اسكربت بقلم آية حمام

1
_أدهم.
_عيونه.
_ما تيجي ننزل شوية أنا مليت من البيت تعالى ننزل نشتري أي حاجة ونتمشى سوا.
كنا قاعدين بعد المغرب وحاطط راسه على رجلي إتكلمت وأنا بلعب في شعره وبقول له ننزل شوية.
طول الوقت قاعدة لوحدي في الشقة مش بعمل حاجة طبيعي أحس بملل وزهق.
رد عليا بعد ما اتعدل وعدل خصلة من شعري
_عايزة ننزل فين
_أي مكان أنا معرفش حاجة هنا بس أكيد يعني أنت عارف.
_طب قومي إلبسي وهننزل وشوفي محتاجة إيه للبيت نبقى نشتريه بالمرة وإحنا راجعين.
ابتسمت بحب وقومت بعدها لبست وجهزت حالي وهو دخل يجهز وكنت أنا بدأت أشوف الحاجات الناقصة في المطبخ.
خرجنا بعد حوالي ساعة نزلت وأنا إيدي في إيده وبيكلمني عن الأماكن ال بنعدي عليها.
بقالنا هنا حوالي سنة بعد جوازنا بشهرين كان لازم ييجي علشان شغله محبتش أعيش لوحدي بعيد عنه في محافظة تانية ف اختارت آجي معاه ونعيش هنا سوا.
_كفاية يا أدهم علفكرة أنا مش نازلة علشان نخسر كل دا.
_خسارة إيه دي فلوسك هو أنا بشتغل ليه يعني مش علشانك
_يا حبيبي برضه لازم نبقى هاديين شوية في المصاريف بعدين أنا عندي منهم كتير.
_ملكيش دعوة.
عارف إني بحب الشرابات الكبيرة شوية ال بتكون عليها فرو ف عايز يجيب لي منها ألوان كتير برغم إني جايبة جديد وقت جوازي!
ابتسمت على حبه وكان بودي أبوسه بس إحنا في مكان عام وكدا هيبقا قلة حياء.
روحنا كملنا باقي الحاجات ال بنشتريها وحاسب ورجعنا الشقة.
_هدخل أغير وآجي أعمل العشا يا حبيبي مش هتأخر.
أخدت الشنطة بتاعتي ودخلت الأوضة أغير خلصت وخرجت أجهز الأكل وخلصته بسرعة وقعدنا سوا.
_هو الموبايل بتاعي معاك صح
_تقريبا أهه في الشنطة ثواني هجيبه ليك.
دخلت أجيبه بس لقيت رسالة لسة واصلة من رقم مش متسجل غير ب إيموچي.. بس ثانية!
دا نفس الإيموچي ال مسجل بيه رقمي!!
صاحبة الرسالة كانت بتقول له إنه وحشها وهييجي إمتى بقا!
إتصنمت مكاني من الصدمة وفوقت على صوته وهو بيستعجلني بسرعة فتحت الموبايل وأخدت الرقم كتبته في ورقة وقفلت الموبايل خالص ومسحت وشي وخرجت إتكلمت بعد ما حاولت أرسم ابتسامة علشان مش يحس بحاجة.
_لقيته مقفول ودورت على الشاحن بس مش جوا.
_أكيد مش فاصل شحن أنا كنت شاحنه قبل ما ننزل.
_طب جرب كدا يمكن يفتح معاك.
_أهو يا بنتي هو بس ميقدرش يقاومني.
ضحكنا وهو فتحه وقلب فيه شوية وغالبا لاحظ الرسالة.
_طب حبيبتي هقوم آخد دش بقا وأنت إعملي حاجة نشربها.
_حاضر هشيل الصحون أغسلها وأعمل يكون أنت خرجت وهستناك في الأوضة.
_وإبقي هاتيلي غيار بالمرة بقا.
_عنيا.
قام دخل الحمام وأنا بدأت ألم الصحون وبعدها قربت على باب الحمام لما سمعت فيه همس جوا
بيوعد حد إنه جاي بكرة! بيقول هيقنعني بأي حجة!
تاني صدمة على التوالي عمالة بقنع نفسي يكون بيكلم واحد صاحبه بس لو بيكلم واحد صاحبه ليه هيهمس معاه كدا ليه هيبقا مريب بالطريقة دي أصلا ليه هيكلمه في الحمام!
انتبهت على صوت الماية وخرجت غسلت الصحون وأنا بحاول أوقف دماغي عن التفكير حاليا لحد ما أتأكد أكتر.
خلصت وأخدت له هدوم إديتها له وعملت عصير جوافة وأخدته الأوضة أستناه شوية وجه.. مكانش منشف شعره كويس ف جيبت فوطة وإتحركت ناحيته ووقفت رفعت نفسي أنشفه له.
_كام مرة أقول لك إن لو شعرك مبلول وإتعرضت لجو برد هتبرد وتتعب يا أدهم ولا لازم أنشفه كل مرة أنا يعني
_سحبني بإيده وإتكلم وهو حد يلاقي الدلع والحنية ويقول لاء يا عيون أدهم أنت.
_طب تعالى أقعد هنا علشان تتغطى يلا.
_طب أنا عايز أقول
لك حاجة الأول.
_قول يا حبيبي.
