يا مربي في غير ولدك
بسم الله الرحمن الرحيم
الجزء الاول
يا مربي غير ولدك
التحاليل اللي قدامي بتقول ان المدام عندها عقم من ساعة ما اتولدت ويستحيل تخلف ولو رحت لاي دكتور هياكد لك نفس كلامي.
اول ما سمعت الدكتور بيقول كده دموعي نزلت على خدي قدامهم فجوزي مسك ايدي وهو بيطبطب عليها وبيشكر الدكتور
شكرا يا دكتور على تعبك معانا احنا ولا هنروح ولا هنيجي انا واثق فيك عن اذنك .
وقمت معاه وراكبه جنبه طول الطريق في العربيه ما بطلتش عياط وهو بيحاول يهدي فيا وانا من ساعه ما سمعت الخبر كانه نزل على قلبي كواه
اول ما روحنا البيت لقيته بيحضني بحنان
خلاص يا نسمه كفايه عياط ده امر ربنا واحنا لازم نرضى بيه ومهما ټعيطي الدموع مش هتفيدك بحاجه غير انها هتقهرك زياده عن اللزوم ما قدامكيش غير انك تشكري ربنا وتدعيه ينسيكي .
كنت متخبطه وحاسه ان دي نهايه العالم من ساعه ما سمعت الخبر ده من الدكتور ولقيتني بترجاه
ارجوك يا عادل نروح لدكتور تاني وثالث ونتاكد من الكلام اللي قاله الدكتور يمكن التحاليل فيها حاجه غلط او اتبدلت مع حد ثاني انا لسه عندي امل اني ابقى أم .
ما اقتنعش بكلامي ولقيته بيقفل قدامي كل الطرق
يا حبيبتي احنا متجوزين بقى لنا خمس سنين وكل دكتور يحاول معاكي ويديكي علاجات علشان ياخد من ورانا فلوس قد كده وبرده ما حصلش نصيب وربنا وقعنا في دكتور طيب وابن حلال قال لنا على الحقيقه فليه تتعبي نفسك ثاني كفايه يا نسمه جري ورا الدكاتره صحتك مش ببلاش ولا فلوسنا كمان .
ما رضيش تماما ان احنا نروح لاي دكتور ومرت الايام وانا حاسه ان ۏجع حرماني من الخلفه بيسحبني للقهر وحسيت ان عجزت 100 سنه وكل ده وعادل بيحاول يخفف عني وعمره ابدا ما قال لي كلمه چرحتني انا مامتي متوفيه ومليش غير بابا بس ربنا يخليه لي
بس للاسف كنت قاعده وجالي اتصال من عادل خلاني اټرعبت من جوايا
تعالي يا نسمه حالا والدك عايز يشوفك وتعبان جدا ما تتاخريش .
ما اعرفش لبست ايه او كان شكلي عامل ازاي وكنت في 10 دقائق قدام بابا اللي اول ما شافني مسك في ايدي وهو بيقول لي
انا خلاص يا بنتي هودع الدنيا وهسيبك مع عادل طيب وابن حلال وهيحافظ عليك وانا وصيته عليك انه ما يزعلكيش ابدا وردي يا بنتي باللي ربنا قسمه لك وعيشي مع جوزك وخلي بالك منه وما تهمليش في نفسك وتسيبي الحزن يسيطر عليك فيبص لبره .
اټرعبت من فكره ان بابا هو كمان يسيبني ويمشي وابقى يتيمه ام واب وكمان ما ليش اولاد فلقتني بترمي على صدره وبحضنه جامد وبترجاه
ارجوك يا بابا ما تقولش الكلام ده وما تسيبنيش لوحدي في عز ما إنا محتاجه لك قاوم المړض ما تسيبهوش يهزمك .
لقيته بيطبطب على ضهري وهو بيهونها عليا
يا بنتي المۏت علينا حق وكلنا لربنا رايحين مهما طال الوقت وحبيت اطمنك ان انا كتبت لك كل املاكي بيع وشړا باسمك علشان ما حدش يطمع فيكي بعد ما اموت بس تكملي الخير اللي كنت بعمله علشان يشفع لي عند ربنا .
