36٬982
امشي بسرعه زين تغراب : ليه ؟! روح : اصل……. ( يقاطعها وصول الشخص جنب شباك روح ) هارون : انزلى زين : هى مين اللى تنزل ؟؟ ( ينزله زين ويقف قدام باب روح ) زين : خير ! هارون : الوليه دى مرتى زين : نعم !!!! .. مراتك ازاى يعنى ؟؟ هارون : كنا هنكتبو الكتاب قبل ما انت تخ.طفها ( زين يستوعب من شكله وهيئته وكلامه ان هو دا العمده اللى كان عايز يتجوزها ) زين : مبدئيا هى مراتى انا مش خاطفها ولا حاجه .. ثانيا مين حضرتك ؟! هارون : مش مهم تعرف مين
.. هم انك تخليها تنزل عشان تعاود معايا زين : بص انت شكلك كده شارب حاجه .. اتكل ع الله وشو..ف كنت رايح فين .. انا مش فايقلك هارون بتحدى : مش هتكل غير وهى ويايا .. الا ورحمه ابوى اخدها واسيبك ع نقاله يضحك زين تهزاء : انت راجل كبير والله انا عليك احسن يحصلك حاجه من اللى هعمله فيك ( يبصله هارون وابتدى يتنرفز من بروده ولسه هيقرب عشان يفتح الباب .. زين يمسك ايده ويلويها ورا ضهره .. يقرب ع ودنه ) زين : لو دكر قرب منها تانى .. انا لحد دلوقتى بهدد بس بلاش انفذ
عشان اقسم بدينى ما هرحمك ومش هسيبك الا ع نقاله فعلا زى ما قولت هارون بيه : سيبنى والا هنك ( زين يزقه جامد لدرجه انه كان هيقع ) زين ببرود : وانا عاوز ان هارون بنرفزه : انا هسيبك دلوقتى لكن هعاود تانى ووقتها هتكون نهايتك زين بابتسامه : منتظرك ( يبصله بيه ويسيبه ويمشى .. زين يركب العربيه يلاقى روح وكمشانه ف نفسها .. يستغربها جدا .. كان عاوز يتكلم معاها بس حس ان الوقت مش مناسب انه يتناقش .. مسك ايدها بهدوء وهى بصتله .. حرك راسه وبصلها بمعنى اطمنى .. تتنهد وتحاول تتحكم ف ها ..
يتحرك بالعربيه .. يعدى الوقت .. يوصلوا البيت .. يدخلوا البيت يلاقوا كل الانوار مطفيه والبيت هادى جدا ) زين : تقريبا نايمين روح : امممم زين : متعمليش صوت عشان مش فايق اتكلم مع حد دلوقتى روح : متقلقش مش هيحسوا بينا زين : تمام ( زين يمشي ووراه روح .. فجاءه يسمع صوت ازاز اتك.سر والصوت كان عالى جدا .. يبص وراه بسرعه ويلاقى النور اتفتح .. كامل ومايسه صحيوا ع اثر الصوت .. يبص يلاقى روح واقعه ع تربيزه الصالون والازاز اللى ع وش التربيزه اتك.سر كله .. يتخض ويجرى عليها ) زين بحذر : استنى متتحركيش
إتبعنا