_أنا لازم أسافر شغل بكرة هرجع القاهرة.. هي فترة مؤقتة يعني يومين تلاتة بالكتير.
_إيه العبط دا
مش كنا عايشين في القاهرة وهم ال خلوك تيجي هنا ليه يرجعوك هناك تاني بقا.
_مش رجوع تاني يا حبيبتي دا بس حاجات خاصة وهتخلص في يومين إن شاء الله.
_حاضر يا أدهم بس متغيبش أوي علشان أنت عارف إني مش بحب أفضل لوحدي كتير وأنت بتوحشني علطول أصلا.
_ماقدرش أغيب أصلا يا حبيبة أدهم.
أخدني في حضنه وهو بيبوس شعري لكن أنا دماغي كانت في حتة تانية.
تاني يوم الصبح بدري بدأت أجهز له شنطته وودعته وقفلت الباب بعد نزوله ودخلت لبست في أقل من عشر دقايق ونزلت وراه كان لسة مخرج العربية وبيركب وقفت بعيد شوية وشاورت ل تاكسي وقولت له يمشي وراه.
وقف بعد مسافة مش قليلة تحت عمارة ونزل من العربية وإدى المفتاح للحارس بتاع العمارة وطلع حاسبت أنا السواق ووقفت بعيد حوالي نص ساعة مستنياه يمكن ينزل.. لكن منزلش.
طلعت النضارة من الشنطة ولبستها علشان أخفي جزء كبير بيها من وشي وإتحركت ناحية العمارة وإتكلمت مع الست ال قاعدة تحت.
وريتها صورته وقالت لي إنه بييجي أوقات كتير وبيطلع الدور الخامس شكرتها وروحت الأسانسير وطلعت وخبطت على الباب علشان تفتح لي آخر واحدة كانت ممكن تخطر على بالي.
_يارب أكون متلخبطة في رقم الدور يارب يكون كل ال جه في بالي مش حقيقي.
إستني أنت أصلا بتعملي إيه هنا.
_آية! أن.. أنت جيتي هنا إزاي
بعدتها عن الطريق ودخلت لما حسيتها متوترة دخلت علشان أشوفه نايم على الكنبة في الصالون وكإن دا بيته!
قربت حطيت الشنطة على الترابيزة وقربت منه وبوست راسه وهمست
_الحمدلله على سلامتك يا حبيبي.
_إتفزغ لما سمع صوتي وإتكلم خرجتي وجيتي هنا إزاي.
_زي ما أنت جيت.
_طيب تعالي نروح وأفهمك.
_لاء تفهمني إيه بقا دا أنا محتاجة أموت ولا إني أسمع أي حاجة أصل مفيش أي مبرر هيبرد ڼار روحي وقلبي.
مفيش مبرر لوجود جوزي وحبيبي مع صاحبة عمري!
مش كدا ولا إيه يا غالية
_يا آية والله إحنا مش بنخونك أدهم متجوزني على سنة الله ورسوله.
_دا بجد!!
أنت متجوزها!
مكانش بيرد قربت ناحيته وإتكلمت وأنا بضربه في صدره
_لاء رد عليا كدا ومتسكتش رد علشان يومنا طويل في الكلام النهاردة.
_أقول إيه
_قل لي عملت كدا ليه إيه وصلك لكدا قصرت معاك في إيه علشان تروح لها ولا هو لازم رمرمة
_آية لو..
_أنت تخرسي خالص أنت بالذات تكتمي.
ليه يا نور ليه بجد دا أنا مليش صحاب غيرك دا أنا مجاش على بالي غيرك أشكيله من ال هشوفه النهاردة وأتاري ال هشوفه النهاردة أنت السبب فيه.
طب مش كل يوم بتكلميني وتقوليلي قد إيه أنا وحشتك وعايزة تشوفيني إزاي بقا كنت بتقدري تمثلي وتقولي كدا وأنت بتطعنيني بعلاقتك بيه إزاي
قعدت على الكنبة أعيط وأنا فيه مليون سؤال وسؤال محتاجة إجابة ليهم رفعت راسي وبصيت له وإتكلمت
_وأنت عملت فيا ليه كدا بتحبها طب أخدتني أنا ليه من الأول قل لي على حاجة عملتها ليك تبقى مبرر ل كدا..
دا أنا كنت مستعدة أفني عمري كله علشان خاطرك وعلشان أعيش في حضنك.
إتجوزنا وقولت هنبعد عن أهلك يا آية عن الشغل.. حاضر يا أدهم.
هتروح الشغل الصبح وترجع آخر اليوم وأنا أفضل طول النهار في البيت لوحدي في مكان معرفش فيه مخلوق.. حاضر يا أدهم.
هنأجل الخلفة أول كام سنة يا آية علشان نتدلع براحتنا ونعيش من غير مسؤولية.. حاضر يا أدهم برغم إنك عارف
إني نفسي أكون أم وأنا لسة صغيرة بس وافقت.
هسافر يومين يا حبيبتي علشان شغل.. لاء سوري شغل إيه الجملة تتقال كدا هسافر يومين يا حبيبتي أقضيهم مع صاحبتك وأسيبك وأستغفلك علشان أنت عبيطة صح.
صړخت بآخر كلمة في وشه وقعدت حطيت وشي بين كفوفي وفضلت أعيط بهيستيريا بعد دقيقة حاول يقرب يلمسني بس خبطته وبعدته عني وقومت إتكلمت وأنا بمسح وشي
_عايزة أتطلق.