انا والله ما محتاجه فلوس يا بابا ولا املاك كل اللي انا محتاجاه ووجودك جنبي ارجوك يا بابا ما تسيبنيش .
لكن كان فات الاوان شكل ما يكون باعت لي علشان يودعني ومرت الايام وحزنت قوي على بابا مع حزني على اني مش هخلف وبقيت شبه معدومه في جسمي وفي ملامحي وعادل كل ده ما اشتكاش كان واقف جنبي كتفي بكتف لحد ما فات سنه كامله على وفاه بابا
ولقيت عادل بيقول لي وهو متضايق من حياتنا الكئيبه
حرام يا نسمه كل ما ادخل البيت الاقيك بټعيطي وشكلك اتغير خالص والحزن كبرك 100 سنه ارجوك كفايه بقى وارجعي لضحكتك تاني وانسي اللي فات ولازم تتعايشي مع قدر ربنا .
اتعصبت عليه وانا حاسه ان هو خلاص جاب اخره ومش هيتحمل ثاني اني مش بخلف
قول بقى انك زهقت مني يا عادل وعايز تتجوز وتشوف لك واحده حلوه وما تنكدش عليك زيي وكمان تجيب لك العيال اللي نفسك فيهم .
برق پصدمه من كلامي ليه
انت شايفه كده يا نسمه احنا بقى لنا سبع سنين متجوزين ما انا لو كنت عايز اشوف واحده غيرك زي ما انت ما بتقولي كنت عملتها من زمان انا زهقت من حياة الملل والكابه والحزن اللي عايشين فيهم انا هسافر تبع شغلي اسبوع يا ريت ارجع ملاقيكيش بالشكل ده .
في مكان هندسي في قريه شرم الشيخ كان عادل قاعد على البحر وهو حزين على حالته مع مراته نسمه فجت زميلته في الشغل وقفت وراه وهي بتساله
في حد يسيب البحر الجميل ده ويقعد قدامه حزين وما ينزلش يرفه عن نفسه في الحبه اللي بناخدهم راحه في اليوم ولا يا ترى بتفكر في حب جديد يا باشمهندس .
اتنهد عادل بحيره وهو بيرد عليها
حب جديد ازاي يعني! انت مش عارفه ان راجل متجوز وبحب مراتي فاكيد بفكر فيها ليه ما قلتيش الاحتمال ده
اتضايقت من رده عليها وقعدت على الكرسي اللي جنبه وبدات تتكلم باللي عقلها بيلح عليها فيه
انا مش فاهمه انت مستني لحد دلوقتي ليه كفاياك انتظار يا عادل وكفاياني جري وراك انت من حقك تبقى اب على فكره ومن حقك تعيش شبابك بدل الكآبه اللي انت عايش فيها دي مع نسمه .
بص لها پغضب وهو بيرد عليها
يعني هي غلطتها ان هي حكيت لك همها عشان تستغلي غيبتها وتيجي تلف عليا سيبك من طريقتك دي يا عبله وابعدي عني علشان انت عارفه اني بحب نسمه جدا وعمري ما اخونها وعمري ما افكر في ست غيرها.
حاولت عبله انها تاثر عليه بحكايه الخلفه
بس انت من حقك تبقى اب ازاي اصلا هتعيش حياتك كده طول عمرك معاها بطولك لازم يجي لك عيال يشيلوا اسمك ويشيلوك في عجزك امال انت بتشتغل وطاحن نفسك في المكتب لحد ما بقى ليكي اسم بين مكاتب الهندسه محترم فاكيد لازم تشوف نفسك وهي المفروض ما تعترضش حرام عليها اصلا انها ما توافقش ان انت تتجوز .
كان من جواه حاسس بڼار الوحده لكن مش قادر يعمل في نسمه كده ولا قادر انه يفكر في الموضوع من الاساس فرد عليها
طب وانا اضمن منين ان اللي اتجوزها هتخلف او مش بتخلف وبعدين يا نسمه هي مش دي جارتك وصاحبتك وسرك ازاي تعملي فيها كده بدل ما تقفي جنبها وتطلعيها من غيبوبه الحزن اللي هي فيها تيجي تقولي لي انا الكلام ده موقفك غريب ومش مفهوم .
