حواديت_مَريمه_وياسين 1
اخدت اللانش بوكس مني ونزلوا هما الاتنين
ماما:- روما خدي اقبضي معاش باباكي وهاتي الطلبات دي وتعالي
° حاضر يزوزو هلبس وانزل علي طول
………………………………………………….
‘ تحفه يمريم ، مكنتش متوقعه تفصيلك كده ولا الفستان هيبقي بالحلاوه دي اصلا !!
فرحت جدا من رد فعل بنوته بتعمل فستان خطوبتها عندي
° بجد؟! تتهني بيه يروحي الفستان حلو عشان انتي لابساه
‘ بجد جميل جدا ..هادي كده ، انتي اصلا كل تفصيلك جميل ، ليه مبتفتحيش مكان وكده؟!
° لما ربنا يريد إن شاء الله
‘ ربنا يوفقك يقلبي همشي انا بقي
وصلتها لعند الباب ورجعت اكمل شغل تقفيل دريسات ولبس لناس تانيه ، والحقيقه انا بحب شغلي قوي.. اتعلمت الخياطه من ماما ولما كبرت اخدت كورس في التفصيل والتصميم وبقيت اصمم استايلات خاصه بيا وافصلها حلمي بقي يبقي عندي استور خاص بيا للزي الشرعي ، انا واثقه ان ربنا هيحققلي حلمي في يوم
وتكمل الايام بروتين جدا وفي يوم الاجازه قولت انزل المكتبه زي ما بحب دايما
‘ بنت حلال الكتب اللي عايزاها وصلت ، ادخلي بقي اقرأي براحتك
° ياااه اخيرا ، تصدقك يعم محمد انت احسن راجل في الدنيا
ضحك :- يبكاشه ادخلي يلا
دخلت علي ركني المفضل وبدات اقرا في كتاب
‘ احم حضرتك الانسه مريم حسن؟!
رفعت راسي باستغراب وقولت
° اه أنا ، مين حضرتك؟!
#بقلم_مَريمه
#حواديت_مَريمه_وياسين
‘ انا ياسين الزهران ، اخ هدي اللي عملتيلها فستان خطوبتها من اسبوعين
بدأت اجمع الموضوع طب عايزني في ايه ده !!
صل علي مُحمد
° خير حضرتك ..في مشكله؟!
‘ لا ابدا بس ممكن اقعد؟!
هزيت راسي باه فقعد قصادي وبدا يتكلم
ياسين:- بصي انا عرفت مكانك من هدي هي قالتلي انها قابلتك اول مره هنا في المكتبه ،وكنت محتاج اتكلم معاكي في موضوع شغل؟!
° شغل؟! مش فاهمه؟
قال بابتسامه:- انا عندي محل ملابس للمحجبات في شارع*******والحقيقه استغربت هدي لما حبت تفصل دريس عندك بالرغم من وجود كتير في المحل ، لاكن لما شوفت تصميمك عرفت هي ليه اصرت علي كده
كنت بسمع بتركيز :- تمام وبعدين
‘ وبعدين ، فكرت ليه منشتغلش مع بعض بمعني انتي تصممي وتفصلي وتعرضي شغلك عندي في المحل
° طب ماحضرتك قولت عندكم بالفعل دريسات وشغل كتير ليه انا بقي ؟!
قال بعمليه:- الفتره الاخيره المصانع اللي بتعامل معاها تقفيلها مبقاش افضل حاجه ده غير كمان معظم القماش بقي في نسبه شفافيه وانا بشتعل في الزي الشرعي فاكيد فاهمه ان القماش لازم يبقي ساتر تماما