_متبقيش عبيطة أنت عارفة إني مش هعمل كدا.
_لاء هتعمل كدا زي ما استغفلتني ف لازم آخد حقي طلقني وإبعت ورقتي لأهلي.
أخدت الشنطة وإتحركت بس رجعت خطوتين تاني ووقفت قصادها وإتكلمت
_وأنت مش عايزة أشوف وشك طول عمري الجاي وبالمناسبة.. أنت حقېرة أوي ويا خسارة حياتي ال راحت في صداقة واحدة زيك.
خرجت ونزلت وأنا مش شايفة قدامي من دموع عيني ركبت تاكسي ووصلت البيت وطلعت جبت شنطة وبدأت ألم هدومي وحاجتي.
مقدرتش أفضل واقفة روحت قاعدة على الأرض وأنا بعيط بصوت عالي بعد وقت معرفش مدته لقيته داخل بسرعة وقعد جنبي وحاول يهديني
_إبعد عني متلمسنيش.
_طب إهدي طيب إهدي علشان متتعبيش.
_متعبش خاېف عليا أوي
_أكيد مش بحبك!
_متجننيش منين بتحبني ومنين إتجوزت عليا وكمان في السر!
_هطلقها والله دي كانت مجرد نذوة.
_أدهم أنت تعبان في دماغك.. هو أنت لما تقول كدا أنا هغفر لك يا ابني افهم أنت يعتبر خونتني متحسسنيش إني أوڤر وإنك مظلوم.
_طب أنا آسف شوفي إيه يراضيكي وأنا هعمله.
_إنك تطلقني وحالا.
سندت بإيدي على الأرض وقومت من مكاني ورجعت قعدت على حرف السرير وأنا بتكلم بۏجع
_هو إزاي عيونك كانت بتقدر تقنعني إنك مغرم بيا أنا مجرد نظرة عيونك ليا بس كنت بحس إني أسعد ست في العالم
طب إزاي أنا عمري ما شكيت في أي حاجة إزاي كنت مغفلة كدا
أنا حضنك كان هو معنى كلمة أمان بالنسبة لي يا أدهم ودلوقتي!… دلوقتي كل دا راح.
_عيوني مكانتش بتقعنعك.. أنا فعلا بحبك ومغرم بيك
ممكن أكون غلطان لما مشيت ورا نور وسمعت كلامها بس والله العظيم ما فيه حد حبيته قد حبي ليك يا آية أنت روحي وحتة من قلبي.
_بس إسكت متقولش كدا إسكت..
كان بيتكلم ودموعه نازلة وأنا عياطي مستمر ودموعي نازلة مستحملتش أسمع كلامه ومنعته وأنا بضربه بإيدي شدني له وحضني يهديني بس كان صوت عياطي بيعلى وأنا ساندة راسي على كتفه وعارفة إن الحضن دا خلاص مش هيكون له وجود تاني
وبعد مرور دقايق قومت بعدت عنه ومسحت وشي وأخدت الشنطة وإتحركت.
_طب إستني أنا هوصلك.
_لاء.
_يا بنتي اسمعي الكلام مش هتعرفي تسافري لوحدك.
_هتعلم ووسع من طريقي.
_طب خدي مفاتيح العربية سافري بيها.
_خليها هتلزمك وأنت رايح للژبالة التانية.
_يلهوي!! مالك يا آية إيه ال حصل وأدهم فين
بعد ما نزلت فضلت أسأل وأركب مواصلات كتير أوي لحد ما قدرت في النهاية أوصل البيت وصلت باليل وكان حالي متبهدل وكنت دايخة أوي من كتر العياط وإني مأكلتش أي حاجة طول اليوم
فتحت لي الباب چميلة مرات أخويا وكانت مخضۏضة ومصډومة من حالي مقدرتش أرد عليها ودخلت خطوتين ووقعت.
فوقت معرفش بعد قد إيه بس لقيته جنبي ماسك إيدي وساند راسه على السرير حاولت أقوم بس مكنتش قادرة لكنه حس بيا.
_ أنت كويسة حاسة بإيه تعبانة
_إيه ال جابك هنا قوم إمشي.
_طب إهدي بس علشان أنت مينفعش تتعصبي روقي وأنا هعمل كل ال عايزاه.
لسة هرد عليه بس دخلت ماما وجميلة
_فوقتي يا حبيبتي طمنيني عنك.
_مين ال جاب الإنسان دا هنا
_أنا يا آية لما وقعتي رنيت عليه عرفته دا جوزك.
_طب
لو سمحتم أنا عايزة آدم كلكم إطلعوا وهاتوا آدم.
خرجوا فعلا ودخل آدم أخويا وقعد جنبي إترميت في حضنه وأنا بعيط وبشكي له
_أنا موجوعة ومقهورة يا آدم قلبي واجعني أوي حاسة إني مش كويسة.
_مالك يا حبيبتي إيه حصل وصلك لكدا.
_عايزة أتطلق من أدهم ومن غير نقاش علشان خاطري.
_تتطلقي!!
_أيوا لو بتحبني بجد ساعدني وخليه يطلقني دلوقتي.