هي اه صاحبتي وجارتي
—
بس مش هحبها اكتر من نفسي ومش هتمنى لها الخير اكتر ما هتمنى لنفسي وبصراحه يا عادل طالما انت مش فاهم مشاعر ناحيتك اللي من بقالي كتير بحاول اوصلها لك هقولها صريحه انا متعلقه بيك من زمان ونفسي ان احنا نتجوز واني عيالي يبقوا منك واظن انت كمان محتاج فرصه ثانيه ونسمه ما تسيبهاش وما تظلمهاش اعدل ما بيني وما بينها .
وانا عمري ما هفكر اتجوز على نسمه ولا اخونها ولا اني اجرحها بالشكل ده وبعدين يوم ما افكر اعملها ما الاقيش الا انت يا صاحبتها علشان اكسرها بيكي يا شيخه حرام عليكي.
طب ما طالما المبدا موجود يبقى انا اولى بيك على الاقل هتلاقي واحده شارياك وبتحبك وهترضى بالقليل اللي انت هتديه لها من مشاعر وعواطف فكر في الموضوع قبل ما ترفض او توافق .
والله يا نسمه مكدبش عليكي انا لازم انزل اللي في بطني لانه لو جه الدنيا هيتظلم مع اخواته انا عندي خمس عيال وجوزي ارزاقي وعلى باب الله واول ما عرفت ان انا حامل كان برج من نفوخي هيطير وما لقيتش حل غير اني انزله .
شهقت نسمه بفزع وهي بترد على بنت عمها
حرام عليك يا صباح تقتلي روح وربنا يجازيك على اللي انت هتعمليه ده فكري قبل ما ټموتي ابنك او بنتك في ناس مش لاقيه ضفر عيل .
مطت صباح شفايفها زهق
اه يا اختي ما اللي ايده في الميه مش زي اللي ايده في الڼار انت ما تعرفيش العيال دي بتصرف قد ايه وعايزين كل يوم يجي 400 جنيه في الزمن الغالي اللي احنا فيه ده علشان ياكلوا ويشربوا بس ولا هعرف اعلمهم ولا هعرف البسهم كويس ولا هعرف اعمل لهم اي حاجه وادي كمان أبليهم باخ زياده اسكتي والنبي .
نسمه قلبها ۏجعها قوي وهي بتبص لبنت عمها وزعلانه على فقرها وزعلانه على نفسها هي كمان هي فقيره ومعاها عيال وهي غنيه مش طايله ضفر عيل ولا هتعرف تجيبه لحد ما جه في بالها فكره بس مش هتقول لصباح عليها الا لما تتكلم مع عادل الاول وقامت دخلت اوضتها وجابت 5000 جنيه وخرجت مدت لها ايديها وهي بتقول لها
خدي يا صباح ال 5000 جنيه دول لو ولادك ناقصهم حاجه هاتي لهم وما تفكريش في موضوع انك تنزلي ابنك اللي في بطنك دلوقتي لاني عايزاك في حاجه مهمه بس هقولها لك بعدين وكل لما تحتاجي فلوس انا موجوده وكله من خير عمك الله يرحمه.
صباح مسكت المبلغ في ايديها وهي بتبص له پصدمه هي عمرها ما اديتها مبلغ كبير زي ده اخرها كانت تديها 500 جنيه وهي بتقول لها
ياه 5000 جنيه كتير قوي يا نسمه ما انحرمش منك يا بنت عمي ولا من قلبك الطيب وربنا يرضيكي يا رب .
وخدت الفلوس ومشيت طيران على بيت جوزها واول ما دخلت جري عليها وهو بيسالها بطمع
حمد لله على السلامه يا برنسيسه اديتك فلوس قد ايه بنت عمك البخيله الكحتيته دي.
لوت صباح شفايفها وهي بتمد له ايديها
خد يا اخويا 1000 جنيه هي اللي ادته لي واول مره تديني مبلغ زي ده انا اتخنقت من المرواح هناك وبقيت حاسه ان انا بروح اشحت وانا بقعد احكي لها ظروفي وظروف عيالي مش حرام عليك ان انت ما تصرفش على عيالك وتديني فتافيت فلوس كل شهر يا حسن وتخليني اتذل للي يسوي واللي ما يسواش .
