعد معاكي ياشمس؟" شمس تلتفت علشان تبص هتبرق وهي مرتبكة ومش عارفة تقول ايه!! *********************