_يا حبيبتي إزاي أخليه يعمل كدا طب إيه السبب طيب
_هو عارف السبب كفاية نكون أنا وهو عارفينه.
بالله عليك يا آدم اسمع كلامي وطلقني منه.
_إيه ال حصل بينك وبين آية يا أدهم يخليها عايزة ومصممة تتطلق بالشكل دا
_يا مصېبتي تتطلق! دا أنتم مكملتوش سنة ونص.
_من فضلك يا ماما إستني دلوقتي.
إتكلم يا أدهم.
_هي قالت لك إيه.
_هي مش راضية تقول حاجة قول أنت.
_مشكلة بيني وبينها بس هي مش راضية تسامحني.
ممكن بس أدخل لها آخر مرة وبعدها همشي
_داخل تاني ليه
_أهدي يا آية دا جوزك.
_هو أنت مش هتخليه يطلقني يا آدم
مردش عليا بس أدهم جه قعد جنبي ومسك إيدي وإتكلم بدموع نزلت في الآخر
_حقك عليا أنا آسف.
أنا غلطان فعلا وأستاهل كل حاجة وحشة بس بلاش بعد.. بلاش نوجع بعض مش بتقولي إنك بتحسي في حضڼي بالأمان أوعدك إني هخليكي تحسي بكدا تاني طول عمرك.. بس بلاش فراق أنا بحبك.
_وأنا كمان بحبك بس مش هعرف أعيش معاك تاني من غير ما دماغي تفضل كل يوم تفكر وتشك فيك حضنك دا كانت بتدخله واحدة غيري يعني مبقاش خاص بيا..
فيه شيء إنكسر جوايا ومش هنعرف نصلحه تاني يا أدهم.. أهه هنزعل ونتوجع بس أحسن ما نعيش في ضغط وأقل مشكلة تخلينا نفتكر ال حصل وأبقا دايما حاسة ب ريبة وشك تجاهك.. ريحني علشان خاطري بقا.
_مش قادر أنطقها.
قالها بنبرة خلتني مستحملش وحضنته وعيطت جامد وأنا بترجاه يخلصنا من كل دا بعد شوية بعدنا وقال لفظ الطلاق ومسح وشه وخرج من غير كلام تاني قرب مني آدم يحضني ويهديني ودخلت بعدها جميلة وماما كانت ماما لسة هتتكلم لكن أخدها آدم وخرج وفضلت جميلة معايا تحاول تهديني لحد ما نيمتني.
_وبس يا ستي
قعدت كام شهر مكتئبة ومش ببطل عياط كنت بخلص المرتب كله على المناديل.
عرفت إن أدهم طلق نور وسافر إيطاليا وغالبا مرجعش أبدا من وقتها
وأنا حاولت أتعافى وأفوق من كل ال حصل أهه تجربة أخدت من روحي كتير بس أكيد فيها خير ليا.
بقول كتير إني هرفض أرتبط تاني بس برجع وبقول لاء بالعكس.. لسة قدامي عمر طويل أكيد هتحب وهحب وأتمنى متوجعش تاني بس أتمنى النصيب الجاي برضه يكون حنين في وجوده عليا.
عايزاك تعرفي إن مفيش حاجة اسمها إتوجعت مرة ف خلاص هقفل الباب لاء.. إيه المانع إننا نجرب مرة واتنين وعشرة ونتوجع ونوجع عادي.
هي دي سنة الحياة نصيبنا الحلو موجود وهييجي وهيصيبنا في أوانه وفرحتنا هتكون مش سيعانا وقتها.
ركزي بس وأنت بتختاري صحباتك كويس أوي.
متيأسيش ومتزعليش ومتخليش الحزن ياخد كتير منك فترة وهتعدي وخلاص.
الحب جميل ف حاولي متخرجيش من حياتك قبل ما تسمحي ل قلبك وليك إنك تجربي الإحساس دا… أنا بحبك أوي!
قفلت الدفتر وضميته لصدري واتنفست بعمق وأنا برفع راسي للسما
بحكي أكتر حكاية وجعتني وأثرت فيا وتبعتها ب نصيحة بكتبها ل بنتي ال مش عارفة هل فيه نصيب لوجودها ولا لاء بس كنت محتاجة أكتب كدا علشان حتى أحس براحة شوية.
_يتبع…
آية_حمام.
2
_آية فاضية
_تعالي يا جميلة فاضية.
_مامتك عايزاك في موضوع.
_طيب خارجة.
كنت قاعدة على السرير بقرأ في كتاب
وقاطعني دخولها تناديني علشان أخرج أكلم ماما قفلت الكتاب وخرجت معاها وقعدت جنب ماما وسألتها عن سبب مناداتها ليا
_نعم يا ماما.
_خير يا حبيبتي كنت عايزة أتكلم معاك.
_إتفضلي..
_لسة مفوقتيش من ال حصل لسة هتكملي علطول حياتك في الأوضة كدا
_هو إيه ال حصل يا ماما
_فات سنة وشوية يا آية وأنت لسة حياتك واقفة يا بنتي جسمك خس خالص ملامحك بتبهت يوم عن يوم محدش بقا يشوفك مش بتخرجي من الأوضة غير لو آدم هنا أو ساعة الأكل.. دا حتى بنت أخوك بقيتي مش بتشوفيها ولا هي بتشوفك..