كان بيعد الفلوس وكانه بيعد الملايين وهو مش مصدق انها اديتها المبلغ ده وفاق على كلامها وهو بيتريق عليها
وماله يا اختي لما تروحي لبنت عمك وتحكي لها ظروفك وتشكيلها همك وهي تشيل معاكي كوم اللحم اللي انت فضلت تجيبيهم ورا بعض وهينوبها ثواب فيكي والاقربون اولى بالمعروف خدي بقى ال 100 جنيه دي هاتي بيها اكل لك انتي والعيال.
حرام عليك يا أخي تديني 100 جنيه بس اجيب بيهم ايه دول العيال ما كلوش لحمه بقى لهم شهر اديني اجيب كيلو حتى ينوبك ثواب فيهم.
بس يا وليه ما فيش غير ال 100 جنيه وبعد كده تصرفي حالك انا هجيب لكم منين وانا ظهري مقطوم في البناء طول النهار عند الناس وفي الاخر اليوم اخذ كم ملطوش ما يكفيكوش تاتك الهم انت وولادك اوعي من طريقي .
دخل عادل شقته بعد ما رجع من سفريه شغله وهو لاقي الدنيا مظلمه حس بالاكتئاب اكتر مع انه قايل لنسمه انه جاي في الطريق وكان مفكر انها تبقى مستنياه فشغل النور واټصدم لما لقى نسمه واقفه وهي زي القمر كانها عروسه في ليله دخلتها ومجهزه له سفره من كل ما لذ وطاب وبتجري عليه وحضنته وهي بتقول له
حمد لله على السلامه يا حبيبي وحشتني قوي المره دي طولت الغيبه قوي يا عادل.
معلش يا نسمه كان عندي شغل كتير في الموقع وكان لازم اخلصه قبل ما ارجع بس ايه الحلاوه دي والجو الجميل اللي انت عاملاه لي ده من زمان قوي ما شفناش الحاجات الحلوه دي يا ست نسمه .
ادلعت نسمه عليه وهي بتشده من ايده وبتوري له اصناف الاكل اللي هي عملتها له بايديه
ما كنتش اتدلع على جوزي حبيبي هتدلع على مين وبعدين تعالى بقى دوق الاكل اللي انا عاملاه لك اكيد وحشك اكل نسمه طول الاسبوعين اللي انت قعدت فيهم في شرم الشيخ .
شم ريحه الاكل وهو بيتلذذ
الله الله يا نسوم اخيرا شفنا الحاجات الحلوه دي تاني بعد ما بطننا نشفت من الاكل الجاهز انت ما تتصوريش انت وحشاني قد ايه .
انت كمان واحشني قوي يا عادل وبجد ربنا ما يحرمني منك ولا من نفسك في البيت ولا دخلتك عليا يا حبيبي يلا عشان تاكل هتلاقيك مېت في الجوع .
فعلا كان مېت من الجوع وقعدوا كلوا في جو كله ضحك بسبب ان نسمه فاقت من حزنها وقررت انها تفوق لجوزها ولبيتها وبعد ما خلصوا الاكل دخلوا اوضتهم وقررت نسمه انها تفاتحوا في الموضوع اللي هي عايزه تكلمه فيه
في حاجه عايزه اقول لك عليها بس عايزاك تطول بالك معايا وتفهم الموضوع كويس .
قلق عادل من كلامها فطلب منها
اتكلمي على طول يا نسمه في ايه يا حبيبتي اللي مضايقك وقالقك .
في موضوع بفكر فيه من بقى لي شويه من ساعه ما سافرت ومسيطر عليا جامد
انت تعرف صباح بنت عمي اللي بتيجي تنظف لي الشقه على طول صباح حامل في شهرين وعندها خمس عيال فكانت بټعيط لي ان هي عايزه تنزل الجنين اللي في بطنها لانها مش هتقدر عليه فكرت في حاجه كده بس ما رضيتش اقول لها الا لما اقول لك انت الاول ونتفاهم مع بعض.
عادل ما قدرش
—
يوصل للي هي عايزاه فطلب منها انها تكمل فباحت له على اللي في قلبها
انا بفكر ان اخليها تكمل الحمل وانا اللي اتولى مسؤوليتها من فحص وكشوفات واتفق معاها ان احنا ناخد الجنين بعد ولادتها ونربيه ونديها مبلغ كل شهر انا واثقه ومتاكده انها عمرها ما هترفض لانها محتاجه فلوس عشان تربي اخواتها .
عادل اڼصدم من تفكيرها ورفض بشده
لا طبعا انا مش موافق على الكلام ده مش هنحط رقبتنا تحت بنت عمك الطماعه هي وجوزها الشمام علشان تحققي حاجه ربك مش رايدها ليكي يا ريت تنسي الموضوع ده يا نسمه .
نسمه دخلت في دموع على طول واڼهيار وهي اصلا حالتها مؤهله للاڼهيار في اي لحظه واتكلمك من بين دموعها
حرام عليك يا عادل تقفل في وشي كل البيبان قبل كده ما رضيتش تخلينا ان احنا نجيب طفل من الملجا ونربيه معانا وهو لا كان له اب ولا ام ورفضت رفض قاطع ودلوقتي برده بقترح عليك ان احنا ناخد طفل عارفين امه وابوه وبعدين خير ربنا كتير وفي الاخر هسيبه لمين يعني لما ربي طفله تملا علينا البيت وتقول لي يا ماما وتقول لك يا بابا ونلاقي حد يونسنا صدقني دنيتنا هتتغير وهتلاقيني حد تاني .
طب ليه يا بنت الناس ما احنا عايشين كويس وفي هدوء بعيد عن المشاكل وبعدين جوزها انا ما بستريحلوش طماع وكمان بيشرب مخډرات مش معقول هناخد بنا ابوها بيشرب مخډرات !
انا اللي هربيها وطالما بنسد بقه بالفلوس على طول مش هيقدر يتكلم حتى لو رميت له ملاليم كل شهر هيسكت وهيسيبنا في حالنا .
يا نسمه افهمي زمان المثل بيقول يا مربي غير ولدك ياباني في غير ملكك ارجوكي تنسي الحوار ده خالص .
معلش بقى يا عادل مش كل مره تقفلها في وشي انا مصممه وانا اللي هتحمل مسؤوليه اي حاجه هتحصل .
طب وانت واثقه من موافقتهم قوي كده انهم يبيعوا ابنهم او بنتهم.
وليه تسميها بالمسمى ده انها بيع وشړا انا بنت عمها يعني زي اختها والمولود هيبقى ابن اختي يعني هيبقى زيتنا في دقيقنا وما حدش هيعرف اي حاجه عن اللي بينا ولا حد له دخل اصلا في حياتنا ارجوك يا عادل توافق وانا هعرف اقنعهم ازاي .
سابها عادل ودور وشه الناحيه التانيه ورد عليها بزهق وهو هينام
براحتك اعملي اللي انت عايزاه على الله نخلص من النكد اللي احنا عايشين فيه ده ليل ونهار حتى لما رجعت من السفر ولقيتك متغيره حمدت ربنا اتاري ما لحقتش اتهنى معاكي بلحظه سعاده واحده ولقيتك دخلت في حوار هتدخلينا فيه وانا مش مطمن انتي حره في اللي هيجرى لك بعد كده .
نسمه رغم ان هو زعل الا انها فرحانه جدا انه هيسيبها تعمل اللي هي عايزاه وثاني يوم على طول راحت لبنت عمها وفي ايدها ظرف وكانت متصله عليها ومبلغاها ان هي هتزورها ولازم يكون جوزها موجود عشان عايزاها في موضوع مهم وكانت واخده عادل معاها بالإجبار وكمان زياره فيها من خيرات الله ما لا يحصى ولا يعد فواكه ولحوم وخضار ولبس الاولاد وكل حاجه يحتاجها البيت بطريقه ما تتوصفش
بنت عمها وجوزها اول ما شافوا الزياره بقوا واقفين مبلمين ومش مصدقين نفسهم من كم الحاجات اللي هي جايباها فاتكلمت صباح بذهول
يا ما شاء الله يا ما شاء الله ايه الحاجات اللي انت جايباها دي كلها يا بنت عمي ما انحرمش منك ولا من مجايبك تعالي تعالي استريحي .