_أنا حياتي مش واقفة يا ماما..
_لاء واقفة يا آية لما زعلانة كدا ومش عارفة تتخطي عملتي في نفسك ليه كدا أصريتي ليه على الطلاق من واحد أنت بتحبيه وهو بيحبك
_هو أنا مليش حق كمان إني أزعل!!
وعامة يا ماما أنا مبخرجش من أوضتي علشان مسمعش كلام حضرتك دا.
وعن إذنك هدخل علشان مصليتش العصر.
_أنا لسة مخلصتش كلامي..غيث أخ جميلة جه من السفر وأخوك عازمه على الغدا بكرة.
_والمطلوب مني
_هتقعدي معانا وهتتعاملي كويس.
_ربنا يسهل.
دخلت وقفلت الأوضة عليا وأنا مش مهتمية بكلامها لبست الإسدال وصليت العصر وقعدت سندت ضهري على السرير وأنا بفكر في كلامها بعد ما رجع يتعاد تاني في دماغي..
أنا حياتي واقفة إزاي وأنا حاسة إن خلاص بقت حالتي كويسة وإتخطيت ال حصل!
ومش بتعامل مع بنت أخويا علشان ڠصب عني بتوجع لما أحس إن كان زماني معايا طفلة برضه بس هو مدانيش الفرصة دي وبرجع وبقول دا شيء كويس علشان كان زمان لسة هيكون لأدهم وجود في حياتي وهتوجع أكتر..
إتنهدت وأنا بهز راسي وبجيب الكتاب ال كنت بقرأ فيه وبكمله علشان أشتت أفكاري دي.
_أحط شطة قد إيه على المكرونة يا جميلة
_كتري عادي كدا كدا غيث بيحب الأكل حراق برضه.. علشان كدا مش بقعد أفكر وأنا بعمل الأكل يلهوي يا آية بجد وقت ما كنت بتكوني معزومة أنت وأدهم هنا كنت ساعات برجع أعمل الأكل من جديد لما بكتشف إني عاملاه حراق وأفتكر إن أدهم بيحبه بارد..
قالت كلامها وبعده بثواني استوعبت ال قالته ورجعت بصت لي واتكلمت بأسف
_والله العظيم ما كان قصدي حقك عليا بجد.
_حصل خير دوقيها بس كدا وشوفي ملحها مظبوط ولا إيه.
_حلوة يا حبيبتي تسلم إيدك
تعالي يلا نغير هدومنا ونجهز على ما ييجوا…
_أهلا وسهلا نورت يا حبيبي.
_بنورك يا طنط.. إزيك يا آية.
_الحمدلله يا أستاذ غيث بخير.
_إتفضل يا غيث.
_صاحية يا آية
_أيوا يا ماما..
_طب تعالي هنتكلم وآخد رأيك في حاجة.
_ما تقولي هنا في الأوضة.
_لاء أوضتك كئيبة وتخنق.
قومت خرجت معاها وأنا بضحك عليها وعلى كلامها..
كانت جميلة قاعدة بتذاكر لحور بنتها على السفرة جنبنا.
_إقعدي.
_قعدت..
_إيه رأيك في غيث
_يعني إيه
_يعني هو متقدم ليك موافقة
_متقدم ليا إزاي يعني واشمعنا دلوقتي وأنت يا جميلة.. إزاي متعرفنيش
_والله العظيم ما كنت أعرف أنا لسة عارفة بعد ما مشى لما آدم إتكلم مع مامتك.
_هيهمك في إيه جميلة عارفة أو لاء.. الرجل جه وطلبك وأخوك قال هنرد عليه بعد ما ناخد رأيك.. وأنا شايفة إنه مناسب وكويس وعارف ربنا.
_بس أنا مش شايفة كل دا يا ماما دا واحد معرفش عنه حاجة من وقت ما كبرنا وسافر.
_وهو ال كنت عارفاه أخدنا منه إيه غير إنك إتطلقتي بعد سنة من جوازك منه..
بصيت لها شوية من غير كلام وبعدين قومت سيبتها ودخلت يادوب قفلت الباب لقيت جميلة فتحت ودخلت
_متزعليش منها هي أكيد مش قصدها.
_لاء قصدها.. أنا بقالي سنة من ساعة ما إتطلقت
وهي كل شوية تقول كدا أو تقعد تفكرني بال حصل علطول بتلومني وتشيلني الذنب.
_يا حبيبتي هي موجوعة عليك علشان بتحبك وبرضه مش هاين عليها تشوف بنتها كدا.
_دا مش حب يا جميلة المفروض هي ال تنسيني وتهون عليا
والله لولا آدم كان زماني عايشة لوحدي بس أنا هرجع أفتح الموضوع تاني.
_يا آية إهدي بس كدا بتعملي مشكلة..
_ال يحصل يحصل
وصحيح.. إيه موضوع أخوك دا هو ميعرفش إني مطلقة وكمان اشمعنا دلوقتي ما أنا كنت موجودة قبل ما أتجوز برضه.
_ما هو كان عارف إنك بتحبي أدهم من الجامعة..
_أنا مش مستعدة دلوقتي يا جميلة بلاش أفضل علشان مظلموش أنا أها إتخطيت ال حصل بس برضه لسة مستعدة أدخل في علاقة.
_براحتك أكيد محدش هيغصبك هعرف مامتك وآدم.
خرجت وأنا نمت على السرير ومش بدي فرصة لدماغي تفكر في أي حاجة.
_إلبسي وجهزي حالك.
_ليه
_غيث جاي بعد المغرب وهتقعدوا سوا.
_يادي النيلة على غيث وسنين غيث بعدين مش أنا قولت ل جميلة إمبارح إني مش موافقة!
_أنا مليش دعوة بكلامك أنت وجميلة أنا خليت أخوك يقول له أنك موافقة وييجي تقعدوا النهاردة.
قالت كلامها وسابتني وخرجت وأنا ببص لطيفها بعدم استيعاب وعدم تصديق..
_عاملة إيه
_الحمدلله.
جهزت إمتى وهو جه إمتى وأنا خرجت قعدت قصاده كدا إمتى لا أدري حرفيا.
بدأ هو الكلام يسألني عن حالي وأنا جاوبته وفضلت ساكتة ورجع يتكلم تاني وأنا أرد عليه.
_آية..
_نعم.
_أنت قاعدة معايا ڠصب عنك
_ليه بتقول كدا يا غيث
_متعمليش حاجة ڠصب عنك متخليش حد يجبرك على شيء.. أنا همشي وأنت فكري واستخيري ربنا وأيا كان القرار ال هتبلغيه ل آدم أنا راضي بيه.
قال كدا وقام مشى اتضايقت أوي لما حسيت إنه زعلان شوية فضلت قاعدة في مكاني ببص على طيفه لحد ما دخلت جميلة
_حصل إيه
_مش عارفة
يومين وأقول لكم القرار.
سيبتها ودخلت أوضتي
أنا عارفة غيث من زمان من قبل حتى ما أعرف أدهم ما هو أخ جميلة وجيراننا بس هو كان مسافر من بعد جامعته ومش بييجي غير كل كام سنة شهر أو أقل.
قاعدة بفكر لما هو عايزني.. ليه مش اتقدم لي قبل أدهم ليه دلوقتي طب هو ممكن في يوم يعايرني بكوني مطلقة أو الأهم.. هو ممكن يخونني زي أدهم!!.
_آدم
أنا موافقة.
_موافقة على إيه
_علىغيث يا آدم.
_بجد
_أيوا.
كان فات حوالي ٣ أيام كنت بصلي استخارة وبحس إني متقبلة الموضوع.
بارك الله لكما وبارك عليكما وجمع بينكما في خير.
_مبارك يا آية
مبارك يا غيث.
_مبارك يا حبايبي..
كتب كتاب ومباركات وخطوبة وزغاريط وأحضان وليلة أنا معرفش دخلتها إزاي وفين ووقتيه بس أنا قلبي ضرباته زايدة أوي الشيطان رجع يلعب بدماغي تاني ورجعت أسئلة النكد تيجي من جديد.
انسحبت من وسط التجمع دا ودخلت غسلت وشي بالماية ووقفت بصيت للمراية.. ملامحي متغيرة خالص أنا مش فرحانة ليه طيب ليه باهتة كدا طب غيث ذنبه إيه غيث دا أنا حتى لسة مسلمتش عليه!
هزيت راسي ونشفت وشي بالمناديل وأخدت نفس عميق وخرجت واتفاجئت بيه قصادي.
_أنت كويسة
_أيوا حسيت بس إني دايخة شوية ف قولت أغسل.
_طب تعالي أقعدي واضح إنك مش بتاكلي كويس.
قعدني على كرسي وسابني ودقيقة ولقيته باعت جميلة ب أكل
ابتسمت له ب امتنان على طيبته واهتمامه.
خلص اليوم ب احتفالاته وهيصته وقبل ما أمشي معاه أخدتني ماما للأوضة
_حافظي على جوزك واهتمي بيه.
_يعني إيه
_أنت فاهمة قصدي كويس يا آية إنسي حياتك ال فاتت كلها وركزي في حياتك الجديدة ال بتبدأ وال ربنا بيعوضك بيها.
وإحمدي ربنا إنه بعت لك واحد شاريكي وقابلك بكل ال حصل وبظروفك.
_مالها ظروفي
معلش!!
_مفيش حد في الزمن دا بيقبل إنه أول جوازته تبقى من واحدة مطلقة.
_والله أنت ال بتقولي كدا يا ماما!
طب عامة أعتقد إنه مش عيل علشان حد يغصبه على الجواز مني.. ثانيا المفروض إن لو الدنيا كلها هتعيب فيا ف تبقي أنت الوحيدة ال تدافعي عني وتقولي عكس ال يتقال يا ماما.
_أنا مقولتش حاجة لكل دا بعدين أنت عارفة إني مش بعرف أذوق الكلام.
سيبتها وخرجت ونزلت أنا وهو ومشينا وصلنا بيته.. دخلت معاه وأنا متوترة لكن كل خوف وتوتر وقلق راح ومكانش له وجود بعد أول خطوة في البيت دا.
البيت دافي وهادي بشكل!
مش لاقية تشبيه له غير إن الخطوة فيه شبه الرجوع للوطن من بعد ما كنت مترحل منه ڠصب عنك وأخيرا رجعت له بعد اشتياق!
_نورتي بيتك.
_بيتي
_أيوا طبعا.
تعالي نغير ونقعد نتكلم شوية عيونك فيها أسئلة كتير وأنا كمان حابب أحكي لك حاجات أكتر.
_حاضر.
_قوليلي صحيح أطلب لك تاكلي إيه إحنا كلامنا هيطول وأكيد هنجوع.
_مش عارفة بس أطلب على ذوقك وأكيد هيعجبني.
سيبته ودخلت الأوضة وغيرت هدومي واتوضيت وصليت العشاء ودعيت ربنا كتير ييسر لي أموري ويهديني ويرضيني ب غيث ويراضيه بالجنة زي ما أنا شايفاه بيحاول يراضيني.
خلصت وخرجت بعد حوالي ساعة لقيته في البالكونة الكبيرة.. حاطط الأكل على التربيزة وجنبه عصير جوافة وقافل الستاير بحيث مظهرش لل برا دخلت وقعدت وأنا ببص على المنظر وببتسم على جمال المنظر وجمال قلب ال جهز المنظر.
_عجبك
_جدا.
_طب كلي يلا..
_حاضر بس أنت قولت هنتكلم في كلام كتير إيه هو الكلام دا
_قوليلي أنت الأول وإحنا نازلين دموعك كانت واضحة في عيونك ليه
وقبل ما تجاوبي.. تعالي نتفق نبدأ حياتنا على الصراحة.
_ماما كانت بتقول لي أحافظ عليك وأحمد ربنا إنك إتجوزتني وأنا مطلقة ودا يودينا للسؤال ال شاغلني من يوم ما اتقدمت لي.. اشمعنا دلوقتي يا غيث
جاوبني بالصراحة زي ما كنت لسة بتقول.
_حاضر هجاوبك بالصراحة بس في الأول عايز أقول لك إن كونك مطلقة دا ميعيبكبش ولا يثبت صحة كلام مامتك.
ثانيا بقا.. أنت عارفة إني مسافر طول حياتي من بعد ما خلصت الجامعة علطول إحنا يعتبر متربيين سوا كنت بعتبرك زي جميلة أختي وكنت فاكر إن مشاعري دي وحبي ليك كلها أخوة.. بس لما سافرت بقا وبعدنا إتأكدت إنك عمرك ما كنت ولا هتكوني أختي حسيت إني بحبك بجد.
سكت شوية وأخد نفس ورجع يكمل كلامه وأنا بسمع له باهتمام وصدمة واشتياق لمعرفة باقي كلامه
_قولت هاخد أجازة وأنزل أطلب إيدك من أخوك ونتخطب ونكتب الكتاب وأسافر تاني وبعد ما تخلصي جامعتك نتجوز وأخدك معايا ونزلت فعلا وحكيت لجميلة بس إتفاجئت لما قالت لي إن فيه واحد من الجامعة عندك سبقني وهتتخطبوا آخر الترم.
إتوجعت أوي وحسيت إني إتأخرت وخسړت شيء غالي أوي خليتها توعدني إنها متجيبش سيرة ال حكيته لها دا وسافرت تاني بس كان فيه صوت جوايا بيقول لي متزعلش لعله خير.
كنت بقول فين الخير في خسارة إنسانة بحبها!
بس سبحان الله بقا بعد صبر كمان سنتين وشوية أتجمع أنا وهي على كنبة واحدة وتبقى على اسمي وحلالي!
أنا محسيتش بدموعي ال بتنزل وأنا بسمع له معرفش بعيط ليه بس لوهلة اتمنيت لو إني كنت إتجوزت غيثهو الأول…
فوقت على إيده ال بتمسح دموعي ف إتكلمت
_طب هو كل دا حصل من الأول ليه يعني ليه أتجوز أدهم وأتوجع معاه علشان أبقا معاك
طب ليه أنت مأصريتش أول مرة وجيت برضه قولت ل آدم كإنك متعرفش أي
حاجة
مش كان زمان كل دا محصلش مش كان زمان الفترة ال فاتت دي ممكن تكون حنينة شوية عليا!
_كل حاجة بتحصل لنا بتكون لغاية ولدرس لازم نتعلمه مين قال لك إن لو كنت إتقدمت لك برضه كنت قبلتي مش ممكن كنت ترفضيني ووقتها كنت أنا ال هتوجع منك وممكن مكناش هنوصل لكدا ومش ممكن بقا كنا نتجوز بس كانت تكون حياتنا علطول صراعات وكل واحد فينا مبهدل التاني
آية السنتين ال فاتوا كل واحد فينا إتعلم حاجات كتيرة أعتقد هتساعدنا إنها تخلينا نعيش العمر الجاي في هدوء وسلام بعيد بقا عن كلام الغير وبعيد عن الأفكار السلبية وبعيد أن أي شيء غير إننا نرضي ربنا ونرضي بعض.
_بس أنا التجربة ال مريت بيها وجعتني أوي يا غيث مخلياني خاېفة أوي.. ينفع تفضل معايا وتطمني وتستحملني وأوعدك إني والله هحاول بكل جهدي أرضيك وأبقا مثالية في عيونك وأليق بيك.
_حبيبتي أنا مقدر كل دا وحاسس بيك وأنا معاك لآخر عمري ومش عايزك تكوني مثالية علشان المثالية دي وهم.. أنا عايزك تكوني جنبي ومعايا وبخير وهكون راضي.
قربت حضنته جامد وأنا بسمح لدموعي تنزل من تاني وبحمد ربنا على عوضه الجميل.
مريت بتجربة كنت مفكرة إنها هتوقف حياتي وموتت قلبي بس طلعت تدابير ربنا أحن وألطف بينا.
_هو إحنا هنسافر إمتى
_على آخر الشهر يا حبيبتي ليه
_طب محتاجين نتأكد هعرف أسافر معاك بقا ولا إيه
_نتأكد من مين أنا حاجز التذاكر ومجهز كل حاجة.
_يا حبيبي أنت حاجز تذكرتين وإحنا دلوقتي تلاتة!
قولت كدا وأنا بحط اختبار الحمل ال كان في جيبي على الترابيزة قدامه بص له شوية بعدم فهم بعدين رجع يبص لي تاني يتأكد مني.. هزيت راسي وأنا بأأكد له ودموعنا ظهرت في عيوننا حضڼي بسرعة وهو بيتمتم بكلام مش مفهوم لكن سمعت حمده لربنا وهمسه بحبي.
_مبارك المدام حامل في الأسبوع العاشر.
_الله يبارك في حضرتك.
طب هو فيه مانع من السفر دلوقتي
_بلاش سفر أول ٣ شهور الأفضل يبقى من الأسبوع ال 14 لل 27 علشان تكون أمان أكتر.
خرجنا من عندها وإحنا بنبص على الصورة ال إدتها لنا.
الفرحة مش سايعاني لأكتر من سبب يمكن لإني هكون أخيرا أم ويمكن علشان هكون أم لطفل منغيث!
غيث ال قربت معاه على سنة واكتشفت إن هو دا الشخص ال كان يستحق قلبي وحياتي بجدارة إنسان استحملني أول فترة معاه بكالكيعي بتقلباتي بأفكاري بكل شيء أها كان كل فترة كدا بتهب مننا أحنا الاتنين ونتخانق على سبب عبيط بس مكناش بنسيب الزعل ياخد أكبر من حجمه.
أنا حبيته حب أول مرة أشوف نفسي بحب حد كدا أنا يمكن حتى حبيته أكتر من نفسي!
_بقول لك إيه مش كان نفسك في مرجيحة نحطها في البالكونة أهو دا بقا الوقت المناسب بتاعها.. يلا هنجيبها.
_إستنى يا غيث مرجيحة إيه يا حبيبي أنا حامل يا بابا يعني فيه انسان جاي إن شاء الله محتاج مصاريف وتكاليف وحياة وموال كبير.
_لسة بدري على الهم دا يا عين غيث.
_لاء يا غيث ملهاش لازمة دلوقتي نوفر حقها أحسن علشان أنا سألت وعرفت إنها غالية جدا لذلك مفتحتش موضوعها تاني.
_غالية إيه وحقها إيه والله ما إحنا مروحين غير لما نشتريها.. خلينا نبات في الشارع بقا وابننا يدعي علينا في البرد دا.
أخدني من إيدي وركبنا وروحنا المحل المختص فعلا ووقفنا نختار واحدة أشكالهم تحفة بس للأسف أسعارهم أتحف بس الأستاذ زوجي ربنا يبارك له دفع وصرف شكلنا هنقضي باقي الشه
سندويتشات جبنة وخيار.
خرجت برا المحل لما جميلة رنت وسيبته هو بيحاسب وبيقول لصاحب المحل العنوان.. رديت عليها وقفلت ولسة هدخل الټفت لما سمعت الصوت يبناديني فضلت واقفة ل ثواني بكدب ودني لحد ما لفيت
_أدهم!
_عاملة إيه وحشتيني أوي يا آية.
مكنتش مصدقة إني شايفاه قصادي ملامحه متغيرة تماما لولا صوته مكنتش هعرفه منعت نفسي إني أبص على ملامحه بإني أقول له وأفكر ذاتي بإني متجوزة
_أنا متجوزة يا أدهم مينفعش الكلام دا.. عن إذنك.
_إستني بس
إتجوزتي عرفتي تعيشي بعدي حد عرف ياخد مكاني
_عرفت يا أدهم مكانش ينفع أفضل طول عمري محپوسة في الۏجع ال أنت اتسببت لي فيه كان لازم أبص حوليا وأشوف مين الانسان ال بيتمناني أشاركه دنيته وشاريني.
_وحبتيه
_جدا لدرجة مش مستوعباها.
مش قصدي حاجة والله بس أنا بجد ربنا عوضني ب غيث أنت كمان أكيد ربنا هيعوضك بانسانة كويسة برضه ويراضيك بيها.
وعن إذنك بقا علشان مينفعش الوقفة دي.
سيبته واتحركت تجاه المحل.. كان غيث لسة خارج قربت منه ومسكت إيده وارتاحت لما لقيت المكان حوالينا فاضي ف اتكلمت وأنا ببص في عينه وبضغط على إيده
_أنا ممتنة ل ربنا إنه وهبني إياك وبتمنى أرضيك طول العمر وأسعدك علطول.
يمكن أدهم كان فعلا أول حب في حياتي بس أنت طلعت الحب الحقيقي في حياتي يا غيث!
والنظر إلى وجهك
دواء لسائر الأسقام.
_محمد محروس.
_تمت.
آية_حمام.